Josua 10:41 - Pijin Bible

⁴¹ Lan wea olketa tekova long hem long taem blong datfala faet, hemi stat long Kades-Banea long saot go kasem Gasa kolsap long si. An evri ples stat long Gosen go-go kasem Gibeon long not, hemi insaet long disfala lan nao.

Pijin Deuterocanon

⁴¹ Lan wea olketa tekova long hem long taem blong datfala faet, hemi stat long Kades-Banea long saot go kasem Gasa kolsap long si. An evri ples stat long Gosen go-go kasem Gibeon long not, hemi insaet long disfala lan nao.

Josua 10:41 Iomraidhean Croise

Jenesis 10:19

An graon blong olketa ya hemi gohed fo kamap bikfala tumas, an hemi go kasem taon ya wea olketa kolem Saedon long not, an hemi go kasem taon ya wea olketa kolem Gerara, kolsap long taon ya wea olketa kolem Gesa long saot, an hemi go kasem olketa taon ya wea olketa kolem Sodom, an Gomora, an Adma, an Seboeim, kolsap long Lasa, wea olketa stap long saet long ist.

1 Kings 3:5

Long Gibeon ya, Yawe hemi kam long Solomon long naet long wanfala drim. God hemi tok olsem long hem, “Askem mi fo enisamting, an bae mi givim long yu.”

Sekaraea 9:5

Taem olketa blong Askelon i lukim olketa samting ya, olketa fraet fogud. An olketa blong Gasa i filnogud tumas long hem. Olketa blong Ekron tu i filnogud, an tingting blong olketa wikdaon fogud. Bae Gasa hemi lusim sif blong hem, an Askelon hemi kamap emti wea no eniwan hemi stap long hem.

Nambas 13:26

Olketa kam long ples long Kades long drae eria long Paran wea Mosis an Eron an olketa pipol blong Israel i stap long hem. Olketa talemaot evrisamting wea olketa lukim, an som tu olketa frut wea olketa karim kam.

Nambas 32:8

!Disfala wei, hemi semsem wetem wei blong olketa dadi blong yufala bifoa! Taem mifala stap long Kades-Banea, mi sendem olketa man fo lukluk long lan long Kenan.

Nambas 34:4

an hemi go long saet long saot from rod long Akrabim wea hemi go long midol long olketa hil, an go kasem disfala drae eria long Sini. An hemi pas narasaet long Kades-Banea long saot. An long dea, spialaen hemi tane lelebet go long not, fo go long Hasarada, an go kasem Asmon.

Aposol 8:26

Wanfala taem, wanfala enjel blong Masta hemi talem Filip olsem, “Yu mas go long saot long disfala rod wea hemi stat kam long Jerusalem an godaon fo Gesa.” Disfala rod mifala no save yusim distaem ya.

Diutronomi 1:19

Mosis hemi tok olsem, “Yawe, God blong yumi, hemi bin talem yumi fo lusim Horeb, an gotru long bikfala drae eria wea hemi barava nogud, fo go long olketa maonten blong olketa laen blong Amoa. So yumi duim nao an kam kasem Kades-Banea.

Diutronomi 2:23

An long sem wei tu, olketa lan kolsap long solwata long Mediterenian Si, olketa pipol blong Krit i tekova an stap long hem. Bifoa kam, ples ya hemi ples blong laen blong Avim, bat olketa pipol blong Krit i kilim dae olketa evriwan, an olketa tekova long olketa lan blong olketa go kasem Gasa long saot.

Diutronomi 9:23

“An long Kades-Banea, Yawe hemi bin talem yufala fo go tekova long lan wea hemi promisim. Bat wea, yufala bin agensim toktok blong hem. Yufala no trastem hem, an yufala no obeim hem tu.

Josua 10:12

Long datfala de, wea Yawe hemi mekem Josua wetem ami blong Israel fo winim olketa laen blong Amoa long faet, Josua hemi prea go long Yawe long ae blong olketa pipol blong Israel, an hemi tok olsem, “San, yu stop antap long Gibeon an saen kamdaon. Mun, yu stop antap long vali ya long Aejalon an saen kamdaon.”

Josua 10:2

Paramaon sif ya wetem evri pipol blong hem i barava seksek fogud, bikos olketa save dat Gibeon hemi wanfala bikfala taon olsem eni narafala taon wea hemi garem paramaon sif, an olketa pipol blong hem i plande winim olketa pipol blong Ai, an olketa barava strong fogud fo faet tu.

Josua 11:16

Josua wetem ami blong hem i tekova long evri lan, stat long not go-go kasem long saot. Olketa tekova tu long olketa ples long olketa hil an olketa ples long vali wetem evri lan long Gosen an olketa drae eria long saot go-go kasem vali long Jodan.

Josua 11:22

Josua wetem ami blong hem i kilim dae evri jaean wea i stap long olketa ples ya. Tu-tri nomoa i stap long olketa taon long Gasa, an Gat, an Asdod.

Josua 15:51

an Gosen, an Holon an Gilo. Hem nao levenfala taon wea i stap long datfala eria wetem evri vilij wea i stap raon long olketa.

Jajis 16:1

Wanfala de, Samson hemi wakabaot go long Gasa, wanfala taon blong olketa pipol blong Filistia. Long ples ya, hemi lukim wanfala juri woman, nao hemi go long haos blong hem, an slip wetem hem.

Jajis 16:21

Olketa blong Filistia i kasholem hem an aotem tufala ae blong hem. Olketa taemapem hem long bikfala sen wea olketa wakem long bras an olketa tekem hem go long Gasa. Long datfala ples olketa putum hem long prisin wea waka blong hem nao fo tanem barava bikfala ston fo krasim wit mekem hem kamap flaoa.

1 Samuel 6:17

Hem nao wei wea pipol blong Filistia i bin wakem faefala kaving long gol wea i luk olsem boela an faefala kaving long gol wea i luk olsem rat, falom namba blong olketa taon blong olketa olsem Asdod, an Gasa, an Askelon, an Gat, an Ekron. Faefala taon ya i garem wolston, an plande vilij stap raon long faefala taon ya, an evri taon ya i garem sif fo lida long hem. An yu save, olketa sendem olketa kaving ya olsem sakrifaes long Yawe fo peimaot kompensesin bikos olketa tekem Tambu Boks blong hem. An narasamting moa, disfala bikfala ston long gaden blong Josua long Bet-Semes wea olketa bin putum Tambu Boks long hem fastaem, hemi stap yet olsem wanfala memori fo makem wanem hem hapen long dea.