Josua 22:24 - Pijin Bible

²⁴ !Bat nomoa ya! Mifala duim diswan bikos mifala fraet nogud nao samtaem bihaen, olketa long traeb blong yufala bae i tok olsem long olketa long traeb blong mifala, ‘Yufala no fit fo mekem wosip go long Yawe hu hemi God blong mifala. !Yufala no garem raet fo duim olsem!

Pijin Deuterocanon

²⁴ !Bat nomoa ya! Mifala duim diswan bikos mifala fraet nogud nao samtaem bihaen, olketa long traeb blong yufala bae i tok olsem long olketa long traeb blong mifala, ‘Yufala no fit fo mekem wosip go long Yawe hu hemi God blong mifala. !Yufala no garem raet fo duim olsem!

Josua 22:24 Iomraidhean Croise

Jenesis 18:19

Mi siusim hem fo hemi save tokstrong long olketa pikinini blong hem, an olketa wea bae i bon kam long laen blong hem, mekem olketa obeim mi, an olketa duim nomoa olketa wei wea hemi stret an gud. An sapos olketa ya i duim olsem, bae mi duim evrisamting wea mi promisim finis long hem.”

Jenesis 30:33

Nao bae hemi isi nomoa fo yu fo sekemap sapos mi gohed fo mekem stret o nomoa. Taem yu wande sekemap pei blong mi ya, sapos yu lukim dat mi garem nanigot wea i blak tumas, an mi garem sipsip wea i no blak tumas, bae yufala save talem dat mi bin stilim.”

Eksodas 13:14

An sapos olketa pikinini boe blong yufala i askem yufala olsem, ‘?Waswe nao yumi gohed fo duim olketa samting ya?’, bae yufala mas tok olsem long olketa, ‘Olketa samting ya hemi fo makem taem wea mifala waka olsem slev long Ijip. Nao Yawe hemi tekem mifala aot from ples ya, long bikfala paoa blong hem.

Diutronomi 6:20

“Nao taem olketa pikinini blong yufala, olketa askem yufala olsem, ‘?Waswe nao Yawe, God blong yumi, hemi talem yumi fo falom olketa tising an olketa lo an olketa rul ya?’,

Josua 22:23

An sapos mifala no obeim toktok blong hem, an mifala mekem disfala olta fo mekem wosip long wei blong mifala seleva nomoa, an mifala bonem animol long olta ya, o mifala bonem kaikai from gaden long hem, o mifala kilim dae animol wea mifala bonem haf fo mekem wosip long hem, an mifala kaikaim haf long hem fo som dat mifala fren wetem hem, hemi gud tumas sapos hemi panisim mifala.

Josua 22:25

Yawe nao hemi putum Jodan Riva olsem spialaen blong yumi an yufala no garem raet fo mekem wosip go long hem.’ “Nao maet samtaem bihaen bae olketa hu i bon kam bihaen long traeb blong yufala bae i no letem olketa wea i bon kam long traeb blong mifala fo mekem wosip go long Yawe.