Joel 1:7 - Pijin Bible

⁷ Olketa grashopa ya i spoelem finis nao olketa grep tri blong yumi, an kaikaim finis tu olketa fig tri blong yumi. Olketa kaikaim finis skin blong olketa tri ya, nao olketa waet brans nomoa i stap, bikos olketa nating garem nao eni skin long olketa.

Pijin Deuterocanon

⁷ Olketa grashopa ya i spoelem finis nao olketa grep tri blong yumi, an kaikaim finis tu olketa fig tri blong yumi. Olketa kaikaim finis skin blong olketa tri ya, nao olketa waet brans nomoa i stap, bikos olketa nating garem nao eni skin long olketa.

Joel 1:7 Iomraidhean Croise

Sams 105:33

Tufala samting ya nao i spoelem olketa rop blong grep wetem olketa fig tri. Tufala samting ya tu i brekem evri tri long ples ya.

Eksodas 10:14

an olketa grashopa ya i barava kavaremap evriples long Ijip. Olketa plande fogud wea no eniwan lukim kam bifoa, an bae no eniwan save lukim moa enitaem.

Eksodas 10:15

Olketa barava kavaremap graon ya, wea graon hemi blak long olketa nao. An olketa kaikaim evrisamting olobaot long kantri ya wea olketa ston long aes hemi no spoelem. Olketa frut blong olketa tri wetem olketa lif, an olketa smolfala tri tu, olketa grashopa ya i barava finisim nao. No enisamting grin hemi stap long eni tri o eni gaden long Ijip.

Aesaea 24:7

Olketa grep tri bae i kamap drae, an no eni waen nao bae hemi stap. Olketa pipol hu i gohed fo hapi bifoa, distaem olketa filnogud tumas nao.

Aesaea 32:12

Ya, bae yufala gohed fo bitim sest blong yufala fo somaot dat yufala sore tumas. Bikos long datfala taem, bae olketa gaden an olketa plantesin blong grep i no save garem eni moa kaikai long hem.

Aesaea 5:6

Bae mi letem olketa nilagras fo grou long ples ya, an bae mi stopem ren fo no foldaon long plantesin ya. Bae mi mekem ples ya fo kamap olsem drae eria.”

Jeremaea 8:13

Yawe hemi gohed fo talemaot mesij blong hem olsem, “Bae mi tekem evri gudfala samting blong olketa. Olketa grep tri an olketa fig tri blong olketa bae hemi no garem frut long hem, an olketa lif long gaden bae i kamap drae. Evrisamting wea mi bin givim long olketa, bae mi tekembaek, mekem olketa no garem enisamting.”

Hosia 2:12

Olketa fig tri, an olketa plantesin long grep blong hem, wea hemi gohed fo talem dat olketa narafala man ya nao i givim long hem, bae mi spoelem evriwan. Bae mi mekem olketa plantesin ya fo kamap olsem bus, an olketa wael animol bae i spoelem finis.

Joel 1:12

Olketa grep tri ya an olketa fig tri i dae finis. Ya, evri narafala frut tri tu i dae evriwan nao. Olketa samting wea hemi save mekem pipol hapi, hemi barava finis nao.

Emos 4:9

?Mi nao bin sendem kam hot win fo kilim dae olketa gaden blong yufala, an mi bin sendem kam staka ren fo spoelem olketa grep tri long olketa plantesin blong yufala. An mi nao bin letem olketa grashopa fo kaikaim olketa fig tri an olketa oliv tri. !Bat yufala nating tingting kambaek nomoa long mi!

Habakuk 3:17

Nomata sapos yumi stap long taem blong trabol, olsem wea olketa fig tri no garem frut fo kaikaim, an olketa grep tri no garem frut fo mekem waen, an olketa oliv tri no garem frut fo mekem oel, an olketa gaden no garem kaikai, an olketa sipsip an buluka i dae evriwan,

Malakae 3:11

Bae mi no letem olketa inseks fo spoelem olketa gaden blong yufala, an bae mi no letem enisamting fo mekem olketa tri blong yufala fo lusim frut blong olketa bifoa hemi redi.