Joel 2:24 - Pijin Bible

²⁴ Olketa ples fo klinimaot olketa skin blong wit an bali, bae i fulap fogud long kaikai, an olketa bikfala ston besin fo aotem wata from olketa grep an oel from olketa oliv, bae i fulap fogud long waen an oel.

Pijin Deuterocanon

²⁴ Olketa ples fo klinimaot olketa skin blong wit an bali, bae i fulap fogud long kaikai, an olketa bikfala ston besin fo aotem wata from olketa grep an oel from olketa oliv, bae i fulap fogud long waen an oel.

Joel 2:24 Iomraidhean Croise

Esikiel 36:8

“Bat yufala olketa maonten blong Israel. Bae evri brans long olketa tri wea hemi grou long yufala, bae i grou moa an garem frut mekem olketa pipol blong mi long Israel save kaikaim. No longtaem, bae olketa pipol ya save gobaek moa long hom blong olketa.

Joel 3:13

Wei blong olketa pipol ya hemi barava nogud tumas. Yufala mas katemdaon olketa gudfala olsem wit wea olketa man i katemdaon long gaden. Yufala mas step gudfala long olketa, olsem wea man hemi step long olketa frut blong grep fo mekem waen. Hemi step long olketa frut ya go-go wata blong hem hemi ranaot, an ston besin ya hemi fulap fogud wea hemi gohed fo kapsaet.”

Joel 3:18

Yawe hemi tok moa olsem, “Long taem ya, evri maonten bae hemi fulap long olketa plantesin long grep tri, an bae yufala save tekem plande milk from olketa buluka wea i stap antap long olketa hil. Plande springwata bae hemi kamap long Jiuda, an wanfala springwata bae hemi kamaot from Tambuhaos blong mi an ran godaon fo watarem Vali long Akesia Tri.

Levitikas 25:19

Sapos yufala duim olsem, bae lan blong yufala hemi garem plande kaikai, an yufala no save sot, an yufala save stap gudfala long datfala ples.

Levitikas 26:10

An olketa kaikai wea yufala tekemaot from olketa gaden blong yufala bae hemi plande fogud, bae hemi inaf fo yufala winim wan ful yia. An long en long evri yia, bae yufala save torowem olketa olfala kaikai mekem wanfala ples hemi emti fo putum olketa niufala kaikai long hem.

Emos 9:13

Yawe hemi tok moa olsem, ?Wanfala de, bae graon hemi kamap gud moa, an kaikai bae hemi staka fogud long olketa gaden, an bae olketa pipol i no naf nao fo tekemaot. Long datfala taem tu, bae olketa frut blong olketa grep tri i plande fogud, an bae olketa man i no naf nao fo wakem waen long hem. An olketa save mekem staka waen tumas wea hemi luk olsem wea wata blong olketa frut ya hemi ran kam daon long saet long olketa hil an hemi mekem graon sof.? Hem nao mesij blong Yawe.

Malakae 3:10

Tekem kam olketa wan-tent blong yufala long Tambuhaos blong mi, mekem plande kaikai hemi stap long hem. Traem mi, mekem yufala lukim dat bae mi barava blesim yufala winim wanem yufala save tingim. Bae hemi olsem wea mi openem skae an letem ren hemi kamdaon.