Josua 17:1 - Pijin Bible

¹ Nao olketa givim olketa lan long west saet long Jodan Riva fo olketa long traeb blong Manase hu hemi fasbon san blong Josef. Nem blong fasbon san blong Manase nao Makia, an san blong hem nao Gilead. An Mosis hemi bin givim finis tufala lan ya Gilead an Basan wea hemi long saet long Jodan riva long ist fo olketa long laen blong Gilead bikos olketa nao i barava nambawan soldia.

Pijin Deuterocanon

¹ Nao olketa givim olketa lan long west saet long Jodan Riva fo olketa long traeb blong Manase hu hemi fasbon san blong Josef. Nem blong fasbon san blong Manase nao Makia, an san blong hem nao Gilead. An Mosis hemi bin givim finis tufala lan ya Gilead an Basan wea hemi long saet long Jodan riva long ist fo olketa long laen blong Gilead bikos olketa nao i barava nambawan soldia.

Josua 17:1 Iomraidhean Croise

Jenesis 41:51

Taem fasbon blong hem hemi bon, Josef hemi tok olsem, “God hemi mekem mi save fogetem nao evri hadwaka blong mi long Ijip, an evri nogud samting wea olketa long famili blong dadi blong mi i bin duim long mi.” So hemi kolem pikinini ya Manase.

Jenesis 41:52

An bihaen, taem mektu pikinini blong hem hemi bon, hemi tok olsem, “God hemi givim olketa pikinini ya long mi, long kantri wea olketa trabol i kasem mi.” An hemi kolem mektu pikinini ya Efrem.

Jenesis 46:20

Long Ijip, Josef hemi maritim dota blong wanfala man blong Heliopolis hu hemi kastom prist, wea nem blong hem nao Potifera. Woman ya, nem blong hem nao Asenat, an tufala bonem tufala pikinini boe, wea nem blong tufala nao, Manase an Efrem.

Jenesis 48:17

Nao taem Josef hemi lukim dat dadi blong hem hemi putum raet han blong hem long hed blong Efrem, hemi filsore fo boe blong hem ya. So hemi holem han blong dadi blong hem, an muvumaot from hed blong Efrem, fo putum go long hed blong Manase.

Jenesis 48:18

An hemi tok olsem, “Dadi, yu no duim olsem, Manase nao hemi fasbon, so yu mas putum raet han blong yu long hed blong hem.”

2 Samuel 2:9

An long dea, hemi mekem Isboset fo kamap king long Israel. Hemi king nomoa long tufala eria blong Gilead, an Jesreel, an olketa distrik long Asa, an Efrem, an Benjamin.

1 Kronikols 2:23

Bat pipol blong Gesua an pipol blong Aram i kam faetem olketa, an winim siksti taon long eria ya. Hem nao olketa taon blong Jaea, an taon blong Kenat, an olketa taon kolsap long olketa. Evriwan long eria long Gilead i bon kam long laen blong Makia.

Esikiel 47:13

Lod Yawe nao hemi tok olsem, “Hem ya nao olketa baondri blong lan wea bae yufala mas divaedem long tuelfala laen blong Israel. Tufala laen blong Josef, bae i garem tufala pisgraon.

Nambas 27:1

Faefala woman wea nem blong olketa nao, Mala, an Noa, an Hogla, an Milka, an Tiasa, olketa kam lukim Mosis, an Haeprist Eleasa, an olketa lida an olketa pipol long Israel wea i stap long doa blong Tambu Haostent. Olketa woman ya i dota blong Selofehad hu hemi long laen blong Hefa long laen blong Gilead long traeb blong Makia, san blong Manase, san blong Josef.

Nambas 32:33

So, disfala lan wetem olketa taon blong hem long eria wea Paramaon Sif Sihon blong Amoa an Paramaon Sif Og blong Basan i rul ovarem, Mosis nao hemi givim long traeb blong Gad, an traeb blong Ruben, an haf long traeb blong Manase.

Diutronomi 21:17

Taem hemi divaedem evrisamting blong hem, hemi mas somaot hu nao i fasbon, disfala pikinini blong woman wea hemi no lavem hem tumas. Nomata olketa samting wea hemi givim long mektu boe, hemi mas givim dabol long olketa samting ya long disfala fasbon bikos hemi fastaem an hemi raet blong hem.”

Josua 17:2

An olketa lan ya long west saet long Jodan Riva, Josua hemi givim go long olketa long narafala haf long traeb blong Manase wea nem blong olketa nao, Abiesa, an Helek, an Asriel, an Sekem, an Hefa, an Semida.

Jajis 5:14

Olketa long traeb blong Efrem i kamdaon long vali. Olketa falom go traeb blong Benjamin, wantok blong olketa. Nao olketa strongman long traeb blong Makia an olketa bikman long traeb blong Sebulun i kamdaon tu.