Josua 10:10 - Pijin Bible

¹⁰ Yawe hemi mekem olketa soldia blong Amoa i sek fogud an fraet tumas long ami blong Israel, so olketa ranawe krangge olobaot nao. Josua wetem ami blong hem i kilim dae plande long olketa long ples ya, an ronem evri narawan falom rod wea hemi go long olketa hil fo goap long taon long Bet-Horon. An olketa gohed fo ronem olketa an kilim olketa dae go-go kasem tufala taon long Aseka an Makeda long saot.

Pijin Deuterocanon

¹⁰ Yawe hemi mekem olketa soldia blong Amoa i sek fogud an fraet tumas long ami blong Israel, so olketa ranawe krangge olobaot nao. Josua wetem ami blong hem i kilim dae plande long olketa long ples ya, an ronem evri narawan falom rod wea hemi go long olketa hil fo goap long taon long Bet-Horon. An olketa gohed fo ronem olketa an kilim olketa dae go-go kasem tufala taon long Aseka an Makeda long saot.

Josua 10:10 Iomraidhean Croise

2 Samuel 22:15

Hemi sut long olketa aro blong hem, nao olketa enemi i ranawe olobaot. Hemi sendem kam laetning, mekem olketa evriwan ranawe nao.

1 Kings 9:17

Nao King Solomon hemi bin mekem olketa man bildim moa taon ya. An King Solomon hemi mekem olketa bildim moa Bet-Horon wea hemi long daon long maonten,

2 Kronikols 14:12

So taem King Asa an ami blong Jiuda i go faetem ami blong Kus, Yawe hemi mekem olketa fo win. An olketa soldia blong Kus ya i ranawe.

2 Kronikols 25:13

Long datfala taem, olketa soldia blong Efrem wea Amasaea hemi sendem olketa gobaek, olketa go spoelem olketa taon blong pipol blong Jiuda stat long Samaria go kasem Bet Horon. An olketa kilim 3,000 pipol blong Jiuda, an olketa stilim plande samting an tekem gobaek wetem olketa.

Sams 18:14

Hemi sut long olketa aro blong hem, nao olketa enemi blong hem i ranawe olobaot. An hemi sendem kam laetning, an hemi mekem olketa evriwan i ranawe nao.

Sams 44:3

Olketa pipol blong yu, i no winim kantri ya long faet, o long paoa blong olketa seleva. Olketa win nomoa long paoa blong yu an long han blong yu, an bikos yu mekem olketa fo save dat yu stap wetem olketa. Hem nao hemi somaot dat yu lavem olketa tumas.

Sams 68:14

God hu hemi garem evri paoa, hemi winim olketa king ya, an taem ya, staka bon blong olketa enemi nao i stap olobaot long maonten long Salmon.

Sams 78:55

Nao taem olketa pipol blong hem i no kasem ples ya yet, hemi ronemaot olketa hiden pipol wea i stap long dea. Nao hemi divaedem graon blong olketa hiden pipol ya long olketa laen blong Israel, an hemi letem olketa pipol blong hem fo tekova long olketa haostent blong olketa pipol ya.

Aesaea 28:21

Bae Yawe hemi barava spoelem yufala olsem wea hemi bin duim bifoa long maonten ya long Perasim an long bikfala vali ya long Gibeon. Disfala waka wea hemi plan fo duim, bae hemi luk barava narawei nao olsem wea yufala bin nating lukim bifoa.

Aesaea 30:30

Bae Yawe hu hemi King blong yumi, hemi mekem evri pipol fo herem bikfala voes blong hem. An bae hemi somaot paoa blong hem long olketa olsem wanfala faea wea hemi hot fogud an hemi bonem evrisamting. Ya, bae hemi kam olsem tanda an kamdaon olsem bikfala ren wetem olketa ston blong aes.

Jeremaea 34:7

Long datfala taem, king blong Babilonia wetem olketa soldia blong hem i gohed fo faet long Jerusalem an long tufala narafala taon long Lakis an Aseka, wea tufala garem wolston raonem. Olketa enemi ya bin winim finis evri narafala taon long Jiuda wea i garem wolston raonem.

Sekaraea 14:3

Den Yawe bae hemi goaot fo faet agensim olketa kantri ya long wei wea oltaem hemi mekem long taem fo faet.

Diutronomi 7:23

Bat, Yawe bae hemi givim olketa pipol blong lan ya long yufala. An bae hemi mekem olketa fo fraet an no save wanem fo duim, go-go yufala bae kilim olketa evriwan dae.

Josua 10:11

An taem olketa man ya i gohed fo ranawe godaon long hil from olketa Israel ami, Yawe hemi mekem olketa ston blong aes hemi gohed fo foldaon long olketa olsem ren. Olketa bikfala ston ya blong aes hemi gohed fo foldaon antap long olketa go-go kasem Aseka, an hemi kilim dae plande man moa winim namba long olketa man wea Josua wetem ami blong hem i kilim dae.

Josua 10:28

Long datfala sem de tu, Josua wetem ami blong hem i faetem olketa long taon long Makeda an tekova long hem nao. Olketa kilim dae evriwan long taon ya wetem paramaon sif blong olketa. Datfala semsamting wea Josua hemi bin duim long paramaon sif blong Jeriko, hemi duim tu long paramaon sif blong Makeda.

Josua 10:9

Fo ful naet ya, Josua wetem ami blong hem i stat long Gilgal an wakabaot go fo Gibeon. So long moning olketa soldia blong Amoa i sapraes tumas fo lukim Josua wetem ami blong hem i kam faetem olketa.

Josua 11:8

Yawe hemi mekem Josua an ami blong Israel fo winim olketa enemi. Samfala long ami blong Josua i ronem olketa enemi ya an faetem olketa go-go kasem olketa farawe ples olsem taon long Misrefotomaem, an long taon long Saedon long not. Olketa narafala long ami blong Josua i gohed fo ronem tu narafala haf long olketa enemi ya go-go kasem vali long Mispa long ist. Olketa gohed fo faet go-go olketa kilim dae evriwan long olketa enemi.

Josua 15:35

an Jamut, an Adulam, an Soko, an Aseka,

Josua 15:41

an Gederot, an Bet-Dagon, an Naama an Makeda. Hem nao sikstinfala taon wea i stap long datfala eria wetem olketa vilij wea i stap raonem olketa.

Josua 16:3

Den, hemi tane go long west saet wea hemi go-go kasem spialaen blong olketa long laen blong Jaflet bifoa, an hemi go moa kasem taon olketa kolem Bet-Horon Long Daon, an hemi go moa kasem taon long Gesa, an hemi en long Mediterenian Si.

Josua 16:5

Long saet long saot, spialaen blong olketa lan wea olketa long traeb blong Efrem i onam nao hemi stat long taon long Atarot-Ada long ist, an hemi goap long taon olketa kolem Bet-Horon long Antap,

Josua 21:22

an Kibsaem, an Bet-Horon.

Jajis 4:15

An taem olketa stat fo faet, Yawe hemi mekem Sisera an olketa soldia blong hem i fraet so olketa ran krangge olobaot long ples ya. Sisera hemi jamdaon from kaat blong hem fo faet an stat fo ranawe baelek.

Jajis 4:16

Olketa narafala man blong Sisera i ranawe, bat Barak an olketa soldia blong hem i gohed fo ronem olketa go-go kasem taon long Haroset-Ha-Goeim. Olketa kilim dae evri soldia blong Sisera an no eniwan hemi laef.

Jajis 5:20

Olketa sta long skae tu i joen tugeta fo faet. Olketa gohed long ples blong olketa fo faet agensim Sisera.

1 Samuel 13:18

An narafala grup hemi falom rod wea hemi go long Bet-Horon long west. An mektri hemi go fo olketa hil wea olketa save luk godaon long vali long Seboeim an bikfala drae eria long ist.

1 Samuel 17:1

Wanfala taem, ami blong Filistia i kamap tugeta fo faetem pipol blong Israel. Olketa kam long Soko, wanfala taon long distrik long Jiuda, an putumap olketa haostent blong olketa long Efes-Damim, wanfala ples midol long tufala taon long Soko an Aseka.