Josua 10:40 - Pijin Bible

⁴⁰ So Josua wetem ami blong hem i winim evri pipol long olketa ples wea hemi stap long olketa hil, wetem olketa wea i stap long olketa gudfala ples long ist saet go-go kasem Jodan Riva, an olketa wea i stap long drae eria long saot, an olketa wea i stap long olketa smolfala hil long west saet. Olketa kilim dae olketa paramaon sif blong olketa eria ya an evri pipol blong olketa, bikos Yawe hu hemi God blong olketa Israel pipol nao hemi laekem olketa fo duim diswan.

Pijin Deuterocanon

⁴⁰ So Josua wetem ami blong hem i winim evri pipol long olketa ples wea hemi stap long olketa hil, wetem olketa wea i stap long olketa gudfala ples long ist saet go-go kasem Jodan Riva, an olketa wea i stap long drae eria long saot, an olketa wea i stap long olketa smolfala hil long west saet. Olketa kilim dae olketa paramaon sif blong olketa eria ya an evri pipol blong olketa, bikos Yawe hu hemi God blong olketa Israel pipol nao hemi laekem olketa fo duim diswan.

Josua 10:40 Iomraidhean Croise

1 Kings 15:29

Taem hemi kamap king, hemi kilim dae evriwan wea i bon long laen blong King Jeroboam. No eniwan long laen blong Jeroboam hemi stap laef, so laen blong hem hemi finis nao. Hemi duim barava olsem wea Yawe hemi bin talem long wakaman blong hem bifoa Profet Ahaeja blong Saelo.

Nehemaea 9:24

Olketa pikinini ya i tekova long disfala lan. Yu givim paoa long olketa fo winim olketa pipol blong Kenan wetem olketa king an olketa narafala pipol wea i stap long lan ya, mekem olketa save duim long olketa wanem olketa laekem.

Sams 9:17

Evri nogud pipol wea i tanem baeksaet long God, bae evriwan i mas dae.

Eksodas 34:12

Yufala mas no mekem eni agrimen fo stap gudfala wetem olketa pipol long lan wea bae yufala go long hem, nogud hemi olsem wanfala trap fo spoelem yufala.

Nambas 13:17

Taem hemi sendem olketa, hemi tok olsem, “Yufala mas gotru long drae eria long saot long Kenan an yufala mas wakabaot go olowe go long not, go kasem olketa maonten.

Diutronomi 1:7

Yufala mas goaot nao. Yufala mas go stap long olketa ples olsem: long lan blong laen blong Amoa long olketa maonten, an long vali blong Jodan Riva, an long lan blong olketa laen blong Kenan, an long drae eria long saot long Kenan. Lan ya hemi go kasem Mediterenian Si long west, an long not hemi kasem maonten long Lebanon, an long west hemi kasem datfala bikfala Yufretis Riva.

Diutronomi 2:34

An yumi bin winim olketa taon blong olketa an spoelem finis olketa taon ya. An yumi kilim dae olketa man, an olketa woman an olketa pikinini long olketa. Long taem ya, no enisamting i stap laef long olketa taon ya.

Diutronomi 7:24

Bae hemi putum olketa Paramaon Sif blong olketa long han blong yufala, an bae yufala mas kilim olketa dae, mekem no eniwan save tingabaotem olketa moa. Bae yufala mas kilim olketa pipol dae, an no eniwan save stopem yufala.

Josua 10:35

Long datfala sem de tu olketa kilim dae evriwan long Eglon, olsem wea olketa bin duim long olketa pipol blong Lakis.

Josua 10:37

Olketa tekova long taon ya kilim dae evriwan, wetem paramaon sif blong olketa. Olketa kilim dae tu evriwan long olketa vilij wea i stap kam raonem taon ya long Hebron. Josua wetem ami blong hem i barava spoelem evrisamting long taon ya. Olketa kilim dae evriwan long taon ya, long sem wei wea olketa bin duim long olketa pipol blong Eglon.

Josua 10:39

Olketa tekova long taon ya wetem paramaon sif blong hem an olketa vilij wea i stap kam raonem taon ya, an kilim dae evriwan. Josua wetem ami blong hem i duim semsamting long paramaon sif ya olsem wea olketa bin duim long olketa blong Hebron wetem paramaon sif blong olketa an long olketa blong Libna.

Josua 11:16

Josua wetem ami blong hem i tekova long evri lan, stat long not go-go kasem long saot. Olketa tekova tu long olketa ples long olketa hil an olketa ples long vali wetem evri lan long Gosen an olketa drae eria long saot go-go kasem vali long Jodan.

Josua 12:8

Lan wea Josua hemi divaedem long olketa, hemi stat long olketa lan long olketa hil go-go kasem olketa smolfala hil saet long west, an hemi go moa kasem Jodan Riva long ist, an hemi go-go kasem olketa drae eria long saot. Bifoa, olketa lan ya i blong olketa laen blong Het, an olketa laen blong Amoa, an laen blong Kenan, an olketa laen blong Peres, an olketa laen blong Hivi, an olketa laen blong Jebus. Bat long taem ya, Josua wetem olketa pipol blong Israel i tekova long olketa lan ya nao.

Josua 18:21

Nem long olketa taon blong olketa famili long traeb blong Benjamin nao Jeriko, an Bet-Hogla, an Emek-Kesis,

Josua 6:17

Yumi mas spoelem finis evrisamting wea hemi stap insaet long taon ya. Bae yumi mas barava bonem, mekem hemi olsem wanfala tambu ofaring go long Yawe. Disfala juri woman ya nomoa, Rehab, wetem evriwan long famili blong hem wea i stap long haos blong hem, olketa ya nao bae yumi no kilim olketa dae, bikos hemi bin haedem tufala man blong yumi.

Josua 8:2

Yufala mas kilim dae evri pipol long Ai wetem paramaon sif blong olketa, olsem wea yufala bin duim long olketa pipol blong Jeriko wetem datfala paramaon sif blong olketa. Bat distaem, yufala save tekem evri animol blong olketa wetem evrisamting wea olketa onam. Bat fastaem, yu mas putum samfala soldia fo haed long narasaet long taon ya.”

Josua 8:27

Olketa tekem olketa animol wetem olketa narafala samting long ples ya, barava olsem wea Yawe bin talem fastaem long Josua.

Josua 9:24

Olketa tok olsem long hem, “Masta, mifala duim diswan bikos mifala save finis wea Yawe hu hemi God blong yufala hemi bin talem long Mosis, disfala wakaman blong hem bifoa, wea bae hemi givim disfala lan long yufala. An taem yufala kam insaet long lan ya, bae yufala kilim mifala evriwan dae. An mifala save tu dat disfala toktok hemi tru tumas, dastawe nao mifala fraet tumas long yufala. So mifala mas duim diswan nao, bikos mifala no wande dae tu ya.