Joel 1:4 - Pijin Bible

⁴ Fofala taem nao olketa grashopa i gohed fo kam. Olketa i plande fogud an kavaremap finis evri gaden. Olketa samting wea olketa fas grashopa i no kaikaim, samfala grashopa moa i kam an kaikaim. An olketa samting wea olketa mektu grashopa ya i no kaikaim, samfala grashopa moa i kam an kaikaim. An evri narafala samting wea hemi stap yet, olketa narafala grashopa moa i kam an barava finisim nao.

Pijin Deuterocanon

⁴ Fofala taem nao olketa grashopa i gohed fo kam. Olketa i plande fogud an kavaremap finis evri gaden. Olketa samting wea olketa fas grashopa i no kaikaim, samfala grashopa moa i kam an kaikaim. An olketa samting wea olketa mektu grashopa ya i no kaikaim, samfala grashopa moa i kam an kaikaim. An evri narafala samting wea hemi stap yet, olketa narafala grashopa moa i kam an barava finisim nao.

Joel 1:4 Iomraidhean Croise

1 Kings 8:37

“Maet taem blong hanggre, o bikfala sik hemi kam spoelem pipol blong yu, o nogud samting hemi spoelem olketa kaikai long gaden, o olketa grashopa i kamap plande an spoelem olketa gaden, o olketa enemi i kam faetem mifala.

2 Kronikols 6:28

“Maet taem blong hanggre, o bikfala sik hemi kam spoelem pipol blong yu, o nogud samting hemi spoelem olketa kaikai long gaden, o olketa grashopa i kamap plande an spoelem olketa gaden, o olketa enemi i kam faetem mifala.

2 Kronikols 7:13

“Taem mi panisim yufala pipol blong mi, maet mi stopem ren, o sendem plande grashopa fo spoelem olketa gaden blong yufala, o letem wanfala ravis sik fo kam spoelem yufala.

Sams 105:34

Hemi tok nomoa an olketa grashopa i kam, an olketa no save kaontem nao.

Sams 78:46

Hemi sendem olketa grashopa fo kaikaim evri gaden blong olketa, an spoelem evri kaikai long olketa gaden ya.

Eksodas 10:4

Sapos yu no letem olketa go, tumoro bae mi mekem olketa grashopa fo kavaremap disfala kantri blong yu.

Eksodas 10:5

Bae olketa kamap plande fogud, wea bae olketa barava kavaremap evri graon long ples ya. An bae olketa finisim olketa kaikai wea olketa ston long aes ya hemi no spoelem, wetem evri lif blong olketa tri wea i stap yet.

Aesaea 33:4

!Yufala olketa pipol! Taem yufala ranawe, bae olketa enemi i kam kuiktaem fo tekem evrisamting ya wea yufala bin winim long faet, olsem wea olketa grashopa i kaikaim evrisamting long olketa gaden.

Jeremaea 51:14

Yawe hu hemi garem evri paoa hemi mekem wanfala strongfala promis long yufala olsem, “Bae mi sendem olketa enemi fo kam faet agensim yufala, wea olketa i plande tumas winim olketa grashopa. An bae olketa singaot bikfala, bikos olketa winim yufala nao.”

Jeremaea 51:27

“Olketa enemi blong Babilonia. !Putumap flag wea hemi saen long taem fo faet! !Bloum trampet, mekem olketa kantri i herem! Sendem toktok go long olketa ami blong kantri long Ararat, an kantri long Mini, an kantri long Askenas, fo kam faet agensim kantri ya. Siusimaot wanfala bikman fo lidim olketa ami ya. Sendem olketa hos fo faet wea i plande tumas olsem olketa grashopa.

Joel 2:25

Mi nao mi sendem kam disfala ami long grashopa fo spoelem yufala. Bat evrisamting wea yufala lusim, wea olketa grashopa ya i spoelem, bae mi givimbaek moa long yufala.

Emos 4:9

?Mi nao bin sendem kam hot win fo kilim dae olketa gaden blong yufala, an mi bin sendem kam staka ren fo spoelem olketa grep tri long olketa plantesin blong yufala. An mi nao bin letem olketa grashopa fo kaikaim olketa fig tri an olketa oliv tri. !Bat yufala nating tingting kambaek nomoa long mi!

Emos 7:1

(Profet) Lod Yawe hemi somaot wanfala samting long mi long wanfala spesol drim. Long datfala spesol drim, olketa man blong king i katem finis gras fo olketa animol blong hem fo kaikaim long taem wea hemi kol tumas, an niufala gras hemi stat fo grou moa. An mi lukim dat Yawe hemi mekem olketa grashopa i kamaot an kaikaim evri niufala gras ya,

Malakae 3:11

Bae mi no letem olketa inseks fo spoelem olketa gaden blong yufala, an bae mi no letem enisamting fo mekem olketa tri blong yufala fo lusim frut blong olketa bifoa hemi redi.

Diutronomi 28:38

“Nomata yufala plantem plande sid long olketa bikfala gaden, bae yufala no save tekem plande kaikai long hem, bikos olketa grashopa bae i kaikaim.

Diutronomi 28:42

An staka grashopa bae i kam spoelem olketa tri blong yufala, an olketa gaden blong yufala.