Josua 20:3 - Pijin Bible

³ Sapos wanfala man hemi no minim nomoa fo kilim dae narafala man bat man ya hemi dae nao, disfala man save ranawe go fo haed long wanfala long olketa taon ya. An sapos wanfala wantok blong disfala man wea hemi dae hemi kam fo kilim hem dae fo sensim laef blong datfala wantok blong hem, bae hemi no save kilim hem dae.

Pijin Deuterocanon

³ Sapos wanfala man hemi no minim nomoa fo kilim dae narafala man bat man ya hemi dae nao, disfala man save ranawe go fo haed long wanfala long olketa taon ya. An sapos wanfala wantok blong disfala man wea hemi dae hemi kam fo kilim hem dae fo sensim laef blong datfala wantok blong hem, bae hemi no save kilim hem dae.

Josua 20:3 Iomraidhean Croise

2 Samuel 14:11

Oraet, woman ya hemi tok olsem, “King, yu save, long kastom blong yumi, wanfala wantok blong mi hemi redi fo kilim dae pikinini blong mi fo sensimbaek wanem hemi bin duim. Plis yu tokstrong long nem blong Yawe, God blong yumi, mekem wantok ya hemi no kilim dae pikinini blong mi.” So king hemi tok olsem, “Olsem Yawe hemi laef, mi toktru, no eniwan save tasim pikinini blong yu fo kilim hem dae.”

Levitikas 4:2

fo go tok long pipol blong Israel olsem, “Sapos eniwan hemi duim eni rong samting wea hemi no tingting fo duim bat hemi brekem lo blong Yawe, oraet, hemi mas mekem sakrifaes long olketa wei wea mi talem.”

Nambas 35:12

An long datfala taon, hemi save stap sef, bikos famili blong man hu hemi dae bae i no save duim enisamting long hem fo sensimbaek, go-go kasem taem wea hemi go long kot long olketa pipol.

Nambas 35:22

“Bat sapos wanfala man hu hemi no kros an hemi no garem tingting fo spoelem nara man, hemi kilim dae narafala man bat hemi nating minim fo duim, olketa pipol long ples mas mekem kot fo lukluk gudfala long disfala samting. Maet hemi bin pusum narafala man foldaon, o sutim hem long enisamting, o sutim ston long narafala samting, bat hemi kasem man mekem hem dae. Long kot wea olketa pipol mekem, olketa mas faendemaot sapos man hemi minim fo duim o nomoa. An olketa mas tingting long olketa lo ya an talemaot dat wantok blong man dae hemi garem raet fo kilim dae man ya o nomoa.

Hibrus 6:18

So God hemi talemaot dat bae hemi blesim laen blong Ebraham an hemi mekem strongfala promis fo duim olsem. Tufala samting ya no save sens bikos God no save laea. An yumi hu i trastem God fo hemi kipim yumi sef, tufala samting ya save strongim tingting blong yumi fo holestrong long biliv wea bae hemi duim wanem hemi promisim.

Josua 20:2

fo tok olsem long olketa pipol blong Israel, “Yufala mas siusim olketa taon fo haed long hem, olsem wea Yawe bin talem bifoa long Mosis fo talemaot long yufala.

Josua 20:4

“Sapos wanfala man hemi olsem, bae hemi save go fo haed long wanfala long olketa taon ya, bat hemi mas go lukim fastaem olketa lida long geit blong bikfala wolston blong taon ya fo talemaot wanem hemi hapen, mekem olketa save jajem hem. Bihaen, olketa save letem hem stap long taon ya wetem olketa, an olketa givim wanfala ples fo hemi stap long hem.