Josua 19:29 - Pijin Bible

²⁹ Disfala spialaen ya hemi tane go moa long Rama, an go kolsap long taon long Taea wea bikfala wolston nao hemi goraonem. Spialaen ya hemi tane go long Hosa an go-go hemi en long Mediterenian Si. Olketa narafala taon moa wea i stap insaet long eria ya nao: Mahalab, an Aksib,

Pijin Deuterocanon

²⁹ Disfala spialaen ya hemi tane go moa long Rama, an go kolsap long taon long Taea wea bikfala wolston nao hemi goraonem. Spialaen ya hemi tane go long Hosa an go-go hemi en long Mediterenian Si. Olketa narafala taon moa wea i stap insaet long eria ya nao: Mahalab, an Aksib,

Josua 19:29 Iomraidhean Croise

Jenesis 38:5

An bihaen moa, hemi bonem wanfala pikinini boe moa, an hemi kolem hem Sela. Long taem wea pikinini ya hemi bon, tufala stap long narafala ples wea olketa kolem Kesib.

2 Samuel 24:7

Den olketa go long saot long taon long Taea wea hemi garem bikfala wolston. Bihaen, olketa go long olketa taon long lan blong Hivi, an long olketa taon long lan blong olketa narafala pipol blong Kenan. An las ples nao, olketa go kasem taon long Beereseba long distrik blong Jiuda, long saot.

2 Samuel 5:11

Nao King Haeram blong Taea hemi sendem samfala man blong hem fo lukim King Deved. An hemi sendem tu samfala man wea save hao fo katem ston, an samfala man fo wakem haos. An olketa karim kam samfala timba blong sida tri, mekem olketa kam wakem wanfala haos fo King Deved.

1 Kings 5:15

An hemi garem 80,000 man wea i gohed fo digim an katem ston long olketa hil, an hemi garem 70,000 man moa fo karim olketa ston ya kamdaon.

Esikiel 28:21

“Man blong graon. Luk go long taon long Saedon, an talemaot disfala profesi agensim hem.

Maeka 1:14

!Olketa pipol blong Jiuda! Hemi taem fo yumi evriwan fo gudbae long taon long Moreset-Gat, bikos olketa enemi i kam fo tekova nao long taon ya. An olketa pipol blong taon long Aksib bae i laea long olketa king blong yumi.

Sekaraea 9:3

Olketa pipol blong Taea bin wakem strongfala sefples, an i hipimap plande silva an gol long ples blong olketa. Olketa garem plande tumas olsem dast long olketa rod.

Josua 18:25

An olketa garem samfala narafala taon moa wea nem blong olketa nao, Gibeon, an Rama, an Beerot,

Josua 19:30

an Uma, an Afek an Rehob. Tuenti-tu taon wetem olketa vilij raonem olketa i stap long datfala eria.

Jajis 1:31

An traeb blong Asa hemi nating ronemaot olketa pipol blong Kenan wea i stap long olketa taon long Ako, an Saedon, an Ahalab, an Aksib, an Helba, an Afek, an Rehob.