Josua 10:29 - Pijin Bible

²⁹ Bihaen, Josua wetem ami blong hem i lusim Makeda an muv go fo taon long Libna an faetem olketa pipol long ples ya.

Pijin Deuterocanon

²⁹ Bihaen, Josua wetem ami blong hem i lusim Makeda an muv go fo taon long Libna an faetem olketa pipol long ples ya.

Josua 10:29 Iomraidhean Croise

2 Kings 19:8

Disfala komanda blong Asiria hemi herem dat king blong hem hemi lusim finis Lakis, an hemi go moa long taon long Libna fo faet agensim olketa. Komanda ya hemi lusim Jerusalem an hemi go long Libna fo lukim king.

2 Kings 8:22

Stat long datfala taem, pipol blong Idom i agensim pipol blong Jiuda, an olketa stap olsem kam kasem tude. An long semtaem, olketa pipol blong taon long Libna tu i no laekem king blong Jiuda fo rul ovam olketa, so olketa agensim pipol blong Jiuda.

2 Kronikols 21:10

Stat long datfala taem, pipol blong Idom i agensim pipol blong Jiuda, an olketa stap olsem kam kasem tude. An long semtaem, olketa pipol blong taon long Libna tu i no laekem king blong Jiuda fo rul ovam olketa, so olketa agensim pipol blong Jiuda. Olketa samting ya i kamap olsem bikos Jehoram hemi lusim Yawe hu hemi God blong olketa olfala grani blong hem.

Aesaea 37:8

Disfala komanda blong Asiria hemi herem dat king blong hem hemi lusim finis Lakis, an hemi go moa long taon long Libna fo faet agensim olketa. Komanda ya hemi lusim Jerusalem an hemi go long Libna fo lukim king.

Jeremaea 52:1

Long taem wea King Sedekaea hemi kamap king blong Jiuda, hemi kasem tuenti-wan yia blong hem. Hemi rul fo levenfala yia long kantri ya, an gavman blong hem nao hemi stap long Jerusalem. Mami blong hem Hamutal, dota blong wanfala man wea nem blong hem Jeremaea. Mami ya hemi blong taon long Libna.

Nambas 33:20

Afta olketa lusim Rimon-Peres, olketa stap kam long Libna.

Josua 10:28

Long datfala sem de tu, Josua wetem ami blong hem i faetem olketa long taon long Makeda an tekova long hem nao. Olketa kilim dae evriwan long taon ya wetem paramaon sif blong olketa. Datfala semsamting wea Josua hemi bin duim long paramaon sif blong Jeriko, hemi duim tu long paramaon sif blong Makeda.

Josua 10:30

Yawe hemi mekem olketa fo winim tu olketa pipol long datfala taon. Olketa kilim dae evriwan long taon ya wetem paramaon sif blong olketa. Olketa kilim dae datfala paramaon sif blong Libna long sem wei wea olketa bin duim fastaem long paramaon sif blong Jeriko.

Josua 15:42

An samfala narafala taon blong olketa moa nao, Libna, an Eta, an Asan,

Josua 6:21

Olketa kilim dae evriwan insaet long taon ya long olketa naef fo faet. Olketa kilim dae evri man an woman, evri yanga an olo, wetem evri buluka an sipsip, an dongki.

Josua 8:2

Yufala mas kilim dae evri pipol long Ai wetem paramaon sif blong olketa, olsem wea yufala bin duim long olketa pipol blong Jeriko wetem datfala paramaon sif blong olketa. Bat distaem, yufala save tekem evri animol blong olketa wetem evrisamting wea olketa onam. Bat fastaem, yu mas putum samfala soldia fo haed long narasaet long taon ya.”

Josua 8:29

Long taem ya tu, olketa kilim dae paramaon sif blong Ai, an hangem bodi blong hem antap long tri go-go kasem ivining. An long ivining, Josua hemi talem olketa man blong hem fo tekemdaon bodi blong paramaon sif ya, an torowem go long geit blong bikfala wolston long taon ya. Olketa hipimap olketa ston antap long bodi blong hem, an hip ston ya hemi stap nomoa olsem ka-kam kasem tude.