Josua 12:6 - Pijin Bible

⁶ Mosis hu hemi wakaman blong Yawe wetem olketa man blong hem nao i winim tufala paramaon sif ya long faet. Bihaen, hemi givim olketa lan ya go long traeb blong Ruben, an long traeb blong Gad, an long haf long traeb blong Manase, an olketa gohed fo onam olketa lan ya nao.

Pijin Deuterocanon

⁶ Mosis hu hemi wakaman blong Yawe wetem olketa man blong hem nao i winim tufala paramaon sif ya long faet. Bihaen, hemi givim olketa lan ya go long traeb blong Ruben, an long traeb blong Gad, an long haf long traeb blong Manase, an olketa gohed fo onam olketa lan ya nao.

Josua 12:6 Iomraidhean Croise

1 Kings 4:19

Geba, san blong Uri, hem lukaftarem distrik long Gilead wea bifoa kam Sif Sihon blong Amoa an Sif Og blong Basan tufala bin rul ovarem. Hem nomoa hemi lukaftarem distrik ya.

Nambas 32:29

“Olketa long traeb blong Gad an traeb blong Ruben i redi fo faet an go fastaem long Tambu Boks blong Yawe. Sapos olketa ya i go akros long Jodan Riva wetem yufala, oraet, yufala bae barava winim olketa pipol blong Kenan. Den bae yufala mas givim go olketa lan long Gilead fo olketa onam.

Nambas 32:32

Bae mifala save holem evrisamting fo faet an go fastaem long Tambu Boks blong Yawe, an go insaet long Kenan, mekem mifala tekem lan long disfala saet long Jodan Riva.”

Nambas 32:33

So, disfala lan wetem olketa taon blong hem long eria wea Paramaon Sif Sihon blong Amoa an Paramaon Sif Og blong Basan i rul ovarem, Mosis nao hemi givim long traeb blong Gad, an traeb blong Ruben, an haf long traeb blong Manase.

Josua 14:3

Olketa lan long narasaet long Jodan Riva long ist, Mosis hemi bin divaedem finis fo tufala narafala traeb blong olketa wetem narafala haf long traeb blong Manase. Bifoa kam, Josef hemi garem tufala san wea nem blong tufala nao Manase an Efrem. An traeb blong Josef hemi divaed long tufala traeb, falom tufala san blong hem. Bat olketa long traeb blong Livae i no garem eni lan. Olketa garem nomoa olketa taon fo stap long hem. An olketa taon ya i garem eria raonem fo olketa buluka an olketa sipsip an olketa nanigot blong olketa fo stap long hem.

Josua 18:7

Olketa long traeb blong Livae bae i no garem eni lan olsem olketa narafala traeb, bikos olketa waka olsem prist blong Yawe, an disfala waka blong olketa ya nao hemi olsem lan wea God hemi givim long olketa. Olketa long traeb blong Gad, an long traeb blong Ruben, an long narafala haf long traeb blong Manase i garem finis lan long ist saet long Jodan Riva. Hem nao lan wea Mosis, wakaman blong Yawe, hemi bin givim long olketa bifoa.”

Josua 22:4

Distaem God hemi mekem olketa wantok blong yufala fo stap gudfala long lan blong olketa, olsem wea hemi bin promisim bifoa. An hemi gud tumas fo yufala gobaek nao long olketa ples blong yufala, long lan wea yufala onam narasaet long Jodan Riva, wea Mosis bin givim finis long yufala bifoa.