Josua 21:1 - Pijin Bible

^1-2 Long datfala taem olketa lida blong olketa long traeb blong Livae i kam fo lukim Haeprist Eliesa, wetem Josua an olketa narafala lida blong olketa traeb blong olketa Israel hu i stap yet long taon long Saelo long Kenan, an olketa tok olsem, “Yawe hemi bin talem Mosis wea taem yumi kasem disfala ples, bae yufala mas givim olketa taon long mifala mekem mifala save stap long hem, wetem olketa lan raonem olketa taon ya, mekem mifala save putum olketa animol blong mifala long hem.”

Pijin Deuterocanon

^1-2 Long datfala taem olketa lida blong olketa long traeb blong Livae i kam fo lukim Haeprist Eliesa, wetem Josua an olketa narafala lida blong olketa traeb blong olketa Israel hu i stap yet long taon long Saelo long Kenan, an olketa tok olsem, “Yawe hemi bin talem Mosis wea taem yumi kasem disfala ples, bae yufala mas givim olketa taon long mifala mekem mifala save stap long hem, wetem olketa lan raonem olketa taon ya, mekem mifala save putum olketa animol blong mifala long hem.”

Josua 21:1 Iomraidhean Croise

Jenesis 49:7

Letem God hemi panisim yutufala from kros ya blong yutufala wea hemi gohed fo kamap strong tumas, an long wei wea yutufala laek fo mekem olketa pipol safa tumas. Bae mi divaedem olketa wea bae i bon kam bihaen long yutufala fo stap olobaot long midol long olketa narafala pipol wea bae i bon kam bihaen long mi.

Eksodas 6:14

Hem nao nem blong olketa bikman long trifala long olketa traeb blong Israel: Fasbon san blong Jekob nao Ruben, an hemi garem fofala san. Nem blong fofala nao, Hanok, an Palu, an Hesron, an Kami. An olketa laen long traeb blong Ruben i garem nem blong fofala ya.

Eksodas 6:25

Eleasa, san blong Eron, hemi maritim dota blong Putiel, an tufala ya i garem wanfala san, wea nem blong hem nao Finehas. Hem nao nem blong olketa bikman long olketa laen long traeb blong Livae.

Nambas 35:1

Taem olketa stap long bikfala flat ples blong Moab, long saet blong Jodan Riva, long narasaet long riva from Jeriko, Yawe hemi gohed fo tok olsem long Mosis,

Nambas 35:8

An namba blong olketa taon wea bae yufala givim long olketa, hemi mas falom saes blong lan blong evri traeb blong yufala. Traeb wea hemi garem plande taon, hemi mas givim plande taon long olketa, an traeb wea hemi no garem plande taon bae hemi mas givim tu-tri nomoa.”

Josua 14:1

Nao Haeprist Eliesa wetem Josua an olketa lida blong evri famili long traeb blong Israel i divaedem lan long Kenan wea hemi stap long west saet long Jodan riva fo go long olketa pipol hu i no garem eni lan yet.

Josua 17:4

Olketa woman ya i go lukim Haeprist Eliesa wetem Josua an olketa narafala lida blong olketa. Olketa tok olsem, “Bifoa, Yawe hemi bin tok olsem long Mosis fo hemi mas givim samfala lan long mifala, olsem olketa narafala brata blong mifala i garem, mekem mifala tu save onam lan blong mifala seleva.” So olketa lida ya i duim nao olsem wea Yawe bin talem long Mosis bifoa. An olketa givim olketa lan long eria wea olketa brata blong olketa onam, mekem olketa save stap long hem.