Josua 13:13 - Pijin Bible

¹³ Nomata olsem, olketa pipol long Israel i nating ronemaot nomoa olketa pipol blong Gesua an olketa blong Maaka. Tude, olketa pipol ya i stap yet wetem olketa pipol blong Israel.

Pijin Deuterocanon

¹³ Nomata olsem, olketa pipol long Israel i nating ronemaot nomoa olketa pipol blong Gesua an olketa blong Maaka. Tude, olketa pipol ya i stap yet wetem olketa pipol blong Israel.

Josua 13:13 Iomraidhean Croise

Jenesis 35:22

Taem olketa stap long ples ya, Ruben hemi go slip wetem slev woman ya olketa kolem Bilha, wea hemi narafala woman blong dadi blong hem Israel. An taem dadi blong hem hemi herem nius ya hemi barava kros fogud. Nao Jekob ya hemi garem tuelfala pikinini boe.

2 Samuel 10:6

Taem olketa blong Amon i save dat olketa mekem King Deved barava kros fogud long olketa, olketa haerem samfala ami blong Aram. Olketa kolem kam 20,000 soldia blong Aram wea olketa stap long Bet-Rehob an long Soba, an 12,000 man blong taon long Tob, an olketa kolem king blong Maaka tu wetem 1,000 man blong hem. Olketa evriwan i kam joenem olketa fo faet.

2 Samuel 3:3

Mektu hemi Kiliab, wea mami blong hem Abigeil, wea hemi wido blong Nabal long Kaamel. Mektri hemi Absalom, wea mami blong hem Maaka, wea hemi dota blong King Talmae blong Gesua.

Nambas 33:55

Bat sapos yufala nating ronemaot evriwan from lan ya, bae olketa mekem tumas trabol fo yufala. Bae olketa olsem smolfala stik wea hemi sap tumas wea hemi save kasem ae blong yufala. O bae olketa olsem nila long busis wea hemi save kasem bodi blong yufala. Oltaem bae olketa gohed fo mektrabol long yufala.

Diutronomi 3:14

An Jaea hu hemi wanfala man long traeb blong Manase, hemi tekem olketa lan long eria long Agob long Basan wea hemi go kasem spialaen long ples blong pipol blong Gesua an pipol blong Maaka long west. An Jaea yusim nem blong hem seleva fo kolem olketa vilij long eria long Havot-Jaea. An disfala nem hemi stap yet kam kasem tude.

Josua 12:5

Eria blong hem hemi stat long maonten long Hemon long not, go-go kasem taon long Saleka long ist. Hemi rul ovarem tu evri lan long Basan, nao lan long Basan long saet long west, hemi kasem spialaen blong eria long Gesua an Maaka. An hemi rul ovarem wanfala haf long eria long Gilead long not go-go kasem eria blong Sif Sihon blong Hesbon long saot.

Josua 13:11

Lan ya hemi go kasem olketa lan long distrik long Gilead, an long distrik blong olketa man blong Gesua, an long distrik blong olketa pipol long Maaka, wetem evri ples long maonten long Hemon, wetem evri ples long distrik long Basan wea hemi kasem taon long Saleka.

Josua 13:12

Lan ya hemi gohed moa go-go kasem evri ples long distrik wea Paramaon sif Og hemi rul ovarem, wetem tufala taon long Astarot an Edrei wea i kapitol taon blong hem. Disfala paramaon sif nao hemi laswan long olketa laen blong Refaem long bifoa. Mosis wetem olketa pipol blong Israel nao i bin winim olketa pipol ya wetem ples blong olketa long faet.

Josua 13:14

Yawe bin talem finis long Mosis dat olketa long Traeb blong Livae bae i no garem eni lan, bat bae olketa garem kaikai from olketa samting wea olketa pipol long olketa narafala traeb i givim fo mekem wosip long hem.

1 Samuel 27:8

Long taem hemi stap long ples ya, Deved wetem olketa man blong hem i save faet go long laen blong Gesua, an long laen blong Gires, an long laen blong Amalek. Olketa stap kam long olketa ples blong olketa stat long Telaem go kasem Sua go moa kasem Ijip.