Josua 18:1 - Pijin Bible

¹ Bihaen long taem wea pipol blong Israel i winim faet long olketa enemi long lan, olketa kam tugeta long Saelo an putumap Tambu Haostent blong Yawe long ples ya.

Pijin Deuterocanon

¹ Bihaen long taem wea pipol blong Israel i winim faet long olketa enemi long lan, olketa kam tugeta long Saelo an putumap Tambu Haostent blong Yawe long ples ya.

Josua 18:1 Iomraidhean Croise

2 Samuel 7:6

Stat long taem wea mi tekemaot olketa olo blong yufala from Ijip bifoa, kam kasem tude, mi no stap long eni haos olsem. Oltaem mi gohed fo muv wetem olketa, an mi stap long haostent nomoa.

1 Kings 14:2

So king hemi tok olsem long waef blong hem. “Yu werem deferen kaen kaleko, mekem no eniwan save dat yu waef blong King Jeroboam. Den yu go long Saelo fo lukim Profet Ahaeja long dea. Hem nao profet hu hemi talem mi bifoa olsem bae mi kamap king blong Israel.

1 Kings 14:4

So woman ya hemi duim olsem wea hemi talem. Hemi go long haos blong Ahaeja long Saelo. Nao profet ya hemi olfala tumas, an ae blong hem hemi blaen finis.

1 Kings 2:27

So king hemi finisim hem from waka blong prist. Long wei ya nao, Mesij wea Yawe hemi bin talemaot abaotem laen blong Prist Ilae bifoa long Saelo, hemi kam tru.

Nehemaea 9:24

Olketa pikinini ya i tekova long disfala lan. Yu givim paoa long olketa fo winim olketa pipol blong Kenan wetem olketa king an olketa narafala pipol wea i stap long lan ya, mekem olketa save duim long olketa wanem olketa laekem.

Sams 78:60

Hemi lusim nao tambu haostent blong hem long Saelo, long ples ya nao hemi bin stap wetem olketa pipol blong hem.

Sams 78:66

Hemi winim olketa enemi blong hem long faet, an hemi ronem olketa gobaek. Ya, hemi mekem olketa sem olowe nao, an no save faet moa.

Jeremaea 26:6

bae mi spoelem disfala Tambuhaos, barava olsem mi bin spoelem taon long Saelo bifoa, wea Tambu Haostent blong mi bin stap long hem, an evri pipol long wol bae i gohed fo yusim nogud nem blong Jerusalem fo mekem trabol hemi kam long man.’”

Jeremaea 26:9

?Waswe nao yu gohed fo talemaot profesi long nem blong Yawe, wea disfala Tambuhaos bae hemi kamap nogud olsem taon long Saelo bifoa? ?Waswe nao yu talemaot dat bae disfala taon hemi kamap nogud tumas, wea bae no eniwan hemi stap long hem?” Nao olketa pipol i kam hipap raonem Jeremaea insaet long Tambuhaos blong Yawe.

Jeremaea 41:5

eitifala man i kam long Tambuhaos blong Yawe. Olketa man ya i kam from Sekem, an Saelo, an Samaria, an olketa tekem kam olketa ofaring long nambawan wit wetem insens fo mekem wosip long Tambuhaos. Olketa bin sevem olketa biad blong olketa, an brekem olketa kaleko blong olketa, an katem bodi blong olketa, fo somaot dat olketa sore tumas.

Nambas 32:22

An taem mifala barava tekova long lan ya, bae yufala save kambaek moa long disfala ples, bikos long datfala taem bae yufala finisim nao evrisamting yufala promisim long Yawe an long olketa narafala traeb blong Israel. Den bae Yawe hemi givim finis disfala lan long yufala.

Aposol 7:45

An bihaen, Josua an olketa nara olo blong yumi, olketa kam fo tekem disfala kantri from olketa deferen laen wea olketa stap long hem. God nao hemi raosimaot olketa, mekem olketa ranawe from olketa olo blong yumi. Long taem ya, olketa tekem kam disfala haostent wea olketa holem fastaem, an hemi stap long hia go-go kasem taem blong King Deved.

Josua 18:2

Long datfala taem, sevenfala traeb blong olketa nao i no onam eni lan yet.

Josua 18:8

Olketa man ya i go nao fo makem olketa lan olsem wea Josua bin talem long olketa.

Josua 22:12

olketa evriwan i kamap tugeta long Saelo fo go an faetem olketa wantok wea i wakem disfala olta.

Josua 22:19

Sapos yufala tingse lan blong yufala hemi no klin long ae blong Yawe, hemi moabeta fo yufala kam long disfala lan blong Yawe wea Tambu Haostent blong hem hemi stap long hem finis. Yufala save tekem samfala lan long hia wetem mifala. !Olta blong Yawe hemi stap finis! Bat taem yufala mekem narafala olta ya moa, yufala mekem fo luk olsem wea yumi evriwan nao i agensim hem.

Josua 22:9

Olketa soldia long traeb blong Ruben, an olketa long traeb blong Gad, an olketa long traeb blong Manase i gobaek nao long olketa ples blong olketa. Olketa lusim olketa wantok blong olketa fo stap bihaen long Saelo long lan long Kenan, an olketa gobaek long bikfala ples ya long Gilead wea hemi barava ples wea olketa onam, olsem wea Yawe bin talem long Mosis bifoa.

Jajis 18:31

Nao tambu kaving wea traeb blong Dan hemi putumap, hemi stap nomoa long ples ya olowe long taem wea pipol blong Israel i gohed fo wosipim Yawe long tambu haostent long Saelo.

Jajis 21:12

Olketa go faet an olketa faendem 400 yang gele long Jabes-Gilead, an olketa tekem olketa kambaek long ples long Saelo long Kenan, wea olketa blong Israel i stap long hem.

Jajis 21:19

Go-go olketa jes tingimbaek wea evri yia olketa save go long Saelo fo mekem fist fo tinghae long Yawe. Yu save, Saelo hemi not long Betel, hemi saot long Lebona an hem long ist long disfala rod wea hemi stat long Betel go kasem Sekem.

1 Samuel 1:24

Taem pikinini ya hemi lusim susu bat hemi smol boe yet, Hana hemi tekem hem go long tambuhaos blong Yawe long Saelo. An hemi tekem wanfala man buluka wea hemi kasem trifala yia, wetem ten kilo flaoa, an wanfala kontena waen.

1 Samuel 1:3

Evri yia, Elkana hemi go long Saelo fo mekem sakrifaes fo wosipim Yawe hu hemi garem evri paoa. Long ples ya nao, Hofni an Finehas, tufala san blong disfala prist Ilae i waka olsem prist blong Yawe.