Joel 1:3 - Pijin Bible

³ Yufala mas talem olketa pikinini blong yufala, mekem olketa tu save talem pikinini blong olketa abaotem. An olketa pikinini blong olketa bae i talem moa olketa pikinini wea bae i bon kam bihaen long olketa.

Pijin Deuterocanon

³ Yufala mas talem olketa pikinini blong yufala, mekem olketa tu save talem pikinini blong olketa abaotem. An olketa pikinini blong olketa bae i talem moa olketa pikinini wea bae i bon kam bihaen long olketa.

Joel 1:3 Iomraidhean Croise

Sams 145:4

Lod Yawe, oltaem bae olketa pipol blong yu i preisim yu fo olketa gudfala samting wea yu bin duim fo olketa, an olketa pikinini wea bae i bon kam long laen blong olketa. Ya, oltaem bae olketa talemaot olketa bikfala waka blong yu.

Sams 44:1

God, olketa bikfala samting wea yu bin duim bifoa kam yet, long taem blong olketa olo blong mifala, mifala seleva bin herem finis long ia blong mifala. An olketa olo blong mifala i bin talem finis long mifala.

Sams 71:18

Distaem mi olo finis, an hea blong mi hemi waet nao, plis God, yu no lusim mi. Plis yu stap wetem mi, taem mi talemaot paoa blong yu long evri pipol wea bae i bon kam bihaen long mi.

Eksodas 13:14

An sapos olketa pikinini boe blong yufala i askem yufala olsem, ‘?Waswe nao yumi gohed fo duim olketa samting ya?’, bae yufala mas tok olsem long olketa, ‘Olketa samting ya hemi fo makem taem wea mifala waka olsem slev long Ijip. Nao Yawe hemi tekem mifala aot from ples ya, long bikfala paoa blong hem.

Aesaea 38:19

Mifala hu i laef yet, mifala nomoa save preisim yu, olsem wea mi duim distaem. Olketa dadi gohed fo talem olketa pikinini abaotem wei wea oltaem, yu gohed fo kipim olketa promis blong yu.

Diutronomi 6:7

Oltaem, yufala mas tisim go long olketa pikinini blong yufala. Taem yufala stap long haos, o yufala gohed fo wakabaot, o yufala go fo slip, o yufala stanap moa, yufala mas tokabaotem olketa samting ya.