Josua 23:4 - Pijin Bible

⁴ An mi bin givim finis disfala lan stat kam long Jodan Riva long ist go-go hemi en long Mediterenian Si long west. Ya, mi bin givim finis olketa lan blong olketa narafala pipol wea yumi bin winim long faet an wetem olketa lan long narafala pipol wea yumi no winim yet.

Pijin Deuterocanon

⁴ An mi bin givim finis disfala lan stat kam long Jodan Riva long ist go-go hemi en long Mediterenian Si long west. Ya, mi bin givim finis olketa lan blong olketa narafala pipol wea yumi bin winim long faet an wetem olketa lan long narafala pipol wea yumi no winim yet.

Josua 23:4 Iomraidhean Croise

Sams 105:11

Hemi bin tok olsem long Jekob, “Bae mi givim yu lan ya long Kenan, an bae olketa long laen blong yu nao i onam.”

Sams 78:55

Nao taem olketa pipol blong hem i no kasem ples ya yet, hemi ronemaot olketa hiden pipol wea i stap long dea. Nao hemi divaedem graon blong olketa hiden pipol ya long olketa laen blong Israel, an hemi letem olketa pipol blong hem fo tekova long olketa haostent blong olketa pipol ya.

Eksodas 23:30

Bae mi gohed fo ronemaot olketa lelebet long wanfala taem, go-go kasem taem wea yufala kamap plande, nao yufala save tekova long lan ya.

Sefenaea 3:6

Yawe hemi tok olsem, ?Mi spoelem plande kantri finis. An olketa taon blong olketa wea i garem wolston, mi brekemdaon olketa finis. Olketa taon ya nao i emti, an no eni pipol nao i wakabaot long olketa. Olketa biktaon blong olketa i bagarap nao, no eniwan blong olketa bae i stap. No eniwan nao.

Diutronomi 12:29

Mosis hemi gohed fo tok olsem, “Yawe, God blong yufala, bae hemi go fastaem an spoelem olketa pipol blong disfala lan wea yufala go fo tekova long hem. Bat taem hemi spoelem olketa finis an yufala ronemaot olketa an stap finis long lan, yufala mas lukaot, nogud yufala laek fo ask abaotem olketa god blong olketa. Sapos yufala ask olobaot olsem, ‘?Hao nao olketa pipol i bin wosipim olketa god blong olketa? Ating bae yumi falom wei blong olketa.’ Bae hemi olsem wanfala trap fo yufala.

Josua 13:2

Plande ples i stap yet long eria long Filistia wetem faefala taon long Gasa, an Asdod, an Askelon, an Gat, an Ekron. Yufala mas tekova tu long olketa eria long Gesua long ist saet long Ijip an long eria long Ava long saot. An yufala mas tekova tu long disfala lan wea hemi stat long smolfala riva ya long Sihoa long saot wea hemi makem spialaen long lan blong olketa pipol blong Ijip, an hemi go olowe go-go kasem taon long Afek long not.

Josua 18:10

Den long frant long Yawe, Josua hemi rolem olketa spesol ston fo somaot eria wea Yawe bae hemi givim long olketa traeb fo onam. Hem nao wei wea Josua hemi divaedem olketa eria go long sevenfala traeb wea i no onam yet eni lan.

Jajis 2:21

bae mi no save ronemaot olketa narafala pipol wea i bin stap long lan ya long taem wea Josua hemi dae.