Josua 17:13 - Pijin Bible

¹³ Nomata olketa long olketa traeb blong Israel i kamap strong moa bihaen, olketa nating ronemaot olketa bat olketa fosim pipol blong Kenan fo waka olsem slev fo olketa.

Pijin Deuterocanon

¹³ Nomata olketa long olketa traeb blong Israel i kamap strong moa bihaen, olketa nating ronemaot olketa bat olketa fosim pipol blong Kenan fo waka olsem slev fo olketa.

Josua 17:13 Iomraidhean Croise

Jenesis 49:15

Taem hemi lukim ples wea hemi stap long hem hemi gudfala, an graon wea hemi stap long hem hemi nambawan, nao hemi jes hapi moa fo karim olketa hevi samting ya, an fo kamap wanfala slev.

2 Samuel 3:1

Nao pipol wea i saet wetem laen blong King Sol i gohed fo faet long pipol wea i saet wetem King Deved. An faet ya hemi gohed longtaem tumas. Long faet ya, pipol blong King Deved i gohed fo kamap strong moa, an pipol blong laen blong King Sol i wikdaon.

Efesas 6:10

Nao mi laek fo talem wanfala samting moa. Yufala mas kamap strong moa long strongfala paoa blong Masta blong yumi Jisas Kraes wea yufala stap joen wetem hem.

Filipae 4:13

Disfala paoa wea Kraes hemi givim kam long mi, hem nao mekem mi strong fo gohed nomoa, nomata watkaen samting nao hemi kasem mi.

Josua 16:10

Olketa long traeb blong Efrem i nating ronemaot nomoa olketa pipol blong Gesa. Olketa stap tugeta nomoa wetem olketa ka-kam kasem tude, bat olketa long traeb blong Efrem i fosim olketa fo waka olsem slev.

2 Pita 3:18

Bat evritaem, yufala mas letem kaenfala lav blong Masta an Sevia long yumi Jisas Kraes hemi grou strong long yufala, an yufala mas mekem save abaotem hem hemi grou strong tu. Yumi mekhae long hem distaem an olowe nao. Amen.

Jajis 1:28

Nao taem olketa blong Israel i kamap plande moa, olketa fosim pipol blong Kenan fo kamap slev blong olketa. An nomata olketa long Israel i gohed fo kamap plande, olketa nating ronemaot pipol blong Kenan.

Jajis 1:30

An traeb blong Sebulun hemi nating ronemaot olketa pipol blong Kenan wea i stap long tufala taon long Kitron an Nahalol. Traeb ya hemi letem olketa fo stap nomoa long tufala ples ya wetem olketa, bat olketa fosim olketa fo kamap slev blong olketa.

Jajis 1:33

An traeb blong Naftali hemi nating ronemaot olketa pipol blong Kenan wea i stap long tufala taon long Bet-Semes an Bet-Anat. So traeb ya hemi letem olketa stap nomoa wetem olketa long tufala ples ya, bat olketa fosim olketa fo kamap slev blong olketa.

Jajis 1:35

An laen blong Amoa hemi stap olowe long trifala taon long Aejalon an Saalbim an Har-Heres. Bat longtaem bihaen, taem traeb blong Efrem an traeb blong Manase i kamap strong moa, olketa rul ovarem laen blong Amoa an fosim olketa fo kamap slev blong olketa.