Josua 14:3 - Pijin Bible

^3-4 Olketa lan long narasaet long Jodan Riva long ist, Mosis hemi bin divaedem finis fo tufala narafala traeb blong olketa wetem narafala haf long traeb blong Manase. Bifoa kam, Josef hemi garem tufala san wea nem blong tufala nao Manase an Efrem. An traeb blong Josef hemi divaed long tufala traeb, falom tufala san blong hem. Bat olketa long traeb blong Livae i no garem eni lan. Olketa garem nomoa olketa taon fo stap long hem. An olketa taon ya i garem eria raonem fo olketa buluka an olketa sipsip an olketa nanigot blong olketa fo stap long hem.

Pijin Deuterocanon

^3-4 Olketa lan long narasaet long Jodan Riva long ist, Mosis hemi bin divaedem finis fo tufala narafala traeb blong olketa wetem narafala haf long traeb blong Manase. Bifoa kam, Josef hemi garem tufala san wea nem blong tufala nao Manase an Efrem. An traeb blong Josef hemi divaed long tufala traeb, falom tufala san blong hem. Bat olketa long traeb blong Livae i no garem eni lan. Olketa garem nomoa olketa taon fo stap long hem. An olketa taon ya i garem eria raonem fo olketa buluka an olketa sipsip an olketa nanigot blong olketa fo stap long hem.

Josua 14:3 Iomraidhean Croise

Esikiel 45:1

Yawe hemi gohed fo tok olsem long mi, “Taem yufala divaedem olketa graon fo tuelfala laen ya blong yufala, yufala mas givim wanfala haf long hem fo mi Yawe, an yufala mas kipim fo hemi tambu. Disfala pisgraon, longfala blong hem mas tuel an haf kilomita, an waed blong hem mas ten kilomita.

Josua 12:6

Mosis hu hemi wakaman blong Yawe wetem olketa man blong hem nao i winim tufala paramaon sif ya long faet. Bihaen, hemi givim olketa lan ya go long traeb blong Ruben, an long traeb blong Gad, an long haf long traeb blong Manase, an olketa gohed fo onam olketa lan ya nao.

Josua 13:14

Yawe bin talem finis long Mosis dat olketa long Traeb blong Livae bae i no garem eni lan, bat bae olketa garem kaikai from olketa samting wea olketa pipol long olketa narafala traeb i givim fo mekem wosip long hem.

Josua 13:16

Eria blong olketa hemi stat long taon long Aroa long saot, saet kam long Anon vali go-go kasem taon long midol long vali an hemi go kasem evri bikfala flat ples raonem taon long Medeba.

Josua 13:17

Plande taon nao hemi stap long flat ples ya. Olketa taon ya nao Hesbon, an Dibon, an Bamot-Baal, an Betbalmeon,

Josua 13:8

Mosis hu hemi wakaman blong Yawe, hemi bin givim lan wea hemi stap long ist saet long riva Jodan fo go long traeb blong Ruben, an traeb blong Gad, an narafala haf long traeb blong Manase.