Joel 3:11 - Pijin Bible

¹¹ Yufala hu i stap kolsap mas hariap kam an hipap tugeta long vali ya. Lod Yawe. Plis yu sendem kam olketa soldia blong yu fo kilim dae olketa ya.

Pijin Deuterocanon

¹¹ Yufala hu i stap kolsap mas hariap kam an hipap tugeta long vali ya. Lod Yawe. Plis yu sendem kam olketa soldia blong yu fo kilim dae olketa ya.

Joel 3:11 Iomraidhean Croise

Sams 103:20

Yufala olketa enjel, yufala strong an garem paoa. Oltaem yufala gohed fo obeim olketa toktok blong Yawe, an yufala gohed fo lisin long olketa samting wea hemi talem. !Yufala ya, yufala mas gohed fo preisim Yawe!

Aesaea 10:34

Ya, God hu hemi strong tumas hemi daonem olketa evriwan olsem wea man hemi katemdaon olketa bikfala tri long bus wetem aks. Nomata olketa bikfala sida tri ya blong Lebanon, bat hemi katemdaon tu.

Aesaea 13:3

Bikos mi kros tumas long olketa ya, hem nao mi tokstrong long olketa strongfala soldia wea mi bin makem olketa fo faet, an olketa hapi tumas long biknem blong mi.”

Aesaea 37:36

Enjel blong Yawe hemi kam long ples wea olketa soldia blong Asiria i stap, an hemi kilim dae 185,000 long olketa. Taem olketa pipol i wekap long moning, seknomoa olketa lukim nao bodi blong olketa soldia wea i dae finis.

Joel 3:2

Bae mi tekem kam evri pipol blong evri kantri fo hipap long ples ya olketa kolem Vali blong Jehosafat. Long ples ya nao, bae mi jajem olketa from evri nogud samting wea olketa bin duim long olketa pipol blong mi long Israel. Olketa narafala pipol ya bin divaedem olketa graon long Israel wea hemi lan blong mi, an ronemaot olketa blong Israel from barava ples blong olketa.

Maeka 4:12

Olketa ya i gohed fo toktok olsem, bat olketa nating save long tingting blong Yawe. Olketa nating save dat hem nao hemi kolem olketa fo hipap kam long ples ya, mekem hemi save panisim an barava spoelem olketa. Bae hemi olsem wea man hemi hipimap olketa sid blong wit, mekem buluka hemi step long hem fo klinimaot olketa skin.

Sefenaea 3:8

!So yufala mas lukaot! Hem ya nao Mesij wea mi Yawe mi talem. Datfala de fo mi talemaot panis blong olketa kantri bae hemi kam. Mi tingting finis fo hipimap kam tugeta olketa pipol blong olketa kantri wetem evri king blong olketa. An bae olketa filim paoa long kros blong mi. Evri ples long disfala wol, bae mi spoelem olketa long paoa blong kros blong mi wea hemi bone olsem faea.

2 Tesalonaeka 1:7

An fo yufala wea yufala barava safa tumas an fo mifala tu, bae God hemi finisim trabol blong yumi evriwan. Diswan bae hemi hapen long taem wea Jisas Masta blong yumi, bae hemi kamdaon from heven wetem olketa enjel blong hem hu i garem strongfala paoa.

Revelesin 19:14

An olketa soldia blong heven olketa go bihaen long hem, wea olketa raed antap long olketa waetfala hos an olketa werem nambawan waet kaleko wea hemi klin.