Josua 18:4 - Pijin Bible

⁴ Siusim trifala man from evri traeb blong yufala. Bae mi sendem olketa fo goaot an lukim lan ya, mekem olketa makemaot olketa eria long lan mekem olketa traeb blong yufala bae i onam. An bihaen, olketa mas kambaek long mi.

Pijin Deuterocanon

⁴ Siusim trifala man from evri traeb blong yufala. Bae mi sendem olketa fo goaot an lukim lan ya, mekem olketa makemaot olketa eria long lan mekem olketa traeb blong yufala bae i onam. An bihaen, olketa mas kambaek long mi.

Josua 18:4 Iomraidhean Croise

Maeka 2:5

(Profet) So, long taem wea bae Yawe hemi givimbaek disfala lan long olketa pipol blong hem, olketa gohed fo divaedem lan ya moa. Bat no eniwan long laen blong yufala bae hemi tekem eni lan.

Nambas 1:4

An yutufala mas tekem wanfala lida from evri traeb long tuelfala traeb blong yufala, mekem olketa helpem yutufala.

Josua 18:3

So Josua hemi tok olsem long olketa, “?Hao long nao bae yufala gohed fo weit? Yawe hu hemi God blong olketa grani blong yumi bifoa hemi makem finis olketa lan ya fo yumi. Yufala mas go an tekova nao long lan ya fo yufala.

Josua 18:5

Bae olketa mas divaedem lan ya long sevenfala eria. An olketa mas raetemdaon ripot abaotem olketa spialaen long olketa eria ya, an mas tekem kambaek olketa ripot ya long mi. Bae mi rolem olketa spesol ston fo somaot dat olketa lan ya, Yawe hu hemi God blong yumi nao hemi givim long olketa traeb blong yufala. Bat olketa long traeb blong Jiuda bae i stap finis long eria long saot. An olketa long traeb blong Josef bae i stap finis long tufala eria long not wea i no insaet long eria blong olketa sevenfala wea yufala divaedem distaem.

Josua 18:9

Olketa wakabaot go long evri ples long lan ya, an olketa raetemdaon evrisamting abaotem hao olketa divaedem lan ya long sevenfala eria wetem olketa taon wea i stap insaet long olketa eria ya. Taem olketa makem finis olketa ples ya, olketa gobaek long Josua long Saelo.

Josua 3:12

“An yufala long tuelfala traeb blong Israel, yufala mas siusim tuelfala man, wanfala from evri traeb.

Josua 4:2

“Yu siusim tuelfala man from tuelfala traeb blong yufala.