Josua 10:5 - Pijin Bible

⁵ So faefala paramaon sif blong olketa laen blong Amoa, wetem olketa ami blong olketa joen tugeta an raonem Gibeon, an stat fo faetem olketa.

Pijin Deuterocanon

⁵ So faefala paramaon sif blong olketa laen blong Amoa, wetem olketa ami blong olketa joen tugeta an raonem Gibeon, an stat fo faetem olketa.

Josua 10:5 Iomraidhean Croise

Jenesis 15:16

Bat olketa pikinini hu bae i bon kam long laen blong yu, bae olketa stap long narafala kantri fo barava longtaem, bifoa olketa pipol blong yu jes kambaek long disfala graon ya. Bae olketa save kambaek taem olketa ravis wei blong olketa long laen blong Amoa hu i stap yet long hia, olketa kamap barava nogud tumas. Long datfala taem, bae mi barava panisim olketa, mekem olketa hu bae i bon kam long laen blong yu save kambaek.”

Jeremaea 34:7

Long datfala taem, king blong Babilonia wetem olketa soldia blong hem i gohed fo faet long Jerusalem an long tufala narafala taon long Lakis an Aseka, wea tufala garem wolston raonem. Olketa enemi ya bin winim finis evri narafala taon long Jiuda wea i garem wolston raonem.

Nambas 13:29

An mifala lukim dat olketa long laen blong Amalek i stap long saet long saot, an olketa long laen blong Het, wetem laen blong Jebus an laen blong Amoa olketa stap long ples blong maonten, an olketa long laen blong Kenan i stap long saet blong si an long saet blong Jodan Riva.”

Josua 10:16

Long taem olketa no gobaek yet long Gilgal, faefala paramaon sif long olketa laen blong Amoa, i ranawe an haed insaet long wanfala kev long Makeda.

Josua 10:6

Olketa man blong taon ya i sendem toktok go long Josua long Gilgal, an tok olsem long hem, “Plis masta, yufala kam kuiktaem fo helpem mifala. Yufala no lusim mifala fo stap nomoa olsem. Yufala kam an sevem mifala. Distaem evri paramaon sif blong olketa laen blong Amoa wea i stap long olketa hil i joen tugeta finis, an gohed fo faetem mifala nao.”

1 Samuel 7:14

Olketa blong Israel i tekembaek from olketa blong Filistia olketa taon an olketa ples blong olketa wea i stap long midol long tufala taon long Ekron an Gat. An long taem ya, olketa garem piis tu wetem olketa narafala pipol long lan blong Kenan.