Josua 13:8 - Pijin Bible

⁸ Mosis hu hemi wakaman blong Yawe, hemi bin givim lan wea hemi stap long ist saet long riva Jodan fo go long traeb blong Ruben, an traeb blong Gad, an narafala haf long traeb blong Manase.

Pijin Deuterocanon

⁸ Mosis hu hemi wakaman blong Yawe, hemi bin givim lan wea hemi stap long ist saet long riva Jodan fo go long traeb blong Ruben, an traeb blong Gad, an narafala haf long traeb blong Manase.

Josua 13:8 Iomraidhean Croise

Nambas 32:19

An bae mifala nating save tekova long lan long narasaet Jodan Riva, bikos lan blong mifala nao hemi long ist saet.”

Diutronomi 3:8

“Long datfala taem, olketa lan blong tufala Paramaon Sif blong laen blong Amoa long saet blong Jodan Riva long ist, hemi stat long Anon Riva long saot, an hemi go kasem maonten long Hemon long not, evri lan ya, yumi tekova long hem from tufala.”

Josua 12:1

Bifoa kam, Mosis nao hemi bin lidim olketa Israel pipol fo faet an winim tufala paramaon sif long ist saet long Jodan Riva long faet an tekova long lan blong olketa. Spialaen long lan blong tufala paramaon sif ya, hemi stat long vali long Anon an goap long Jodan Riva an go olowe go-go kasem maonten long Hemon long not.

Josua 12:6

Mosis hu hemi wakaman blong Yawe wetem olketa man blong hem nao i winim tufala paramaon sif ya long faet. Bihaen, hemi givim olketa lan ya go long traeb blong Ruben, an long traeb blong Gad, an long haf long traeb blong Manase, an olketa gohed fo onam olketa lan ya nao.

Josua 13:7

Yu mas divaedem olketa lan ya go long narafala naenfala traeb blong yufala, wetem narafala haf long olketa long traeb blong Manase wea i no garem lan yet.”

Josua 13:9

Hemi givim tu lan wea hemi stat long Aroa long Anon Riva go kasem taon long midol long vali blong Anon riva, an hemi go olowe go-go kasem bikfala flat ples antap long hil wea hemi stat kam long taon long Medeba go-go kasem taon long Dibon.

Josua 22:4

Distaem God hemi mekem olketa wantok blong yufala fo stap gudfala long lan blong olketa, olsem wea hemi bin promisim bifoa. An hemi gud tumas fo yufala gobaek nao long olketa ples blong yufala, long lan wea yufala onam narasaet long Jodan Riva, wea Mosis bin givim finis long yufala bifoa.

Josua 4:12

Bihaen, traeb blong Ruben, wetem traeb blong Gad an haf long traeb blong Manase, olketa karim olketa samting fo faet an go fastaem long olketa narafala pipol blong Israel, olsem wea Mosis bin talem bifoa.

1 Samuel 13:7

Samfala i ranawe go akros long Jodan Riva fo go long distrik blong Gad, an long eria long Gilead. Oraet, King Sol hemi stap yet long Gilgal, an olketa soldia wea i stap wetem hem i fraet an seksek fogud.