Gudnius abaotem Jisas Kraes wea Jon hemi raetem 9:34 - Pijin Bible

³⁴ Nao olketa tok olsem long hem, “!Yu man fo mekem sin olowe stat kam taem yu bon ya! !Hao nao yu trae fo tisim mifala olsem!” Long taem ya, olketa raosim hem fo goaot nao from preahaos ya.

Pijin Deuterocanon

³⁴ Nao olketa tok olsem long hem, “!Yu man fo mekem sin olowe stat kam taem yu bon ya! !Hao nao yu trae fo tisim mifala olsem!” Long taem ya, olketa raosim hem fo goaot nao from preahaos ya.

Gudnius abaotem Jisas Kraes wea Jon hemi raetem 9:34 Iomraidhean Croise

Jenesis 19:9

Bat olketa evriwan i tok olsem, “!Nomoa! !Yu no stopem mifala! !Yu no man blong disfala ples! !Yu no garem raet fo tok long mifala olsem! !Yu aot! !Yu klia from rod! !Sapos nomoa, bae hemi barava nogud fo yu ya!” So olketa pusumaot Lot, an olketa kam fo brekemdaon doa ya nao.

2 Kronikols 25:16

Taem profet hemi gohed fo toktok, king hemi sei long hem, “!Sarap yu! !Mi no mekem yu wanfala advaesa blong mi! !Sapos yu no stap kuaet, bae mi kilim yu dae!” Oraet, profet hemi stop bat las samting hemi sei hemi olsem, “Mi save dat God hemi mekem plan finis fo spoelem yu, bikos yu duim olketa samting ya, an yu no save herem toktok blong mi.”

Stori abaotem Job 14:4

?Waswe, eniwan save faendem man hu hemi klin long ae blong God? !Nomoa nao!

Stori abaotem Job 25:4

?Hu nao hemi stret nomoa long ae blong God? Ating no eniwan wea hem bon kam long wol hemi klin long ae blong God.

Sams 51:5

Stat kam long taem wea mi bon, mi bin sin finis. An stat kam long taem wea mi bon, wei blong mi hemi nogud finis.

Eksodas 2:14

Bat man ya hemi ansa olsem, “!Ei! ?Hu nao putum yu fo bos long mifala, an fo jajem mifala? ?Waswe, yu laek fo kilim mi dae tu olsem datfala man blong Ijip wea yu kilim dae yestade?” So Mosis hemi fraet nao, bikos hem tingse evriwan save finis long samting wea hemi bin duim.

Provebs 22:10

Ronemaot man hemi laek fo tokspoelem nara man, raoa bae finis, faet bae finis, an toknogud bae finis.

Provebs 26:12

Sapos yu lukim man hu hemi talem dat hemi smat, oraet, krangge man hemi garem moa sans fo kasem save winim man ya.

Provebs 29:1

Man hemi gohed fo bikhed nomata olketa tokstrong long hem plande taem, seknomoa, bae hem bagarap, an no enisamting save sevem hem.

Aesaea 65:5

Nao yufala tok olsem long olketa narafala pipol, ‘!Yufala no kam kolsap long mifala! !Yufala no tasim mifala bikos mifala holi tumas ya!’ Mi barava les long diskaen pipol olsem yufala ya. !Ya, kros blong mi long yufala hemi olsem faea wea hemi no save dae enitaem!

Aesaea 66:5

“!Lisin kam gudfala long Mesij blong mi Yawe, yufala hu i obeim mi an tinghae long mi! Bikos yufala tinghevi olowe long mi, samfala long olketa pipol blong yufala i les nomoa long yufala an agensim yufala. Hem nao olketa nating laek fo joen wetem yufala. Olketa gohed fo laf long yufala an tok olsem, ‘Letem Yawe hemi somaot saen long bikfala paoa blong hem, mekem mifala lukim dat yufala barava hapi tumas.’ Bat bae olketa ya nao i barava sem fogud.

Gudnius abaotem Jisas Kraes wea Luk hemi raetem 11:45

Nao wanfala long olketa tisa blong Lo hemi tok olsem, “Tisa, taem yu tok olsem yu barava tokspoelem mifala tu ya.”

Gudnius abaotem Jisas Kraes wea Luk hemi raetem 14:11

So hemi olsem tu, sapos eniwan hemi mekem hem seleva fo hae, bae God hemi mekem hem fo lou, bat eniwan hu hemi mekem hem seleva fo lou, bae God hemi mekem hem fo hae moa.”

Gudnius abaotem Jisas Kraes wea Luk hemi raetem 18:17

Mi talem yufala tru samting nao, sapos eniwan hemi no olsem wanfala pikinini wea hemi hapi fo mekhae long God, bae hemi nating fit fo stap insaet long kingdom blong God.”

Gudnius abaotem Jisas Kraes wea Luk hemi raetem 6:22

“An yufala wea olketa pipol i heitem yufala an barava aotem yufala an barava tokspoelem yufala an talem nem blong yufala hemi barava nogud bikos yufala falom mi San Blong Man, yufala save hapi ya.

Gudnius abaotem Jisas Kraes wea Jon hemi raetem 6:37

Evriwan wea Dadi blong mi hemi givim kam long mi, bae olketa kam falom mi. An eniwan hu hemi kam long mi, mi bae nating raosim hem gobaek moa.

Gudnius abaotem Jisas Kraes wea Jon hemi raetem 8:41

Yufala ya, yufala duim semsamting wea dadi blong yufala hemi duim nomoa.” Taem ya, olketa tok olsem long hem nao, “God nomoa hemi Dadi blong mifala, an mifala nao barava tru pikinini blong hem.”

Gudnius abaotem Jisas Kraes wea Jon hemi raetem 9:2

Nao olketa disaepol blong Jisas olketa askem hem olsem, “?Tisa, sin blong hu nao hemi mekem disfala man ya fo blaen olsem? ?Sin blong mami an dadi blong hem, o sin blong hem seleva nomoa?”

Gudnius abaotem Jisas Kraes wea Jon hemi raetem 9:22

Nao mami an dadi blong man ya, tufala tok olsem bikos tufala fraetem olketa bikman ya. Olketa bikman ya, olketa wanmaen finis wea sapos eniwan hemi talem hemi biliv wea Jisas nao hemi disfala Mesaea ya, bae olketa finisim hem from olketa preahaos.

Gudnius abaotem Jisas Kraes wea Jon hemi raetem 9:35

Jisas hemi herem dat olketa bikman i raosim disfala man fo goaot, so hemi go lukim hem an askem hem olsem, “?Waswe, yu biliv long disfala San Blong Man?”

Gudnius abaotem Jisas Kraes wea Jon hemi raetem 9:40

Samfala long olketa Farasi ya, taem olketa herem disfala toktok blong Jisas, olketa sei, “Nogud yu tingse mifala tu i blaen.”

Galesia 2:15

Hemi tru wea mifala bon kam olsem Jiu, an mifala no olsem olketa pipol hu i no Jiu wea olketa garem sin.

Efesas 2:3

Bifoa, yumi evriwan stap olsem olketa pipol ya tu. Yumi falom nomoa disfala wei blong sin blong yumi, wea yumi duim wanem bodi an tingting blong yumi hemi laekem. Bikos yumi olsem nomoa, hemi fitim fo God hemi panisim yumi olsem hemi save duim long evriwan.

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”

3 Jon 1:10

So taem mi kam fo lukim yu, bae mi talemaot olketa ravis samting wea hemi save duim, olsem olketa ravis samting wea hemi talem agensim mifala. An narasamting moa, hemi nating laek fo lukaftarem olketa Kristin fren taem olketa kasem sios ya. An sapos olketa narawan i wande helpem olketa ya, Daeotrefis hemi stopem olketa fo no duim diswan an hemi raosim olketa from sios ya tu.

3 Jon 1:9

Mi raetem finis wanfala sot leta go long olketa pipol long sios, bat Daeotrefis hemi wande haemapem hem seleva olowe an hemi nating laek fo herem toktok blong mi.

Revelesin 13:17

Nao sapos eniwan hemi no garem disfala mak ya, hemi no save baem enisamting o salem enisamting. An disfala mak ya hemi nem blong wael animol ya, o hemi namba wea hemi saen fo nem blong hem.