Josua 15:11 - Pijin Bible

¹¹ Spialaen ya hemi go moa kasem not saet long hil long Ekron, an hemi tane go long taon long Sikeron, an hemi pasim hil long Baala, an hemi go-go kasem taon long Jamnia, an hemi en long Mediterenian Si.

Pijin Deuterocanon

¹¹ Spialaen ya hemi go moa kasem not saet long hil long Ekron, an hemi tane go long taon long Sikeron, an hemi pasim hil long Baala, an hemi go-go kasem taon long Jamnia, an hemi en long Mediterenian Si.

Josua 15:11 Iomraidhean Croise

2 Kings 1:16

Go-go hemi sei long king, “Yawe nao hemi tok olsem, ‘!Baal-Sebub hemi god blong pipol blong Ekron! ?Waswe nao yu sendem samfala man fo go faendemaot samfala samting long hem? ?Yu tingse no eni God long Israel? Bikos yu duim samting ya, bae yu no save goaot from bed blong yu, an bae yu dae.’”

2 Kings 1:6

An olketa ansa olsem, “Mifala mitim wanfala man long rod, an hemi talem mifala mas kambaek fo talem yu toktok wea Yawe hemi talem. Yawe nao hemi tok olsem, ‘!Baal-Sebub hemi god blong pipol blong Ekron! ?Waswe nao yu sendem samfala man fo go faendemaot samfala samting long hem? ?Yu tingse no eni God long Israel? Bikos yu duim samting ya, bae yu no save goaot from bed blong yu, an bae yu dae.’ ”

2 Kronikols 26:6

Wanfala taem hemi go faetem pipol blong Filistia. Hemi winim olketa, an hemi brekemdaon olketa bikfala wolston blong trifala taon long Gat, an Jabne, an Asdod. An hemi wakem olketa bikfala wolston long olketa taon blong hem kolsap long Asdod an long olketa narafala ples long Filistia.

Nambas 34:6

“An long west, spialaen ya hemi stat long datfala smolfala riva long saot, an hemi falom saet blong Mediterenian Si go long not.

Josua 15:10

Spialaen ya hemi raon go moa long west saet blong taon long Baala, an hemi go stret long olketa hil long Idom, an hemi gopas kolsap long saet long not blong hil long Kiriat-Jearim. Narafala nem blong hil ya nao Kesalon. Hemi godaon moa go-go kasem taon long Bet-Semes, an hemi go moa pasim taon long Timna.

Josua 15:12

An saet si long Mediterenian Si nao hemi spialaen blong eria ya long west. Hem nao spialaen long lan blong traeb blong Jiuda.

Josua 15:45

An narafala taon blong olketa tu, hemi Ekron wetem olketa vilij wea i stap raonem hem,

Josua 15:9

An spialaen ya hemi stat moa long ples ya an hemi go-go kasem springwata ya long Neftoa, an hemi go moa go-go kasem olketa taon kolsap long maonten long Efron. Hemi stat moa long ples ya an hemi go stret long taon long Baala wea narafala nem blong hem nao Kiriat-Jearim.

Jajis 1:18

Yawe hemi gohed fo helpem traeb blong Jiuda fo winim olketa lan antap long olketa hil. Bat olketa no save winim trifala taon long Gasa, an Askelon, an Ekron wetem eria raon long trifala kolsap long solwata. Hemi olsem bikos olketa long olketa taon ya i garem olketa kaat fo faet wea i garem aean wil.

1 Samuel 17:52

Long datfala taem, olketa soldia blong Jiuda wetem olketa soldia blong Israel i singaot bikfala, an olketa ronem olketa go-go kasem taon long Gat an long geit blong bikfala wolston blong taon long Ekron. Olketa kilim dae plande soldia blong Filistia olobaot long rod from Saaraem fo go long Gat an Ekron.

1 Samuel 5:10

So olketa sendem Tambu Boks ya go long Ekron, wea hemi wanfala taon moa blong Filistia. Taem olketa karim Tambu Boks ya go kasem Ekron, olketa man blong taon ya i gohed fo singaot olsem, “!Sei! Olketa tekem kam Tambu Boks blong Israel long ples blong yumi. !Ating olketa wande kilim yumi nao ya!”

1 Samuel 5:8

So olketa sendem samfala man fo go kolem faefala sif blong olketa fo hipap tugeta. Den olketa askem olketa sif ya olsem, “?Wanem nao bae yumi duim long disfala Tambu Boks blong God blong Israel?” Olketa sif ya i tok olsem, “Yufala tekemaot Tambu Boks from ples ya an karim go long taon long Gat.” So olketa karim go long Gat.

1 Samuel 7:14

Olketa blong Israel i tekembaek from olketa blong Filistia olketa taon an olketa ples blong olketa wea i stap long midol long tufala taon long Ekron an Gat. An long taem ya, olketa garem piis tu wetem olketa narafala pipol long lan blong Kenan.