Josua 13:9 - Pijin Bible

⁹ Hemi givim tu lan wea hemi stat long Aroa long Anon Riva go kasem taon long midol long vali blong Anon riva, an hemi go olowe go-go kasem bikfala flat ples antap long hil wea hemi stat kam long taon long Medeba go-go kasem taon long Dibon.

Pijin Deuterocanon

⁹ Hemi givim tu lan wea hemi stat long Aroa long Anon Riva go kasem taon long midol long vali blong Anon riva, an hemi go olowe go-go kasem bikfala flat ples antap long hil wea hemi stat kam long taon long Medeba go-go kasem taon long Dibon.

Josua 13:9 Iomraidhean Croise

2 Samuel 24:5

Olketa katkros long Jodan Riva, an olketa go stap kolsap long taon long Aroa wea hemi long bikfala vali long distrik blong Gad. Den olketa go not long taon long Jasa.

1 Kronikols 19:7

Olketa haerem 32,000 soldia fo draevam olketa kaat ya, an ami blong king blong Maaka tu. Olketa evriwan i kam stap long Medeba fo faet. An olketa soldia blong Amon i kamaot from olketa taon blong olketa, an hipap redi fo faet.

Nehemaea 11:25

Plande pipol nao i stap long taon blong olketa, wea hemi kolsap long fam blong olketa. Samfala long laen blong Jiuda i stap long olketa taon blong olketa olsem: Kiriat-Aba wetem olketa vilij wea i stap raonem hem, an Dibon wetem olketa vilij wea i stap raonem hem, an Jekabseel wetem olketa vilij wea i stap raonem hem,

Aesaea 15:2

Olketa pipol long taon long Dibon i wakabaot go long ples fo wosip antap long hil fo sore an krae. Olketa pipol blong Moab i krae bikfala antap long maonten long Nebo an long taon long Medeba. Olketa resam hed an biad blong olketa bikos olketa barava sore fogud.

Jeremaea 48:18

“Yufala pipol blong taon long Dibon. Yufala kamdaon from olketa hae ples blong yufala, mekem yufala sidaon long graon bikos olketa enemi bae mekful long yufala. Olketa enemi hu hemi spoelem Moab, bae i go antap fo kasem taon blong yufala, an spoelem strongfala wolston raonem hem.

Jeremaea 48:22

an Dibon, an Nebo, an Bet-Diblataem,

Jeremaea 48:8

Bae olketa enemi kam spoelem olketa taon blong yufala, an bae evriwan ya bae olketa kamap nogud. Olketa graon insaet long vali an olketa graon antap long hil, bae olketa enemi ya i spoelem evriwan, barava olsem mi Yawe bin talem olketa.

Nambas 21:30

“Bat wea, from Hesbon long not go long Dibon long saot, yumi bin kilim olketa blong Amoa. Ya, from Nofa go long Medeba, faea ya hemi bonem evri taon finis.”

Diutronomi 2:36

Long taem ya, Yawe hemi helpem yumi fo tekova long evri taon blong olketa, stat long Aroa long saet long Anon Riva, an taon long flat ples kolsap long riva ya, go-go kasem ples long Gilead long not. No eni taon hemi garem wolston wea hemi hae tumas o strong tumas, mekem yumi no save winim.

Diutronomi 3:12

Mosis hemi gohed fo tok olsem, “Taem yumi bin tekova long olketa lan blong olketa finis, mi divaedem olketa lan ya go long trifala traeb blong yumi. Bikfala lan wetem olketa taon long hem wea mi givim go long traeb blong Ruben an traeb blong Gad, hemi olsem, hemi stat long taon long Aroa long Anon Riva long saot, an hemi go kasem eria blong Gilead long not wea hemi ples blong maonten.

Diutronomi 3:16

An narafala haf blong eria ya wetem lan wea hemi go kasem Anon Riva long saot, mi givim long traeb blong Ruben wetem traeb blong Gad. Lan blong olketa, baondri blong hem long saot hemi stap stret long midol long riva Anon, an baondri blong hem long ist hemi stap long Jabok Riva, an olketa pipol blong Amon i stap long narasaet.

Josua 12:2

Wanfala long tufala paramaon sif ya nao Sif Sihon. Hemi paramaon sif long laen blong Amoa long taon long Hesbon. Sif Sihon hemi rul ovarem saot haf long eria long Gilead. Spialaen blong eria blong hem long saot hemi disfala Anon Riva. Spialaen blong hem long ist hemi stat long taon long Aroa long ist long Anon vali an go kasem disfala Jabok riva, an hemi makemaot eria blong laen blong Amon long ist. Spialaen blong hem long not hemi disfala Jabok Riva an vali long Jodan riva tu.

Josua 13:10

Saet blong lan ya long ist hemi go kasem spialaen long lan blong olketa pipol blong Amon. An long not saet, hemi kasem evri taon wea Paramaon Sif Sihon long laen blong Amoa hemi rul ovarem, wetem taon long Hesbon.

Josua 13:16

Eria blong olketa hemi stat long taon long Aroa long saot, saet kam long Anon vali go-go kasem taon long midol long vali an hemi go kasem evri bikfala flat ples raonem taon long Medeba.

Josua 13:8

Mosis hu hemi wakaman blong Yawe, hemi bin givim lan wea hemi stap long ist saet long riva Jodan fo go long traeb blong Ruben, an traeb blong Gad, an narafala haf long traeb blong Manase.