Josua 11:22 - Pijin Bible

²² Josua wetem ami blong hem i kilim dae evri jaean wea i stap long olketa ples ya. Tu-tri nomoa i stap long olketa taon long Gasa, an Gat, an Asdod.

Pijin Deuterocanon

²² Josua wetem ami blong hem i kilim dae evri jaean wea i stap long olketa ples ya. Tu-tri nomoa i stap long olketa taon long Gasa, an Gat, an Asdod.

Josua 11:22 Iomraidhean Croise

1 Kings 2:39

Bat bihaen long trifala yia, tufala slev blong hem i ranawe go long Gat long King Akis, san blong Maaka. An taem hemi herem dat tufala stap long Gat,

1 Kronikols 18:1

Bihaen, King Deved hemi go faetem olketa blong Filistia, an hemi barava winim olketa, an hemi tekova long taon long Gat an olketa vilij raonem hem.

1 Kronikols 8:13

Beria an Sema, tufala i lida long laen blong Benjamin wea i stap long taon long Aejalon. An tufala ronemaot olketa pipol blong Gat tu.

2 Kronikols 26:6

Wanfala taem hemi go faetem pipol blong Filistia. Hemi winim olketa, an hemi brekemdaon olketa bikfala wolston blong trifala taon long Gat, an Jabne, an Asdod. An hemi wakem olketa bikfala wolston long olketa taon blong hem kolsap long Asdod an long olketa narafala ples long Filistia.

Aesaea 20:1

(Profet) King Sagon blong Asiria, hemi talem bikfala sif blong ami blong hem fo go faetem pipol blong Asdod wea hemi wanfala bikfala taon long Filistia.

Aposol 8:40

Seknomoa, Filip hemi kasem taon long Asotas. So hemi go-goraon long evri taon long eria ya an hemi gohed fo talemaot disfala Gudnius, go-go hemi kasem biktaon long Sisaria.

Diutronomi 2:23

An long sem wei tu, olketa lan kolsap long solwata long Mediterenian Si, olketa pipol blong Krit i tekova an stap long hem. Bifoa kam, ples ya hemi ples blong laen blong Avim, bat olketa pipol blong Krit i kilim dae olketa evriwan, an olketa tekova long olketa lan blong olketa go kasem Gasa long saot.

Diutronomi 9:2

An olketa pipol i barava tolfala, an barava strong tumas, olketa i blong laen blong Anak. Yufala save long olketa lelebet, an yufala herem toktok wea hemi sei no eni man hemi save winim olketa long laen blong Anak.

Josua 10:41

Lan wea olketa tekova long hem long taem blong datfala faet, hemi stat long Kades-Banea long saot go kasem Gasa kolsap long si. An evri ples stat long Gosen go-go kasem Gibeon long not, hemi insaet long disfala lan nao.

Josua 15:14

Nao Kelab hemi ronemaot olketa laen blong Anak from taon ya. Olketa ya nao i from laen blong Sesae, an laen blong Ahiman an laen blong Talmae.

Josua 15:46

an evri taon an vilij long saet kam kolsap long Asdod wea hemi stat long Ekron go-go kasem long Mediterenian Si.

Josua 15:47

An samfala taon moa hemi Asdod wetem evri taon an evri vilij raon long hem, an taon long Gasa wetem evri taon an evri vilij raon long hem, go-go kasem smolfala wata wea hemi makem spialaen long lan blong olketa pipol long Ijip long saot, an hemi go-go kasem Mediterenian Si long west.

Jajis 1:18

Yawe hemi gohed fo helpem traeb blong Jiuda fo winim olketa lan antap long olketa hil. Bat olketa no save winim trifala taon long Gasa, an Askelon, an Ekron wetem eria raon long trifala kolsap long solwata. Hemi olsem bikos olketa long olketa taon ya i garem olketa kaat fo faet wea i garem aean wil.

Jajis 3:3

Olketa laen wea i stap yet long lan ya hemi olsem: faefala ravis lida blong Filistia wetem pipol blong olketa, an laen blong Kenan, an laen blong Saedon, an laen blong Hivi wea i stap long olketa maonten long Baal-Hemon go kasem Lebo-Hamat.

1 Samuel 17:4

Nao wanfala strongman fo faet blong ami blong Filistia wea nem blong hem Golaeat, an hemi blong taon long Gat, hemi kamaot from ples blong olketa. An hemi kam stanap long daon long vali ya. Strongman ya hemi tol kolsap kasem trifala mita.

1 Samuel 5:1

Taem olketa blong Filistia i holem Tambu Boks blong God, olketa karimaot from Ebeneser an olketa tekem go long taon long Asdod.