Josua 12:3 - Pijin Bible

³ Spialaen blong hem long west hemi stat long not long Leik Galili an hemi ka-kam long vali long Jodan Riva go kasem Ded Si long saot. An taon long Bet-Jesimot an maonten long Pisga i insaet long eria blong Sihon.

Pijin Deuterocanon

³ Spialaen blong hem long west hemi stat long not long Leik Galili an hemi ka-kam long vali long Jodan Riva go kasem Ded Si long saot. An taon long Bet-Jesimot an maonten long Pisga i insaet long eria blong Sihon.

Josua 12:3 Iomraidhean Croise

Jenesis 14:3

Nao olketa faefala king ya i tekem olketa soldia blong olketa, an kam tugeta long Sidim vali. Distaem, Ded Si nao hemi draonem ples ya finis.

Jenesis 19:25

Faea ya, hemi barava spoelem nogud tufala taon ya, wetem olketa narafala ples moa long bikfala flat ples ya long daon wea tufala taon ya i stap long hem. An hemi kilim dae tu evri man blong ples ya, wetem evrisamting wea i gohed fo grou long hem.

1 Kings 15:20

So King Ben-Hadad hemi agri long toktok blong King Asa. Den hemi sendem olketa komanda blong hem wetem ami blong hem fo go faetem olketa taon blong Israel long not. An olketa winim trifala taon long Ijon, an Dan, an Abel-Bet-Maaka, an olketa ples kolsap long Leik Galili, an olketa ples long distrik blong Naftali.

Esikiel 25:9

Bikos olketa tok olsem, bae mi letem olketa enemi fo kam faetem evri nambawan taon blong olketa. Bae mi letem olketa enemi fo barava spoelem olketa taon long Bet-Jesimot, an Baal-Meon, an Kiriataem wea i stap olsem baondri fo blokem disfala kantri.

Nambas 21:20

Olketa lusim Bamot an olketa go long bikfala vali long eria blong Moab. Datfala vali hemi kolsap long disfala maonten long Pisga wea pipol save luk godaon long drae eria.

Nambas 34:11

an hemi go moa long Ribla, narasaet long Aen long ist, an bae hemi go long olketa maonten long saet blong Leik Galili long ist.

Gudnius abaotem Jisas Kraes wea Luk hemi raetem 5:1

Long wanfala taem, Jisas hemi stanap long saet long leik long Genesaret. An plande pipol nao olketa kam raonem hem, wea olketa pus strong fo kam long hem, mekem olketa save herem toktok blong God.

Gudnius abaotem Jisas Kraes wea Jon hemi raetem 6:1

Narafala taem moa bihaen, Jisas wetem olketa disaepol blong hem, olketa go long narasaet long disfala leik long Galili wea nara nem blong hem nao Taebirias.

Diutronomi 3:17

An ist saet blong vali long Jodan Riva tu, mi givim go long olketa. An baondri blong lan blong olketa long west hemi long Jodan Riva, stat long Leik Galili long not go kasem Ded Si long saot wea hemi long botom blong maonten long Pisga.

Josua 11:2

Hemi sendem go toktok tu long olketa paramaon sif wea i stap long olketa taon long hil long saet long not, an long olketa paramaon sif wea i stap long olketa taon long vali long Jodan Riva wea hemi stap long saot kolsap long Leik Galili. Hemi sendem go toktok tu long olketa paramaon sif long olketa smolfala hil long west saet, an long olketa paramaon sif wea i stap kam long daon long saet si kolsap long taon long Doa.

Josua 13:20

an Betjesimot, an Betpeoa wea hemi stap long saet long maonten long Pisga.

Josua 15:2

Disfala spialaen long saot, hemi stat long en blong Ded si long saot,

Josua 15:5

Long ist saet, spialaen blong distrik ya hemi stat long en blong Ded Si, an hemi falom go saet si ya go-go kasem en blong Jodan Riva wea hemi kasem Ded Si long not. An spialaen long not hemi stat long maos blong riva ya,

Josua 3:16

wata ya hemi stop nao. Haf long riva wea hemi gohed fo ran kamdaon, hemi hipap farawe tumas kolsap long taon long Adam wea hemi kolsap long ples long Saretan. An narafala haf long riva wea hemi gohed fo ran godaon kasem Ded Si hemi kamap barava drae nao. Evriwan i go akros nao long narasaet kolsap long Jeriko.