Joel 3:20 - Pijin Bible

^20-21 Ya, bae mi no save fogivim olketa fo evri ravis samting wea olketa bin duim long pipol blong mi. Bat kantri ya long Jiuda an bikfala taon long Jerusalem, bae pipol blong mi i stap long hem evritaem olowe nao. An mi Yawe bae mi stap long tambu maonten long Saeon olowe nao.”

Pijin Deuterocanon

^20-21 Ya, bae mi no save fogivim olketa fo evri ravis samting wea olketa bin duim long pipol blong mi. Bat kantri ya long Jiuda an bikfala taon long Jerusalem, bae pipol blong mi i stap long hem evritaem olowe nao. An mi Yawe bae mi stap long tambu maonten long Saeon olowe nao.”

Joel 3:20 Iomraidhean Croise

Aesaea 33:20

Yufala lukim Jerusalem. Hemi ples wea yumi gohed fo holem olketa fist fo mekem wosip. Hemi wanfala gudfala sefples fo stap long hem long piis. Bae hemi olsem wanfala haostent wea no eniwan save pulumaot olketa stik wea hemi holem rop long haostent ya, an rop ya hemi no save brek.

Esikiel 37:25

Bae olketa stap long disfala lan wea mi bin givim bifoa long grani blong olketa Jekob, hu hemi wakaman blong mi. Hem nao lan wea olketa grani blong olketa bifoa i bin stap long hem. Bae olketa wetem olketa pikinini blong olketa, an olketa wea bae i bon kam bihaen long olketa, save stap long ples ya olowe nao. An bae disfala king long laen blong King Deved hemi rul ovarem olketa fo evritaem olowe nao.

Emos 9:15

Long sem wei tu, bae mi putumbaek olketa pipol blong mi long disfala kantri wea mi bin givim long olketa bifoa, olsem wea man hemi plantem kaikai long gaden blong hem, an bae no eniwan save tekemaot moa olketa pipol from disfala ples.? Hem nao toktok blong Yawe, hu hemi God blong yufala.