Josua 21:8 - Pijin Bible

⁸ Bifoa, Yawe hemi bin talem Mosis wea olketa lida mas rolem olketa spesol ston fo faendemaot olketa hu nao long traeb blong Livae bae onam olketa deferen taon ya. So long wei olsem olketa long Israel i givim olketa taon wetem olketa lan raonem olketa fo traeb blong Livae.

Pijin Deuterocanon

⁸ Bifoa, Yawe hemi bin talem Mosis wea olketa lida mas rolem olketa spesol ston fo faendemaot olketa hu nao long traeb blong Livae bae onam olketa deferen taon ya. So long wei olsem olketa long Israel i givim olketa taon wetem olketa lan raonem olketa fo traeb blong Livae.

Josua 21:8 Iomraidhean Croise

Jenesis 49:5

Simion an Livae, yutufala i wanfala brata nomoa. Yutufala gohed fo yusim olketa samting blong yutufala fo faet fo spoelem nomoa olketa narafala pipol.

Jenesis 49:7

Letem God hemi panisim yutufala from kros ya blong yutufala wea hemi gohed fo kamap strong tumas, an long wei wea yutufala laek fo mekem olketa pipol safa tumas. Bae mi divaedem olketa wea bae i bon kam bihaen long yutufala fo stap olobaot long midol long olketa narafala pipol wea bae i bon kam bihaen long mi.

Provebs 16:33

Man hemi trae faendemaot wanem fo duim, Yawe nomoa hemi mekem ansa kamaot.

Provebs 18:18

Samfala pleim daes fo finisim raoa, hemi wanfala wei fo stopem faet long tufala bikman.

Nambas 32:2

So olketa go lukim Mosis wetem Haeprist Eleasa an olketa narafala lida blong pipol, an olketa tok olsem,

Nambas 33:54

Bae yufala mas divaedem olketa lan ya go long olketa traeb blong yufala, falom namba blong olketa. Bikfala lan hemi mas go long bikfala traeb, an smolfala lan hemi mas go long smolfala traeb. An yufala mas yusim tufala spesol ston fo divaedem olketa lan ya, an long wei wea tufala ston i foldaon hem nao wei wea evri traeb save garem lan blong hem.

Nambas 35:3

Olketa taon ya bae i blong olketa fo stap long hem. An olketa lan raonem olketa taon ya bae i blong olketa fo lukaftarem olketa buluka blong olketa wetem olketa narafala animol blong olketa.

Josua 21:3

So olketa lida ya i obeim disfala toktok blong Yawe an olketa givim nao olketa taon an olketa lan raonem fo olketa long traeb blong Livae mekem olketa save putum olketa animol blong olketa long hem an onam datfala eria nao.

Josua 21:7

An olketa long laen blong Merari hu hemi narafala san blong Livae, olketa nao i onam tuelfala taon wea samfala i stap long eria blong Ruben, an samfala long eria blong Gad, an samfala moa i stap long eria blong Sebulun.

Josua 21:9

Olketa long laen blong Eron hu i from laen blong Kohat i kamap fastaem so olketa nao i onam naenfala taon wea i stap long distrik blong Jiuda an Simion. Faswan long olketa taon ya nao hemi Kiriat-Aba wetem olketa lan raonem fo putum olketa animol long hem. Taon ya hemi stap long olketa hil long distrik blong Jiuda, an nem blong hem hemi minim “Taon blong Aba”, falom nem blong dadi blong Anak long bifoa, bat bihaen olketa kolem moa long Hebron. Bat Kelab nao hemi onam olketa ples fo wakem gaden wetem olketa vilij raonem taon ya. Nao Hebron hemi wanfala long olketa taon fo haed long hem. An olketa givim samfala taon moa long olketa wetem olketa lan raonem olketa fo putum olketa animol long hem. Nem blong olketa taon ya nao: Libna, an Jatia, an Estemoa, an Holon, an Debia, an Aen, an Juta, an Bet-Semes. Hem nao naenfala taon wea olketa onam insaet long eria blong olketa long traeb blong Jiuda an olketa long traeb blong Simion tu. An long eria blong Benjamin, olketa givim fofala taon long olketa, wetem olketa lan raonem fo putum olketa animol blong olketa long hem. Nem blong olketa taon ya nao: Gibeon, an Geba, an Anatot an Almon.