Josua 13:30 - Pijin Bible

³⁰ Disfala eria ya hemi stat long Mahanaem an evri lan long Basan hemi insaet long disfala eria, wetem siksti vilij wea Jaea bin winim wanfala taem bifoa long faet. Bifoa, Paramaon Sif Og blong Basan nao hemi rul ovarem evri ples long datfala eria.

Pijin Deuterocanon

³⁰ Disfala eria ya hemi stat long Mahanaem an evri lan long Basan hemi insaet long disfala eria, wetem siksti vilij wea Jaea bin winim wanfala taem bifoa long faet. Bifoa, Paramaon Sif Og blong Basan nao hemi rul ovarem evri ples long datfala eria.

Josua 13:30 Iomraidhean Croise

Jenesis 32:3

Jekob hemi sendem samfala man fo tekem toktok blong hem go long brata blong hem Iso, long kantri ya wea olketa kolem Seia, wea narafala nem blong hem Idom. Hemi talem long olketa, mekem olketa tok olsem long Iso, “Masta, wakaman blong yu, Jekob, hemi sendem mifala kam fo talem toktok blong hem long yu. Hemi tok olsem, ‘Masta blong mi. Bifoa, mi lusim ples ya an mi go stap wetem Laban, an mi stap wetem hem ka-kam kasem distaem wea mi gohed fo ka-kambaek. Mi garem olketa buluka an olketa dongki, an olketa sipsip an olketa nanigot, an olketa slev man an olketa slev woman. An mi sendem toktok ya kam long yu, sapos yu save hapi fo lukim mi.’” Nao hemi sendem olketa man ya fo go fastaem long hem, an lukim Iso.

Nambas 21:33

Den olketa tane go fo falom rod wea hemi go long eria long Basan. An Sif Og hu hemi paramaon sif blong Basan, hemi kam wetem evri soldia blong hem fo faetem pipol blong Israel long taon long Edrei.

Diutronomi 3:10

An Mosis hemi gohed fo tok olsem, “Yumi bin tekova long olketa taon, stat long bikfala flat ples antap long maonten long saot an go kasem olketa taon long Gilead an Basan long not, an hemi go kasem tu, tufala taon long Saleka an Edrei long ist, wea i blong Paramaon Sif Og.”

Diutronomi 3:4

An long taem ya, yumi bin go insaet long olketa sikstifala taon blong olketa, an tekova long olketa. No eni taon blong Paramaon Sif ya hemi stap, an evri taon long bikfala distrik long Agob wea Og hemi rul ovarem, yumi bin tekova long olketa evriwan.

Josua 13:26

An lan ya hemi stat long taon long Hesbon an hemi go moa kasem taon long Rama Mispa an taon long Betonim. An stat kam from taon long Mahanaem, hemi ka-kam kasem spialaen blong ples long Lo-Deba.

Josua 13:29

Mosis hemi bin givim samfala lan long haf blong traeb blong Manase.

Josua 17:6

Olketa duim olsem bikos olketa woman ya i onam tu lan wetem olketa narafala man long traeb blong olketa, mekem olketa save onam lan wea olketa stap long hem. Bat olketa lan long Gilead, olketa givim go finis long olketa long narafala haf long traeb ya blong Manase fo onam.

Josua 21:38

An long eria blong Gad, olketa onam fofala taon wetem olketa lan raonem fo putum olketa animol long hem. Faswan long olketa taon ya nao Ramot long Gilead, wea hemi wanfala long olketa taon ya fo haed long hem, wetem Mahanaem,