Josua 13:7 - Pijin Bible

⁷ Yu mas divaedem olketa lan ya go long narafala naenfala traeb blong yufala, wetem narafala haf long olketa long traeb blong Manase wea i no garem lan yet.”

Pijin Deuterocanon

⁷ Yu mas divaedem olketa lan ya go long narafala naenfala traeb blong yufala, wetem narafala haf long olketa long traeb blong Manase wea i no garem lan yet.”

Josua 13:7 Iomraidhean Croise

Sams 105:44

Nao hemi givim lan blong olketa narafala pipol fo olketa pipol blong hem, an olketa tekova long olketa gaden tu.

Sams 78:55

Nao taem olketa pipol blong hem i no kasem ples ya yet, hemi ronemaot olketa hiden pipol wea i stap long dea. Nao hemi divaedem graon blong olketa hiden pipol ya long olketa laen blong Israel, an hemi letem olketa pipol blong hem fo tekova long olketa haostent blong olketa pipol ya.

Esikiel 45:1

Yawe hemi gohed fo tok olsem long mi, “Taem yufala divaedem olketa graon fo tuelfala laen ya blong yufala, yufala mas givim wanfala haf long hem fo mi Yawe, an yufala mas kipim fo hemi tambu. Disfala pisgraon, longfala blong hem mas tuel an haf kilomita, an waed blong hem mas ten kilomita.

Nambas 33:54

Bae yufala mas divaedem olketa lan ya go long olketa traeb blong yufala, falom namba blong olketa. Bikfala lan hemi mas go long bikfala traeb, an smolfala lan hemi mas go long smolfala traeb. An yufala mas yusim tufala spesol ston fo divaedem olketa lan ya, an long wei wea tufala ston i foldaon hem nao wei wea evri traeb save garem lan blong hem.

Nambas 34:13

So Mosis hemi tok olsem long pipol blong Israel, “Yawe hemi makem finis disfala lan long Kenan olsem hemi blong yufala long naenfala traeb blong Israel, an blong yufala long haf blong traeb blong Manase. Bae yufala mas yusim tufala spesol ston fo save watkaen traeb nao bae hemi tekem watkaen lan.

Josua 13:6

Olketa ples wea hemi stap yet fo yufala tekova long hem nao, olketa lan wea olketa pipol blong Saedon i stap long hem long olketa hil long Lebanon an Misrefotomaem. “Taem yufala kam kolsap long olketa ples ya, bae mi ronemaot evri pipol wea i stap long hem. Yu mas divaedem olketa lan ya go long olketa pipol blong mi, olsem wea mi bin talem finis long yu.

Josua 13:8

Mosis hu hemi wakaman blong Yawe, hemi bin givim lan wea hemi stap long ist saet long riva Jodan fo go long traeb blong Ruben, an traeb blong Gad, an narafala haf long traeb blong Manase.

Josua 14:2

Olketa divaedem lan ya olsem wea Yawe bin talem long Mosis bifoa. Olketa rolem olketa spesol ston fo faendemaot wanem lan wea bae Yawe hemi givim go long olketa naenfala traeb blong olketa, wetem narafala haf long traeb blong Manase, wea i no garem eni lan yet.