Josua 11:2 - Pijin Bible

² Hemi sendem go toktok tu long olketa paramaon sif wea i stap long olketa taon long hil long saet long not, an long olketa paramaon sif wea i stap long olketa taon long vali long Jodan Riva wea hemi stap long saot kolsap long Leik Galili. Hemi sendem go toktok tu long olketa paramaon sif long olketa smolfala hil long west saet, an long olketa paramaon sif wea i stap kam long daon long saet si kolsap long taon long Doa.

Pijin Deuterocanon

² Hemi sendem go toktok tu long olketa paramaon sif wea i stap long olketa taon long hil long saet long not, an long olketa paramaon sif wea i stap long olketa taon long vali long Jodan Riva wea hemi stap long saot kolsap long Leik Galili. Hemi sendem go toktok tu long olketa paramaon sif long olketa smolfala hil long west saet, an long olketa paramaon sif wea i stap kam long daon long saet si kolsap long taon long Doa.

Josua 11:2 Iomraidhean Croise

1 Kings 15:20

So King Ben-Hadad hemi agri long toktok blong King Asa. Den hemi sendem olketa komanda blong hem wetem ami blong hem fo go faetem olketa taon blong Israel long not. An olketa winim trifala taon long Ijon, an Dan, an Abel-Bet-Maaka, an olketa ples kolsap long Leik Galili, an olketa ples long distrik blong Naftali.

1 Kings 4:11

Ben-Abinadab, hemi lukaftarem taon long Nafat Doa. Man ya hemi maritim Tafat, dota blong King Solomon.

Nambas 34:11

an hemi go moa long Ribla, narasaet long Aen long ist, an bae hemi go long olketa maonten long saet blong Leik Galili long ist.

Gudnius abaotem Jisas Kraes wea Luk hemi raetem 1:39

No longtaem bihaen, Meri hemi hariap go nao long wanfala taon long eria antap long olketa hil long Jiudia.

Gudnius abaotem Jisas Kraes wea Luk hemi raetem 5:1

Long wanfala taem, Jisas hemi stanap long saet long leik long Genesaret. An plande pipol nao olketa kam raonem hem, wea olketa pus strong fo kam long hem, mekem olketa save herem toktok blong God.

Josua 10:40

So Josua wetem ami blong hem i winim evri pipol long olketa ples wea hemi stap long olketa hil, wetem olketa wea i stap long olketa gudfala ples long ist saet go-go kasem Jodan Riva, an olketa wea i stap long drae eria long saot, an olketa wea i stap long olketa smolfala hil long west saet. Olketa kilim dae olketa paramaon sif blong olketa eria ya an evri pipol blong olketa, bikos Yawe hu hemi God blong olketa Israel pipol nao hemi laekem olketa fo duim diswan.

Josua 10:6

Olketa man blong taon ya i sendem toktok go long Josua long Gilgal, an tok olsem long hem, “Plis masta, yufala kam kuiktaem fo helpem mifala. Yufala no lusim mifala fo stap nomoa olsem. Yufala kam an sevem mifala. Distaem evri paramaon sif blong olketa laen blong Amoa wea i stap long olketa hil i joen tugeta finis, an gohed fo faetem mifala nao.”

Josua 11:16

Josua wetem ami blong hem i tekova long evri lan, stat long not go-go kasem long saot. Olketa tekova tu long olketa ples long olketa hil an olketa ples long vali wetem evri lan long Gosen an olketa drae eria long saot go-go kasem vali long Jodan.

Josua 11:21

Long datfala taem tu, Josua wetem ami blong hem i kilim dae olketa jaean long laen blong Anak wea i stap long olketa taon long Hebron, an Debia an Anab, an long olketa hil long eria long not an long eria long saot.

Josua 12:3

Spialaen blong hem long west hemi stat long not long Leik Galili an hemi ka-kam long vali long Jodan Riva go kasem Ded Si long saot. An taon long Bet-Jesimot an maonten long Pisga i insaet long eria blong Sihon.

Josua 13:27

Long Jodan Vali, lan ya hemi go-go kasem olketa taon long Bet-Haran, an long Bet-Nimra, an long Sukot, an long Safon, an evri eria wea Paramaon Sif Sihon blong Hesbon hemi rul ovarem. Spialaen blong olketa lan ya long saet long west nao hemi stat long Jodan Riva go-go kasem Leik Galili long not.

Josua 17:11

Olketa long traeb blong Manase i garem samfala taon insaet long eria blong Asa an eria blong Isaka, wea nem blong olketa nao Bet-San, an Ibleam, wetem olketa vilij raon long tufala, wetem Endoa, an Taanak, an Megido an Doa wea hemi stap long saet si.

Jajis 1:27

Long datfala taem, traeb blong Manase hemi nating ronemaot evriwan long olketa pipol blong Kenan from lan blong olketa. Olketa pipol blong Kenan i stap nomoa long olketa taon ya olsem Bet-San, an Taanak, an Doa, an Ibleam, an Megido, an olketa smolfala vilij wea i stap raonem olketa ples ya.