Jona 1:12 - Pijin Bible

¹² Jona hemi ansarem olketa olsem, “Mi save wea disfala bikfala win an raf si ya hemi kasem yumi bikos mi nao mi trae fo ranawe from Yawe. So, yufala mas torowem mi godaon insaet long si, an bae si hemi kuaet nomoa ya.”

Pijin Deuterocanon

¹² Jona hemi ansarem olketa olsem, “Mi save wea disfala bikfala win an raf si ya hemi kasem yumi bikos mi nao mi trae fo ranawe from Yawe. So, yufala mas torowem mi godaon insaet long si, an bae si hemi kuaet nomoa ya.”

Jona 1:12 Iomraidhean Croise

2 Samuel 24:17

Taem king hemi lukim disfala enjel wea hemi spoelem olketa pipol, hemi prea olsem long Yawe, “!Mi rong nao! !Mi nao mi mekem sin ya! Olketa pipol ya i olsem sipsip wea i falom lida nomoa. Olketa no duim eni rong samting. Hemi moabeta sapos yu panisim mi an olketa famili blong mi nomoa.”

1 Kronikols 21:17

Deved hemi prea olsem long God, “Mi nao mi fosim olketa fo go kaontem olketa soldia. Mi nomoa mi duim disfala nogud samting. Olketa pipol ya i olsem sipsip nomoa wea olketa no duim enisamting rong. Yawe, yu God blong mi. Plis yu no panisim olketa pipol blong yu, bat yu panisim mi nomoa wetem famili blong mi.”

Stori abaotem Job 35:8

Olketa sin blong yu save spoelem nomoa olketa narafala pipol. An olketa gudfala samting wea yu duim, hemi save helpem nomoa olketa pipol ya.

Eklesiastes 9:18

Waes tok hemi moabeta winim wepon fo faet, bat wanfala nogud man save spoelem plande gud samting.

Jona 1:11

Long datfala taem tu, win hemi kamap barava strong moa an si hemi barava raf moa. So, olketa askem hem olsem, “?Wanem nao bae mifala mas duim long yu mekem win ya save godaon an si ya save stap kuaet?”

Jona 1:13

Bat olketa kru i fraet fo duim olsem, so olketa traehad fo padolem sip ya go long soa. Nomata olsem, olketa kanot duim, bikos win ya hemi gohed fo kamap strong fogud an si ya hemi kamap raf tumas tu.

Gudnius abaotem Jisas Kraes wea Jon hemi raetem 11:50

Ating yufala nating luksave nao dat hemi gud sapos wanfala man hemi sensim olketa pipol an dae, mekem evri pipol long kantri ya olketa no dae.”

Aposol 27:24

an hemi sei, ‘!Yu no fraet Pol! Yu mas go stanap long frant blong bikfala King long Rom. An bikos God hemi gudfala, bae hemi sevem laef blong evriwan hu olketa go-go wetem yu long sip ya.’

Josua 7:12

From samting ya nao, yufala no save winim olketa enemi blong yufala. Yufala ranawe from olketa, bikos yufala seleva nao i mekem panis ya fo kasem yufala. So yufala evriwan nao mas dae. Sapos yufala no barava bonem olketa samting wea yufala stilim, bae mi no save helpem yufala moa.