Josua 12:1 - Pijin Bible

¹ Bifoa kam, Mosis nao hemi bin lidim olketa Israel pipol fo faet an winim tufala paramaon sif long ist saet long Jodan Riva long faet an tekova long lan blong olketa. Spialaen long lan blong tufala paramaon sif ya, hemi stat long vali long Anon an goap long Jodan Riva an go olowe go-go kasem maonten long Hemon long not.

Pijin Deuterocanon

¹ Bifoa kam, Mosis nao hemi bin lidim olketa Israel pipol fo faet an winim tufala paramaon sif long ist saet long Jodan Riva long faet an tekova long lan blong olketa. Spialaen long lan blong tufala paramaon sif ya, hemi stat long vali long Anon an goap long Jodan Riva an go olowe go-go kasem maonten long Hemon long not.

Josua 12:1 Iomraidhean Croise

1 Kings 4:19

Geba, san blong Uri, hem lukaftarem distrik long Gilead wea bifoa kam Sif Sihon blong Amoa an Sif Og blong Basan tufala bin rul ovarem. Hem nomoa hemi lukaftarem distrik ya.

Sams 133:3

Hemi olsem wea pipol i hapi taem staka ren hemi foldaon long drae eria long Saeon. Long sem wei tu long Saeon, Yawe hemi gohed fo blesim laef blong olketa olowe nao. (Olketa pipol i singim disfala singsing ya taem olketa wakabaot goap fo fist long Jerusalem.)

Sams 136:21

Hemi givim olketa graon blong olketa ya fo olketa Israel pipol. Ya, bikos hemi tinghevi long yumi olowe.

Sams 89:12

Yu nao yu bin mekem evri ples, stat long not go-go kasem long saot. Maonten long Teboa an maonten long Hemon i hapi tumas olsem pipol wea i hapi an singsing fo preisim yu.

Aesaea 16:2

Bat olketa pipol long olketa taon blong Moab i gohed fo weit saet long Anon Riva wea hemi farawe from hom blong olketa. Olketa kam an go olobaot nomoa, olsem olketa smolfala bed wea i flae olobaot taem mami an dadi blong olketa i flaem olketa from nest.

Nambas 21:13

Bihaen, olketa go moa, olketa katkros long Anon Riva an go long not, long bikfala drae eria wea hemi stap long saet long baondri blong eria blong Amoa. Anon Riva, hemi baondri blong olketa laen blong Moab an olketa laen blong Amoa.

Nambas 21:21

Den pipol blong Israel i sendem samfala man fo toktok long Paramaon Sif Sihon long laen blong Amoa. Olketa askem hem olsem,

Nambas 21:24

Bat ami blong Israel i kilim dae Paramaon Sif Sihon wetem plande soldia blong hem. An pipol blong Israel i tekova long olketa lan blong olketa, stat long Anon Riva, go kasem Jabok Riva long not wea hemi baondri long eria blong Amon. Bat olketa no save go moa long narasaet, bikos olketa pipol blong Amon i strong tumas.

Nambas 32:19

An bae mifala nating save tekova long lan long narasaet Jodan Riva, bikos lan blong mifala nao hemi long ist saet.”

Nambas 32:32

Bae mifala save holem evrisamting fo faet an go fastaem long Tambu Boks blong Yawe, an go insaet long Kenan, mekem mifala tekem lan long disfala saet long Jodan Riva.”

Nambas 32:33

So, disfala lan wetem olketa taon blong hem long eria wea Paramaon Sif Sihon blong Amoa an Paramaon Sif Og blong Basan i rul ovarem, Mosis nao hemi givim long traeb blong Gad, an traeb blong Ruben, an haf long traeb blong Manase.

Diutronomi 2:24

Mosis hemi tok moa olsem, “Long datfala taem Yawe hemi sei, ‘Distaem yufala mas go akros long Anon Riva. Mi putum Sihon, Paramaon Sif long laen blong Amoa long Hesbon, long han blong yufala, hem wetem evri lan blong olketa. Yufala mas go faetem hem, an stat fo tekova long lan blong olketa.

Diutronomi 2:32

Den Sihon wetem ami blong hem i kam fo faetem yumi kolsap long taon long Jahas.

Diutronomi 3:1

Mosis hemi tok moa olsem, “Bihaen evrisamting ya, yumi wakabaot go long not, falom rod wea hemi go long taon long Basan. An Paramaon Sif Og wetem olketa soldia blong hem i kam fo faetem yumi kolsap long taon long Edrei.

Diutronomi 4:44

Nao taem pipol blong Israel i aot long Ijip, olketa wakabaot go-go olketa kam stap long vali blong Jodan Riva long ist, kolsap long taon long Bet-Peo. Fastaem disfala ples hemi blong Sihon wea hemi stap long taon long Hesbon, an hemi Paramaon Sif long laen blong Amoa. Bat Mosis an olketa pipol blong Israel i winim hem an tekova long olketa lan blong hem. An olketa tekova tu long lan blong Og, disfala Paramaon Sif blong Basan. Tufala Paramaon Sif blong laen blong Amoa i bin holem olketa lan long saet blong Jodan Riva long ist olsem, eria blong hem long saot hemi stat long taon long Aroa long saet long vali blong Anon Riva, an long not hemi kasem maonten long Sirion, wea narafala nem blong hem Hemon. An lan ya hemi garem olketa ples long saet long Jodan Riva long ist, go kasem Ded Si long saot wea hemi long botom blong maonten long Pisga. Long Bet-Peo nao Mosis hemi talemaot olketa lo long pipol blong Israel. Hem nao olketa lo an olketa rul an olketa tising wea Mosis hemi talem long pipol blong Israel.

Josua 1:15

go-go kasem taem wea yumi winim olketa lan long saet blong Jodan Riva long west. Hem nao lan wea Yawe hu hemi God blong yumi hemi bin promisim fo givim long mifala. An taem wea mifala tu i tekova long lan wea Yawe bin givim long mifala, oraet bae yufala kambaek moa long disfala ples. Nao bae yufala save stap long disfala saet blong Jodan Riva long ist, long lan blong yufala wea Mosis, disfala wakaman blong Yawe hemi givim finis long yufala.”

Josua 11:17

Olketa tekova long evri ples from maonten long Halak long saot kolsap long kantri long Idom, go-go kasem taon long Balgad long vali long Lebanon long not kolsap long maonten long Hemon. Fo longtaem nao Josua bin gohed fo faet wetem olketa paramaon sif blong olketa ples ya, go-go hemi winim olketa evriwan long faet an kilim dae evriwan long olketa.

Josua 11:3

An hemi sendem go toktok tu long olketa narafala pipol long lan ya long Kenan wea olketa stap long tufala saet long Jodan Riva, an long olketa laen blong Amoa, an long olketa laen blong Het, an long olketa laen blong Peres, an long olketa laen blong Jebus wea i stap long olketa taon long olketa hil, an long olketa laen blong Hivi wea i stap long distrik ya long Mispa long botom blong maonten long Hemon.

Josua 13:8

Mosis hu hemi wakaman blong Yawe, hemi bin givim lan wea hemi stap long ist saet long riva Jodan fo go long traeb blong Ruben, an traeb blong Gad, an narafala haf long traeb blong Manase.

Josua 22:4

Distaem God hemi mekem olketa wantok blong yufala fo stap gudfala long lan blong olketa, olsem wea hemi bin promisim bifoa. An hemi gud tumas fo yufala gobaek nao long olketa ples blong yufala, long lan wea yufala onam narasaet long Jodan Riva, wea Mosis bin givim finis long yufala bifoa.

Jajis 11:18

“Olketa wakabaot nomoa long drae eria go-go olketa goraon long saet blong spialaen blong lan blong Idom, an long lan blong Moab. Olketa go long ist saet long Moab wea olketa putumap haostent blong olketa narasaet long Anon riva wea hemi spialaen blong Moab, an olketa nating go akros long spialaen ya.