Joel 2:6 - Pijin Bible

⁶ Taem olketa gohed fo kam kolsap, olketa pipol i lukim an seksek fogud, an fes blong olketa pipol hemi barava luk nogud nao long fraet.

Pijin Deuterocanon

⁶ Taem olketa gohed fo kam kolsap, olketa pipol i lukim an seksek fogud, an fes blong olketa pipol hemi barava luk nogud nao long fraet.

Joel 2:6 Iomraidhean Croise

Sams 119:83

Nomata laef blong mi hemi nogud tumas olsem, mi nating fogetem nomoa olketa lo blong yu.

Aesaea 13:8

Bae olketa evriwan i fraet fogud an bae olketa filpein tumas, olsem woman wea hemi redi fo bonem pikinini. Taem olketa fraet tumas, bae olketa luk long olketa seleva, an fes blong olketa hemi red fogud olsem faea.

Jeremaea 30:6

?Waswe? ?Man hemi save bonem pikinini? ?Bat waswe nao mi lukim olketa man i holem bele, olsem woman hu hemi redi fo bonem pikinini blong hem? ?Waswe nao fes blong olketa i somaot dat i fraet tumas olsem?

Jeremaea 8:21

Mi filnogud tumas, bikos olketa pipol blong mi i kamap nogud tumas. Mi sore an krae, an tingting blong mi hemi wikdaon finis.

Lamentesin 4:8

Bat distaem fes blong olketa i doti olsem asis long faea, an pipol i no luksave long olketa moa. Olketa kamap bon nating, an skin blong olketa hemi barava drae olsem stik.

Neiham 2:10

Taon ya hemi kamap nogud tumas. Olketa enemi i tekemaot evrisamting. No enisamting hemi stap long hem nao. Olketa pipol i fraet an seksek fogud. Olketa no garem eni paoa nao, an fes blong olketa hemi kamap nogud tumas.

Neiham 2:11

Bifoa, bikfala taon ya hemi garem paoa. Hemi olsem wanfala hol wea laeon hemi stap long hem fo fidim olketa pikinini blong hem. An man laeon wetem olketa merewan i stap sef nomoa long hem wetem olketa pikinini blong olketa. Olketa pipol blong taon ya bin olsem laeon wea hemi gohed fo kilim dae narafala animol, an karim go long hol blong hem. Hemi pisisim animol ya, mekem olketa merewan an olketa pikinini i kaikaim, an hol ya hemi fulap fogud long mit. Bat distaem, bikfala taon ya hemi nating garem paoa olsem nao.