Josua 18:26 - Pijin Bible

²⁶ an Mispa, an Kefira, an Mosa,

Pijin Deuterocanon

²⁶ an Mispa, an Kefira, an Mosa,

Josua 18:26 Iomraidhean Croise

2 Samuel 4:2

King Isboset hemi garem tufala komanda wea tufala gohed fo lidim olketa soldia blong hem long faet. Nem blong tufala, Baana an Rekab. An dadi blong tufala hemi Rimon, wanfala man long Beerot long traeb blong Benjamin. Ples long Beerot, olketa sei hemi wanfala ples blong Benjamin.

1 Kings 15:22

Den King Asa hemi sendem toktok go long evri ples long Jiuda, mekem olketa evriwan i kam fo helpem hem. Hemi sendem olketa go fo karim kam olketa ston wetem olketa timba wea King Baasa hemi bin yusim long Rama. An King Asa hemi yusim olketa samting ya fo wakem wolston blong tufala taon long Mispa, an long Geba long distrik blong Benjamin.

2 Kings 25:23

Nao samfala komanda blong olketa soldia blong Jiuda i stap yet aotsaet long Jerusalem. Olketa ya i olsem, Ismael san blong Netanaea hu hemi san blong Elisama, an Johanan san blong Karea, an Seraea san blong Tanumet blong Netofa, an Jaasanaea blong taon long Maaka. Taem olketa ya i herem dat Gedalaea hemi kamap gavna blong provins, olketa kam wetem olketa man blong olketa fo lukim hem long Mispa.

Esra 2:25

Blong Kiriat-Jearim, an Kefira, an Beerot: 743.

Jeremaea 40:6

Jeremaea hemi go long Mispa, an hemi stap wetem Gedalaea, san blong Ahikam, midol long olketa pipol wea olketa blong Babilonia i no tekemaot from lan blong olketa.

Josua 11:3

An hemi sendem go toktok tu long olketa narafala pipol long lan ya long Kenan wea olketa stap long tufala saet long Jodan Riva, an long olketa laen blong Amoa, an long olketa laen blong Het, an long olketa laen blong Peres, an long olketa laen blong Jebus wea i stap long olketa taon long olketa hil, an long olketa laen blong Hivi wea i stap long distrik ya long Mispa long botom blong maonten long Hemon.

Josua 18:25

An olketa garem samfala narafala taon moa wea nem blong olketa nao, Gibeon, an Rama, an Beerot,

Josua 18:27

an Rekem, an Irpeel, an Tarala,

Josua 9:17

So olketa blong Israel i go nao bihaen long olketa, an long mektri de olketa kasem fofala taon blong olketa ya long Gibeon, an Kefira, an Beerot an Kiriat Jearim.

Jajis 10:17

Oraet, laen blong Amon i mekredi fo faet, an olketa kam an stap long lan blong Gilead. An pipol blong Israel i kam tugeta tu long Mispa.

Jajis 11:34

Jefta hemi garem nomoa wanfala pikinini gele, hemi no garem eni narafala pikinini moa. Oraet, Jefta hemi kambaek long hom blong hem long Mispa, bat wea, dota blong hem nao hemi kam fo mitim hem. Hemi gohed fo dans kamaot wetem tamborin blong hem.

Jajis 20:1

Evri pipol blong Israel i kam tugeta olsem wanfala grup an olketa kam tugeta frant long Yawe long Mispa. Olketa kam from evri ples, stat long taon long Dan long not, an long taon long Beereseba long saot, an long eria long Gilead long ist.

1 Samuel 7:16

Evri yia, hemi wakabaot go long trifala taon long Betel, an Gilgal, an Mispa. Long trifala taon ya, olketa pipol i kam olowe long hem an olketa gohed fo talemaot trabol an raoa blong olketa long hem, mekem hemi stretem.

1 Samuel 7:5

Den Profet Samuel hemi sendem go toktok long olketa pipol blong Israel olsem, “Yufala mas kam hipap long Mispa. Long ples ya nao bae mi prea go long Yawe fo yufala.”

1 Samuel 7:6

So olketa evriwan i hipap long Mispa wetem Samuel hu hemi kamap sif blong olketa. An olketa tekem samfala wata an kapsaetem olsem hemi sakrifaes long Yawe. An olketa no kaikai fo wanfala fulde an olketa talemaot olsem olketa bin barava sin agensim Yawe.