Josua 15:14 - Pijin Bible

¹⁴ Nao Kelab hemi ronemaot olketa laen blong Anak from taon ya. Olketa ya nao i from laen blong Sesae, an laen blong Ahiman an laen blong Talmae.

Pijin Deuterocanon

¹⁴ Nao Kelab hemi ronemaot olketa laen blong Anak from taon ya. Olketa ya nao i from laen blong Sesae, an laen blong Ahiman an laen blong Talmae.

Josua 15:14 Iomraidhean Croise

2 Samuel 21:16

Oraet, wanfala jaean blong ami blong Filistia, wea nem blong hem Isbi-Benob, hemi sei bae hemi save kilim dae Deved. Jaean ya, hemi garem wanfala spia wea poen hemi bras, an hevi blong poen ya hemi tri an haf kilo, an hemi garem wanfala niufala naef fo faet tu.

Diutronomi 9:2

An olketa pipol i barava tolfala, an barava strong tumas, olketa i blong laen blong Anak. Yufala save long olketa lelebet, an yufala herem toktok wea hemi sei no eni man hemi save winim olketa long laen blong Anak.

Josua 11:21

Long datfala taem tu, Josua wetem ami blong hem i kilim dae olketa jaean long laen blong Anak wea i stap long olketa taon long Hebron, an Debia an Anab, an long olketa hil long eria long not an long eria long saot.

Josua 11:22

Josua wetem ami blong hem i kilim dae evri jaean wea i stap long olketa ples ya. Tu-tri nomoa i stap long olketa taon long Gasa, an Gat, an Asdod.

Jajis 1:10

An olketa go fo faet long olketa pipol blong Kenan long taon long Hebron, wea nem blong hem fastaem hemi Kiriat-Aba. Long ples ya olketa winim laen blong Sesae wetem laen blong Ahiman an laen blong Talmae.

Jajis 1:20

Nao traeb blong Jiuda hemi givim Hebron go long Kelab olsem Mosis hemi bin talem bifoa. Fastaem ples ya hemi garem trifala laen wea i kamaot from Anak, bat Kelab hemi ronem olketa evriwan aot from ples ya.