Josua 11:14 - Pijin Bible

¹⁴ Olketa pipol blong Israel i kilim dae evriwan long olketa, an tekemaot evri gudfala samting blong olketa wetem olketa animol blong olketa, an kipim fo olketa seleva.

Pijin Deuterocanon

¹⁴ Olketa pipol blong Israel i kilim dae evriwan long olketa, an tekemaot evri gudfala samting blong olketa wetem olketa animol blong olketa, an kipim fo olketa seleva.

Josua 11:14 Iomraidhean Croise

2 Kronikols 20:25

Oraet, King Jehosafat wetem olketa soldia blong hem i go fo tekem evrisamting blong olketa ya. Olketa tekem staka buluka, an plande samting fo faet, an plande kaleko, an plande narafala nambawan samting. Olketa gohed fo trifala de long datfala ples fo tekem go olketa samting ya. Bat olketa no save tekem evrisamting, bikos hemi plande tumas.

Nambas 31:9

Olketa kasholem evri woman blong Midian, wetem pikinini blong olketa. An olketa tekem tu olketa buluka, an olketa sipsip, an evri gudfala samting blong olketa.

Diutronomi 20:14

Bat bae yufala save tekem olketa woman, an olketa pikinini blong olketa, an olketa animol an olketa narafala samting wea i stap long taon ya. Bae yufala save kipim evrisamting wea hemi blong olketa enemi blong yufala, bikos Yawe hemi givim olketa samting ya finis long yufala.

Diutronomi 20:16

“Bat taem yufala go fo tekova long olketa taon long lan wea Yawe hemi givim long yufala fo onam, yufala mas kilim dae evriwan long olketa pipol, an evri animol.

Josua 10:40

So Josua wetem ami blong hem i winim evri pipol long olketa ples wea hemi stap long olketa hil, wetem olketa wea i stap long olketa gudfala ples long ist saet go-go kasem Jodan Riva, an olketa wea i stap long drae eria long saot, an olketa wea i stap long olketa smolfala hil long west saet. Olketa kilim dae olketa paramaon sif blong olketa eria ya an evri pipol blong olketa, bikos Yawe hu hemi God blong olketa Israel pipol nao hemi laekem olketa fo duim diswan.

Josua 11:11

Josua wetem ami blong hem i kilim dae evriwan an barava bonem disfala taon long Hasoa.

Josua 11:13

Bat olketa blong Israel i no bonem olketa taon wea olketa enemi i wakem antap long olketa hil.

Josua 11:15

Josua hemi barava obeim nao evri toktok wea Mosis hu hemi wakaman blong Yawe hemi bin talem hem fo duim. Yawe nao bin talem disfala toktok long Mosis bifoa.

Josua 8:2

Yufala mas kilim dae evri pipol long Ai wetem paramaon sif blong olketa, olsem wea yufala bin duim long olketa pipol blong Jeriko wetem datfala paramaon sif blong olketa. Bat distaem, yufala save tekem evri animol blong olketa wetem evrisamting wea olketa onam. Bat fastaem, yu mas putum samfala soldia fo haed long narasaet long taon ya.”

Josua 8:27

Olketa tekem olketa animol wetem olketa narafala samting long ples ya, barava olsem wea Yawe bin talem fastaem long Josua.