Josua 18:3 - Pijin Bible

³ So Josua hemi tok olsem long olketa, “?Hao long nao bae yufala gohed fo weit? Yawe hu hemi God blong olketa grani blong yumi bifoa hemi makem finis olketa lan ya fo yumi. Yufala mas go an tekova nao long lan ya fo yufala.

Pijin Deuterocanon

³ So Josua hemi tok olsem long olketa, “?Hao long nao bae yufala gohed fo weit? Yawe hu hemi God blong olketa grani blong yumi bifoa hemi makem finis olketa lan ya fo yumi. Yufala mas go an tekova nao long lan ya fo yufala.

Josua 18:3 Iomraidhean Croise

Provebs 10:4

Man hemi les, bae hemi pua, man hemi wiling bae hemi ris.

Provebs 13:4

Wanem man hu i wakahad hemi laekem, hemi garem. Wanem Lesibon hemi laekem, hemi no garem.

Provebs 15:19

Rod blong Lesibon hemi pas long nilagras, bat rod blong stretfala man hemi barava nambawan.

Eklesiastes 9:10

Yumi mas barava wakahad gudfala long evrisamting wea yumi duim. Taem yumi go long ples blong man dae, bae yumi no waka, o tingting, o garem save, o garem waes.

Sefenaea 3:16

Long datfala taem, olketa bae tok olsem long pipol blong Jerusalem, ?Olketa pipol blong Saeon, yufala no kamap wik long fraet.

Matiu 20:6

An kasem faevklok long ivining, hemi goaot moa an hemi lukim samfala man moa hu olketa liu nating nomoa. So hemi askem olketa olsem, ‘?Waswe nao yufala liu nating olsem long fulde ya?’

Gudnius abaotem Jisas Kraes wea Jon hemi raetem 6:27

Yufala mas no wakahad fo diskaen kaikai wea hemi save nogud kuiktaem nomoa, bat yufala mas wakahad fo diskaen kaikai wea hemi save givim yufala tru laef wea hemi no save finis. Mi San Blong Man, bae mi givim diskaen kaikai long yufala, bikos God Dadi blong yumi hemi somaot finis dat hemi laekem mi.”

Josua 1:6

“Yu mas stanap strong olowe, an yu mas no fraet, bikos yu nao bae yu lidim olketa pipol ya fo go insaet long lan wea mi bin promisim finis long olketa grani blong yufala bifoa, wea bae mi givim long yufala.

Josua 13:1

Josua hemi kamap olo fogud nao, an Yawe hemi tok olsem long hem, “Josua, distaem yu olo tumas nao, bat plande bikfala lan hemi stap yet wea yufala no tekova long hem yet.

Josua 18:2

Long datfala taem, sevenfala traeb blong olketa nao i no onam eni lan yet.

Josua 18:4

Siusim trifala man from evri traeb blong yufala. Bae mi sendem olketa fo goaot an lukim lan ya, mekem olketa makemaot olketa eria long lan mekem olketa traeb blong yufala bae i onam. An bihaen, olketa mas kambaek long mi.

Jajis 18:9

An faefala ya i tok olsem, “Ya, mifala lukim dat lan blong olketa long Laeis hemi barava gud tumas. So yumi mas go nao long ples ya fo faetem olketa. An yumi mas go kuiktaem fo tekova long ples ya.