Gudnius abaotem Jisas Kraes wea Jon hemi raetem 9:29 - Pijin Bible

²⁹ Mifala save dat Mosis nao hemi man wea God hemi toktok wetem hem. Bat disfala man, nomata ples hemi stap kam long hem, mifala no save tu.”

Pijin Deuterocanon

²⁹ Mifala save dat Mosis nao hemi man wea God hemi toktok wetem hem. Bat disfala man, nomata ples hemi stap kam long hem, mifala no save tu.”

Gudnius abaotem Jisas Kraes wea Jon hemi raetem 9:29 Iomraidhean Croise

1 Kings 22:27

Yu talem tufala fo putum hem long prisin. Tufala mas fidim hem long drae bred an wata nomoa. Tufala mas kipim hem long prisin go-go mi kambaek from faet.”

2 Kings 9:11

Taem Jehu hemi kambaek long olketa narafala komanda, olketa askem hem olsem, “?Waswe, evrisamting hemi oraet? ?Wanem nao krangge man ya hemi talem long yu?” Nao hemi tok olsem, “Man ya, yufala save long kaen toktok blong hem.”

Sams 103:7

Bifoa kam yet, hemi talemaot olketa plan blong hem long Mosis, an hemi letem olketa pipol blong Israel fo luksave long olketa bikfala waka blong hem.

Sams 105:26

Nao Yawe hemi sendem Mosis hu hemi wakaman blong hem, an Eron hu hemi bin siusim finis, fo tufala go long Ijip.

Sams 106:16

Long ples blong olketa long drae eria, olketa joles tumas long Mosis, an long Eron disfala holi prist blong Yawe.

Sams 22:6

Bat distaem mi no olsem man nao, mi olsem wanfala wom nomoa, wea mi barava luk nogud tumas long ae blong olketa pipol, an olketa no laekem mi tu.

Malakae 4:4

?Bae yufala mas tingim olketa lo an olketa toktok wea mi givim long Mosis long maonten long Saenae fo yufala evriwan blong Israel.

Nambas 16:28

Den Mosis hemi tok olsem long olketa pipol, “Distaem nomoa, bae yufala save dat Yawe nao hemi sendem mi fo duim evrisamting ya. An bae yufala save tu dat mi nating duim enisamting long tingting blong mi seleva.

Matiu 12:24

Bat taem samfala long olketa Farasi i herem diswan, olketa sei, “Bielsebul, disfala bos blong olketa devol nomoa, hem nao hemi givim paoa long man ya, mekem hemi save raosim olketa devol.”

Matiu 26:61

an sei, “Disfala man ya hemi bin sei, ‘Mi ya, mi save brekemdaon disfala Tambuhaos blong God ya, an mi save wakembaek moa insaet trifala de nomoa.’”

Gudnius abaotem Jisas Kraes wea Luk hemi raetem 23:2

An olketa man ya olketa stat fo talem plande samting agensim Jisas, an olketa tok olsem, “Mifala bin faendemaot wea man ya hemi bin lidim olketa pipol blong mifala fo go agensim bikfala King long Rom ya. An hemi bin talem olketa pipol tu fo no peim taks long bikfala King ya. An narasamting moa, hemi talem hem nao hemi disfala Mesaea wea hemi wanfala king.”

Gudnius abaotem Jisas Kraes wea Jon hemi raetem 1:17

Lo blong God, Mosis nao hemi raetem. Bat hao God hemi kaen tumas an evri tru samting abaotem hem moa, Jisas Kraes nao hemi somaot klia long yumi.

Gudnius abaotem Jisas Kraes wea Jon hemi raetem 7:27

Bat disfala man ya, yumi evriwan save nomoa long taon wea hemi stap kam long hem ya. Bat taem disfala Mesaea hemi barava kam, bae no eniwan i save long watkaen ples hemi stap kam long hem.”

Gudnius abaotem Jisas Kraes wea Jon hemi raetem 7:28

Jisas hemi gohed fo tisim olketa pipol insaet long Tambuhaos ya, an hemi toktok bikfala olsem, “Yufala tingse yufala save long mi an ples wea mi stap kam long hem ya. Bat mi no kam falom tingting blong mi seleva ya. Dadi ya wea toktok blong hem hemi tru tumas, hem nao hemi sendem mi kam. Bat yufala ya, yufala no save long hem ya.

Gudnius abaotem Jisas Kraes wea Jon hemi raetem 8:14

Bat Jisas hemi sei, “Nomata mi nomoa mi talemaot evrisamting abaotem mi seleva, wanem mi talem hemi tru. Bikos mi save long ples wea mi stap kam long hem, an ples wea bae mi go long hem. Bat yufala nating save long ples wea mi stap kam long hem ya, an long ples wea bae mi go long hem.

Gudnius abaotem Jisas Kraes wea Jon hemi raetem 9:16

Samfala Farasi olketa tok olsem, “Disfala man hemi no blong God ya, bikos hemi nating obeim lo blong Sabat.” Bat samfala moa olketa tok olsem, “?Hao nao man hu hemi garem sin hemi save mekem olketa bikfala mirakol olsem ya?” Olketa Farasi i no save wanmaen abaotem Jisas nao,

Gudnius abaotem Jisas Kraes wea Jon hemi raetem 9:24

Olketa askem disfala man wea hemi blaen bifoa fo kambaek mektu taem moa, an olketa sei long hem, “Yu mas promis long ae blong God wea bae yu talem tru samting nomoa. Mifala save dat disfala man ya hu hemi mekem ae blong yu fo gudbaek, hemi wanfala man wea wei blong hem hemi nogud ya.”

Gudnius abaotem Jisas Kraes wea Jon hemi raetem 9:30

Bat man ya hemi tok olsem, “!Maewat, mi sapraes tumas long yufala ya! Man ya nao hemi mekem ae blong mi fo gud moa ya, bat yufala nating save long wea nao hemi stap kam long hem.

Aposol 22:22

Olketa pipol ya olketa bin gohed fo lisin long Pol go-go kasem disfala las toktok nomoa, bat distaem olketa stat fo singaot bikfala tumas olsem, “!Kilim hem dae! !Hemi no fitim fo hemi stap laef ya!”

Aposol 26:22

Bat God hemi bin helpem mi olowe kam kasem tude, so hem nao mi save stanap an talemaot olketa samting ya long olketa pipol, nomata olketa i bikman o olketa i no bikman. Mi no talem enisamting wea hemi deferen from wanem olketa profet an Mosis tu i sei bae hemi hapen.

Aposol 7:35

“Disfala Mosis ya, olketa pipol blong Israel olketa agensim hem finis an olketa bin sei, ‘?Hu nao mekem yu kamap bikman an jaj blong mifala?’ Bat God nao hemi yusim disfala enjel wea Mosis hemi lukim long smolfala tri ya, an hemi sendem Mosis go fo rulim olketa an fo sevem olketa tu.

Diutronomi 34:10

Mosis hemi barava nambawan profet, an kam kasem tude, no eni narafala profet moa hemi kamap long Israel wea hemi olsem hem, wea Yawe hemi save toktok wetem hem stret long ae blong hem.

Hibrus 1:1

Long plande taem an long plande wei nao, God hemi toktok go long olketa olo blong yumi long bifoa. Hemi kolem olketa profet fo talemaot toktok blong hem.

Hibrus 1:2

Bat long distaem wea hemi no longtaem fo wol ya bae hemi finis, God hemi sendem kam San blong hem fo talemaot toktok blong hem long yumi. Long San blong hem nao, God hemi mekem skae an wol ya, an God hemi siusim hem fo onam evrisamting ya.