Jona 2:10 - Pijin Bible

¹⁰ Taem Jona hemi prea olsem, Yawe hemi tok long fis ya, an hemi gosoa an toraotem profet ya long sanbis.

Pijin Deuterocanon

¹⁰ Taem Jona hemi prea olsem, Yawe hemi tok long fis ya, an hemi gosoa an toraotem profet ya long sanbis.

Jona 2:10 Iomraidhean Croise

Jenesis 1:11

God hemi tok moa olsem, “Evri kaen samting wea hemi save grou long graon ya mas kamap. Hemi mas garem olketa wea i save garem frut long graon, wetem olketa narakaen moa wea i save garem frut long antap. Olketa ya mas garem frut, mekem olketa garem sid fo samfala moa i grou bihaen.” Nao evrisamting ya olketa kamap olsem wea hemi bin talem.

Jenesis 1:14

God hemi tok moa olsem, “Olketa laet mas kamap long skae fo makem de an naet. Olketa samting ya bae i fo makem olketa de, an olketa yia, an taem.

Jenesis 1:3

An God hemi tok olsem, “Laet mas kamaot.” So laet hemi kamap olsem wea hemi bin talem.

Jenesis 1:7

An samting ya hemi kamap olsem wea God hemi bin talem. Hemi mekem samting ya fo mekem wata hemi divaed, nao haf blong wata hemi stap antap long hem, an narafala haf blong wata hemi stap andanit long hem.

Jenesis 1:9

God hemi tok moa olsem, “Wata ya wea i stap andanit long skae hemi mas kam tugeta, mekem drae ples hemi kamap.” Nao samting ya hemi hapen olsem wea hemi bin talem.

Sams 105:31

Yawe hemi tok nomoa, an olketa flae an olketa moskito i kavaremap evri ples long kantri ya nao.

Sams 105:34

Hemi tok nomoa an olketa grashopa i kam, an olketa no save kaontem nao.

Sams 22:26

Lod Yawe, olketa pua pipol bae i kaikaim wanem olketa laekem, an olketa wea i kam long yu bae olketa preisim yu. Mi laekem tumas fo olketa garem gudfala laef olowe.

Sams 33:9

Taem hemi tok nomoa, wol ya hemi kamap nao. Toktok blong hem hemi mekem evrisamting fo kamaot.

Aesaea 38:20

Bae Yawe hemi sevem mi. Bae mifala ringim gita, an singsing fo preisim hem. Oltaem long laef blong mifala, bae mifala singsing fo preisim Yawe insaet long Tambuhaos blong hem.

Aesaea 43:11

Mi seleva nomoa mi Yawe, an no eni narawan moa save sevem yufala.

Aesaea 50:2

?Waswe nao no eniwan hemi kam long mi, taem mi kam fo sevem yufala? ?Waswe nao no eniwan hemi ansarem mi, taem mi kolem yufala? ?Yufala tingse mi no garem naf paoa fo sevem yufala? Mi save tok nomoa, an dipsi save kamap barava drae. Olketa riva tu save kamap wanfala bikfala drae eria, an olketa fis bae i dae evriwan.

Hosia 13:4

Yawe hemi tok olsem, “Mi Yawe nao mi God blong yufala, an mi bin tekem olketa grani blong yufala fo kamaot from Ijip. Mi nomoa mi God blong yufala, an no eni narafala god moa hemi stap fo sevem yufala.

Hosia 14:3

Olketa blong Asiria no save sevem mifala, an olketa hos fo faet blong mifala no save gadem mifala long faet. Bae mifala no kolem moa olketa kaving wea mifala nomoa i wakem, fo olsem god blong mifala. Plis yu sore kam long mifala an helpem mifala, bikos mifala olsem nomoa pikinini wea mami an dadi blong hem i lus, an no eni narawan moa hemi stap fo helpem mifala.”

Jona 1:17

Oraet, Yawe hemi mekem wanfala bikfala fis fo kam sualomdaon Jona, an hemi stap insaet long bele blong fis ya fo trifala de an trifala naet.

Jona 3:1

Yawe hemi talemaot moa Mesij blong hem long Profet Jona. Hemi olsem,