Josua 2:14 - Pijin Bible

¹⁴ Nao tufala man ya i tok olsem long hem, “Letem Yawe hemi kilim mitufala dae, sapos mitufala no kipim promis ya. An, sapos yu no talemaot long eniwan abaotem olketa samting wea mitufala duim, bae mifala no duim eni nogud samting long yufala. An taem Yawe hemi givim lan ya long mifala, bae mifala kaen long yu wetem evriwan long famili blong yu.”

Pijin Deuterocanon

¹⁴ Nao tufala man ya i tok olsem long hem, “Letem Yawe hemi kilim mitufala dae, sapos mitufala no kipim promis ya. An, sapos yu no talemaot long eniwan abaotem olketa samting wea mitufala duim, bae mifala no duim eni nogud samting long yufala. An taem Yawe hemi givim lan ya long mifala, bae mifala kaen long yu wetem evriwan long famili blong yu.”

Josua 2:14 Iomraidhean Croise

Jenesis 24:49

Nao hemi askem olketa olsem, “?Bae hemi olsem wanem nao? Sapos yufala gohed fo tingim masta blong mi, an yufala laekem mekem fo hemi gud long hem, plis yufala mas talemaot long mi. Bat sapos hemi nomoa, plis yufala mas talemaot, mekem bae mi save mekem plan blong mi moa.”

Jenesis 47:29

An taem hemi save dat hemi kolsap taem blong hem fo dae, hemi kolem pikinini blong hem ya Josef fo kam an lukim hem. Nao hemi tok olsem long hem, “Yu kam. Sapos yu barava lavem mi, yu putum kam han blong yu andanit long lek blong mi, an yu mekem promis long mi, sei bae yu no berem mi long hia long Ijip.

2 Samuel 2:5

So hemi sendem samfala man fo go talem toktok blong hem long olketa olsem, “Letem Yawe hemi blesim yufala, bikos yufala go berem King Sol. Wei ya hemi som dat yufala tinghevi long king blong yufala.

2 Samuel 2:6

Letem Yawe hemi kaen long yufala an tinghevi long yufala. An bae mi tu mi gohed fo tinghevi long yufala from wanem yufala duim.

2 Samuel 9:1

Oraet, wanfala de, King Deved hemi askem olketa man blong hem olsem, “?Waswe, eni pikinini long laen blong King Sol i stap yet? Sapos eniwan hemi stap, mi laek fo kaen long hem, bikos Jonatan hemi gudfala fren blong mi bifoa.”

1 Kings 20:39

Taem king ya hemi kam pas, profet ya hemi singaotem hem olsem, “King, mi go long faet, an wanfala soldia blong yumi i tekem wanfala enemi wea olketa kasholem finis. Hemi kam putum long han blong mi, an hemi tok olsem, ‘Yu mas gadem man ya. Sapos hemi ranawe, panis blong yu, bae yu mas dae fo sensim laef blong hem, o bae yu mas peim faen long teti-foa kilo silva.’

Provebs 14:22

Man mekem ravis plan, bae hemi gorong. Bat pipol trastem an tinghevi long man hemi mekem gudfala plan.

Provebs 18:24

Plande fren i yusles nomoa. Barava fren, hemi gud winim wantok.

Matiu 5:7

Olketa hu i sore an kaen long nara man, olketa save hapi ya, bikos God bae hemi sore an kaen long olketa.

Aposol 23:22

Kapten hemi tokstrong long hem, an hemi sei, “Yu mas no talemaot fo eniwan wea yu bin talem diswan long mi.” An hemi sendem yangman fo go.

Josua 2:13

Yutufala mas promis long mi wea bae yufala mas sevem dadi an mami blong mi, wetem olketa brata an sista blong mi an evriwan long famili blong mi. !Bae yufala mas no kilim dae eniwan long mifala!”

Josua 2:15

Haos blong woman ya hemi stap long antap, insaet long bikfala wolston blong taon ya. So hemi mekredi fo letem tufala fo goaot tru long windo blong wolston ya an godaon long wanfala rop.

Josua 6:17

Yumi mas spoelem finis evrisamting wea hemi stap insaet long taon ya. Bae yumi mas barava bonem, mekem hemi olsem wanfala tambu ofaring go long Yawe. Disfala juri woman ya nomoa, Rehab, wetem evriwan long famili blong hem wea i stap long haos blong hem, olketa ya nao bae yumi no kilim olketa dae, bikos hemi bin haedem tufala man blong yumi.

Josua 6:22

Josua hemi tok olsem long tufala man hu i bin kam fastaem long ples ya fo luksave long hem, “Yutufala go long haos blong juri woman ya Rehab, an tekem hem kamaot wetem olketa long famili blong hem, olsem wea yutufala bin promisim hem.”

Josua 6:25

Josua hemi no kilim dae Rehab wetem evriwan long famili blong hem, bikos taem hemi sendem go tufala man blong hem fo luksave long ples ya, woman ya nao bin haedem tufala fo sevem laef blong tufala. (Olketa long laen blong woman ya i stap yet long Israel ka-kam kasem tude.)

1 Samuel 20:8

Plis yu kaen long mi an duim disfala samting fo helpem mi, an falom agrimen wea yumitufala bin mekem long nem blong Yawe. Bat sapos mi bin duim enisamting long dadi blong yu wea hemi no stret, hemi nogud fo yu tekem mi go long hem, hemi moabeta yu nomoa yu kilim mi dae.”