Josua 12:8 - Pijin Bible

⁸ Lan wea Josua hemi divaedem long olketa, hemi stat long olketa lan long olketa hil go-go kasem olketa smolfala hil saet long west, an hemi go moa kasem Jodan Riva long ist, an hemi go-go kasem olketa drae eria long saot. Bifoa, olketa lan ya i blong olketa laen blong Het, an olketa laen blong Amoa, an laen blong Kenan, an olketa laen blong Peres, an olketa laen blong Hivi, an olketa laen blong Jebus. Bat long taem ya, Josua wetem olketa pipol blong Israel i tekova long olketa lan ya nao.

Pijin Deuterocanon

⁸ Lan wea Josua hemi divaedem long olketa, hemi stat long olketa lan long olketa hil go-go kasem olketa smolfala hil saet long west, an hemi go moa kasem Jodan Riva long ist, an hemi go-go kasem olketa drae eria long saot. Bifoa, olketa lan ya i blong olketa laen blong Het, an olketa laen blong Amoa, an laen blong Kenan, an olketa laen blong Peres, an olketa laen blong Hivi, an olketa laen blong Jebus. Bat long taem ya, Josua wetem olketa pipol blong Israel i tekova long olketa lan ya nao.

Josua 12:8 Iomraidhean Croise

Jenesis 10:17

an olketa laen blong Hivi, an olketa laen blong Aki, an olketa laen blong Sini,

Jenesis 12:9

An bihaen, hemi lusim ples ya an hemi muv go moa long Negev long saet blong kantri ya long saot.

Jenesis 13:7

Nao, olketa wakaman wea i gohed fo lukaftarem olketa animol blong tufala, olketa gohed fo raoa. An long taem ya tu, olketa laen blong Kenan, wetem olketa laen blong Peris olketa stap yet long kantri ya.

Eksodas 23:23

Disfala enjel blong mi, bae hemi go fastaem long yufala, an bae hemi tekem yufala go long olketa lan blong olketa laen blong Amoa, an olketa laen blong Het, an olketa laen blong Peris, an olketa laen blong Kenan, an olketa laen blong Hivi, an olketa laen blong Jebus. An bae mi spoelem olketa evriwan.

Eksodas 3:8

Dastawe nao, mi kamdaon fo tekem olketa aot from paoa blong pipol long Ijip an fo lidim olketa aot from lan ya. Bae mi tekem olketa go long wanfala gudfala lan, wea i bikfala tumas, an wea graon blong hem hemi gudfala tumas, an oltaem hemi garem kaikai long hem. Hem nao lan wea distaem, olketa laen blong Kenan, an olketa laen blong Het, an olketa laen blong Amoa, an olketa laen blong Peris, an olketa laen blong Hivi, an olketa laen blong Jebus olketa stap long hem.

Diutronomi 7:1

Den Mosis hemi tok moa olsem, “Yawe, God blong yufala, bae hemi tekem yufala go fo tekova long lan long laen blong Het, an long laen blong Gigas, an long laen blong Amoa, an long laen blong Kenan, an long laen blong Peris, an long laen blong Hivi, an long laen blong Jebus. Bae hemi ronemaot olketa narafala pipol from lan ya. An nomata sevenfala laen ya i strong moa winim yufala,

Diutronomi 9:1

Nao Mosis hemi gohed fo tok olsem, “!Pipol blong Israel, yufala lisin kam gudfala! Kolsap nao, yufala go akros long Jodan Riva fo tekova long lan from olketa pipol wea i strong moa winim yufala. Olketa taon blong olketa i bikfala fogud, an olketa wolston wea i goraon long olketa i barava hae tumas.

Josua 10:40

So Josua wetem ami blong hem i winim evri pipol long olketa ples wea hemi stap long olketa hil, wetem olketa wea i stap long olketa gudfala ples long ist saet go-go kasem Jodan Riva, an olketa wea i stap long drae eria long saot, an olketa wea i stap long olketa smolfala hil long west saet. Olketa kilim dae olketa paramaon sif blong olketa eria ya an evri pipol blong olketa, bikos Yawe hu hemi God blong olketa Israel pipol nao hemi laekem olketa fo duim diswan.

Josua 11:16

Josua wetem ami blong hem i tekova long evri lan, stat long not go-go kasem long saot. Olketa tekova tu long olketa ples long olketa hil an olketa ples long vali wetem evri lan long Gosen an olketa drae eria long saot go-go kasem vali long Jodan.

Josua 9:1

Josua wetem olketa blong Israel i bin winim faet long Jeriko an Ai, an nius abaotem diswan hemi kasem olketa paramaon sif long evri ples long west saet long Jodan Riva. Olketa paramaon sif ya i from laen blong Het, an laen blong Amoa, an laen blong Kenan, an laen blong Peres, an laen blong Hivi, an laen blong Jebus. Olketa ya i stap kam long olketa ples long olketa hil, an long olketa smolfala hil long west, an long olketa flat ples kolsap long Mediterenian Si, go-go kasem kantri long Lebanon long not. Olketa evriwan i herem nius abaotem hao Josua wetem olketa pipol blong Israel i winim olketa enemi blong olketa long faet.

Jajis 1:9

Bihaen, olketa go long saot fo faet agensim olketa pipol blong Kenan wea i stap long olketa hil, an long drae eria long saet long saot, an long olketa lou hil long west.