Josua 18:28 - Pijin Bible

²⁸ an Sela, an Haelef, an Jebus wea narafala nem blong hem nao Jerusalem, an Gibea an Kiriat-Jearim. Hem nao fotinfala taon wea i stap long eria ya wetem olketa vilij wea i stap raon long olketa. Hem nao olketa lan wea traeb blong Benjamin i onam.

Pijin Deuterocanon

²⁸ an Sela, an Haelef, an Jebus wea narafala nem blong hem nao Jerusalem, an Gibea an Kiriat-Jearim. Hem nao fotinfala taon wea i stap long eria ya wetem olketa vilij wea i stap raon long olketa. Hem nao olketa lan wea traeb blong Benjamin i onam.

Josua 18:28 Iomraidhean Croise

2 Samuel 21:14

An olketa go berem long beregraon blong Kis, dadi blong King Sol. Beregraon ya hemi stap long Sela, long distrik blong Benjamin. Olketa soldia blong king i duim olketa samting ya barava olsem wea hemi talem. An bihaen long olketa samting ya, God hemi ansarem prea an hemi blesim lan ya.

2 Samuel 23:29

Heleb, san blong Baana, man blong Netofa, Itae, san blong Ribae, man blong Gibea long traeb blong Benjamin,

2 Samuel 5:6

King Deved an olketa soldia blong hem i go long Jerusalem fo faetem olketa long laen blong Jebus wea i stap long taon ya. Nao olketa tingse Deved hemi no save winim taon ya, so olketa tok olsem long hem, “Bae yu nating save kam insaet long taon blong mifala. Nomata olketa blaen man an olketa man wea i no save wakabaot, bae olketa fit fo stopem yu.”

2 Samuel 5:8

Long de wea Deved hemi winim Jerusalem, hemi bin tok olsem long olketa soldia blong hem, “Man wea hemi laek fo go faetem olketa long laen blong Jebus, hemi mas goap insaet long kev blong wata an hem mas falom gotru go kasem olketa enemi blong mi wea mi tingse olketa i blaen an no save wakabaot. Mi heitem olketa ya.” Dastawe olketa garem disfala toktok olsem, “Olketa blaen man an olketa man wea i no save wakabaot, olketa no save go insaet long haos blong king.”

1 Kronikols 8:28

Rekod blong traeb i som dat olketa ya nao i olketa lida long olketa laen long traeb blong Benjamin wea i stap long Jerusalem.

Aesaea 10:29

Olketa krosim dip vali ya an slip long Geba. Rama hemi wanfala taon wea hemi barava kolsap long Geba, an olketa blong taon ya i fraet fogud. Olketa pipol blong taon long Gibea, wea hemi taon blong King Sol bifoa, evriwan ranawe nao.

Jeremaea 6:1

Yawe hemi gohed fo tok olsem, “!Yufala blong Benjamin! !Yufala mas ranawe go haed! !Ranawei from Jerusalem! !Bloum trampet, yufala long taon long Tekoa! Yufala long taon long Bet-Hakerem, yufala mas laetem faea antap long hil bihaenem taon, fo somaot dat olketa enemi i ka-kam nao. Bikfala trabol ya hemi kam long not, an bae hemi kam fo spoelem yufala.

Hosia 10:9

Yawe hemi tok olsem, “From taem wea olketa bin sin long Gibea ka-kam kasem tude, olketa pipol blong Israel i gohed nomoa fo sin agensim mi. An long datfala taem, olketa nating sensim nomoa tingting blong olketa. Dastawe nao bae faet hemi kasem olketa moa, olsem wea hemi bin kasem olketa grani blong olketa long Gibea.

Nambas 26:38

Traeb blong Benjamin, hemi garem laen blong Bela, an laen blong Asbel, an laen blong Ahiram, an laen blong Sefufam, an laen blong Hufam. An laen blong Bela, hemi garem tufala smol laen olsem: laen blong Ad, an laen blong Naaman. An namba blong olketa man long olketa laen ya i kasem 45,600.

Nambas 26:54

Bikfala lan nao bae yu givim go long traeb wea hemi garem plande man long hem, an smolfala lan nao bae yu givim go long traeb wea hemi no garem plande man long hem. Oraet, yufala mas yusim tufala spesol ston fo faendemaot olsem watkaen lan nao bae i go long evri traeb.”

Nambas 33:54

Bae yufala mas divaedem olketa lan ya go long olketa traeb blong yufala, falom namba blong olketa. Bikfala lan hemi mas go long bikfala traeb, an smolfala lan hemi mas go long smolfala traeb. An yufala mas yusim tufala spesol ston fo divaedem olketa lan ya, an long wei wea tufala ston i foldaon hem nao wei wea evri traeb save garem lan blong hem.

Josua 15:63

Bat olketa long traeb blong Jiuda i no save ronemaot olketa long laen blong Jebus bifoa wea olketa gohed fo stap long Jerusalem long datfala taem. Olketa pipol ya i stap yet wetem olketa long traeb blong Jiuda ka-kam kasem tude.

Josua 15:8

Spialaen ya hemi goap stret falom vali long Hinom, wea hemi pas long saot saet, botom long hil ya long Jerusalem, disfala taon blong olketa laen blong Jebus. Spialaen ya hemi go antap long hil saet long vali long Hinom wea hemi stap long west saet, kolsap long vali long Refaem long saet long not.

Josua 18:16

An hemi godaon kasem botom long maonten long not long Refaem vali wea disfala Hinom vali hemi stat. Spialaen ya hemi falom Hinom vali an hemi go pas long narasaet long taon long Jebus an hemi go kasem springwata long En-Rogel.

Josua 18:27

an Rekem, an Irpeel, an Tarala,

Josua 19:1

Mektu haf long lan ya hemi go fo traeb blong Simion. Eria blong olketa ya hemi stap insaet long eria blong olketa long traeb blong Jiuda.

Jajis 1:21

Bat traeb blong Benjamin hemi no ronemaot laen blong Jebus wea hemi stap long Jerusalem, dastawe olketa letem laen blong Jebus fo stap olowe nomoa wetem olketa long ples ya.

Jajis 19:10

Bat man ya hemi no wande fo slip moa long ples ya. So hem wetem woman blong hem, an wakaman blong hem, an tufala dongki blong hem, olketa evriwan i goaot. An taem olketa kam kolsap long taon long Jebus, wea distaem olketa kolem Jerusalem, hemi kolsap tudak nao. So wakaman ya hemi tok olsem long masta blong hem, “!Ei Masta, tunaet yumi mas go slip long Jebus!”

1 Samuel 10:26

An King Sol hemi gohom tu long Gibea, an samfala strong man fo faet i go wetem hem bikos God hemi bin mekem olketa fo tinghevi long Sol.