Josua 15:13 - Pijin Bible

¹³ Josua hemi duim nao olsem wea Yawe bin talem long hem. Hemi givim samfala lan long distrik ya blong olketa traeb blong Jiuda fo Kelab. Josua hemi givim hem disfala taon long Hebron wea bifoa olketa kolem long Kiriat-Aba, wea hemi minim “Taon blong Aba”, an Aba nao hemi olfala grani blong Anak long bifoa.

Pijin Deuterocanon

¹³ Josua hemi duim nao olsem wea Yawe bin talem long hem. Hemi givim samfala lan long distrik ya blong olketa traeb blong Jiuda fo Kelab. Josua hemi givim hem disfala taon long Hebron wea bifoa olketa kolem long Kiriat-Aba, wea hemi minim “Taon blong Aba”, an Aba nao hemi olfala grani blong Anak long bifoa.

Josua 15:13 Iomraidhean Croise

Jenesis 13:18

Nao Ebram hemi lusim ples ya, an hemi go an mekem ples blong hem moa long Hebron, long graon ya kolsap long olketa bik tri wea i stap long wanfala tambuples wea olketa kolem Mamre. Nao long ples ya, Ebram hemi wakem wanfala olta fo wosipim Yawe.

Jenesis 23:2

Hemi dae long kantri ya wea olketa kolem Kenan, long taon olketa kolem Kiriataba, wea distaem, olketa kolem Hebron. Nao Ebraham hemi sore tumas an hemi krae fogud long waef blong hem ya wea hemi dae finis. Bihaen, hemi getap from ples wea olketa leim waef blong hem, nao hemi go fo lukim olketa bikman long laen blong Het wea olketa onam graon long ples ya, an hemi tok olsem long olketa,

2 Samuel 2:1

Bihaen, Deved hemi prea long Yawe olsem, “?Waswe long olketa taon long Jiuda? ?Mi save go stap long eniwan long olketa?” Yawe hemi ansarem hem olsem, “Ya, yu save go.” Den hemi ask olsem moa, “?Bae mi go stap long watkaen taon?” Yawe hemi ansarem hem olsem, “Hebron.”

Nambas 13:30

Bat Kelab hemi mekem olketa hu i hipap wetem Mosis fo kuaet, an hemi tok olsem, “Hemi moabeta fo yumi go kilim olketa distaem, an tekova long lan ya. !Yumi strong ya! !Yumi fit nomoa fo winim olketa!”

Nambas 13:6

An long traeb blong Jiuda, hemi siusim Kelab, san blong Jefune.

Josua 11:21

Long datfala taem tu, Josua wetem ami blong hem i kilim dae olketa jaean long laen blong Anak wea i stap long olketa taon long Hebron, an Debia an Anab, an long olketa hil long eria long not an long eria long saot.

Josua 20:7

So olketa pipol blong Israel i siusim trifala taon fo haed long west saet long Jodan Riva. Nem blong olketa nao Kedes long Galili wea hemi stap long olketa hil long eria blong Naftali, an Sekem wea hemi stap long olketa hil long eria blong Efrem, an Hebron wea hemi stap long olketa hil long distrik blong Jiuda.

Jajis 1:10

An olketa go fo faet long olketa pipol blong Kenan long taon long Hebron, wea nem blong hem fastaem hemi Kiriat-Aba. Long ples ya olketa winim laen blong Sesae wetem laen blong Ahiman an laen blong Talmae.

Jajis 1:20

Nao traeb blong Jiuda hemi givim Hebron go long Kelab olsem Mosis hemi bin talem bifoa. Fastaem ples ya hemi garem trifala laen wea i kamaot from Anak, bat Kelab hemi ronem olketa evriwan aot from ples ya.

1 Samuel 30:14

Mifala bin go faet fo stilim olketa samting blong pipol long Keret, an long distrik blong Jiuda long saot, an long pipol long laen blong Kelab. Mifala stilim evrisamting blong olketa, an mifala bonem tu taon long Siklag.”

1 Samuel 30:31

an Hebron. An hemi sendem go presen long olketa lida blong olketa narafala ples wea hem wetem olketa man blong hem i go long hem bifoa.