Josua 14:11 - Pijin Bible

¹¹ an mi strong yet olsem long datfala taem wea Mosis hemi sendem yumi fo go an luksave long ples ya. An distaem mi fit yet fo go faet.

Pijin Deuterocanon

¹¹ an mi strong yet olsem long datfala taem wea Mosis hemi sendem yumi fo go an luksave long ples ya. An distaem mi fit yet fo go faet.

Josua 14:11 Iomraidhean Croise

Sams 103:5

Yawe hemi gohed fo mekem mi hapi olowe long olketa gudfala samting. Hem nao mekem mi yang an strong olowe, olsem wanfala igol.

Sams 90:10

Laef blong mifala save kasem seventi yia nomoa, o sapos bodi blong mifala hemi strong bae mifala save kasem eiti yia. Nomata olsem, plande trabol an sore nomoa save kasem mifala. Ya, no long taem nomoa mifala dae nao.

Aesaea 40:31

Bat olketa hu i trastem Yawe, bae i kamap strong moa. Ya, bae olketa i strong olsem igol. Bae olketa save ran, bat no save taet. An bae olketa save wakabaot go farawe, bat no save kamap wik.

Diutronomi 31:2

Hemi tok olsem, “Distaem mi olo tumas, mi kasem 120 yia finis. Mi no save lidim yufala moa. An Yawe, God blong yufala, hemi talem mi dat bae mi no save go akros long Jodan Riva.

Diutronomi 33:25

Yufala save stap sef olowe bikos yufala save yusim aean an bras fo mekem olketa geit blong wolston blong olketa taon blong yufala i strong fogud. An bae yufala save strong olowe long laef blong yufala.”

Diutronomi 34:7

Taem hemi dae, Mosis hemi kasem 120 yia. An hemi stap strong olowe nomoa, an ae blong hem tu hemi gud nomoa.

Josua 14:10

Bat ka-kam kasem tude, foti-faev yia hemi gopas finis nao bihaen long taem Mosis hemi bin talem disfala toktok long yumitufala. Promis ya hemi stap yet long datfala taem wea yumi bin wakabaot long drae eria. Bat Yawe hemi kipim mi laef yet ka-kam kasem tude, olsem wea hemi bin promisim. Distaem, mi kasem eiti-faev yia nao,