Gudnius abaotem Jisas Kraes wea Jon hemi raetem 9:18 - Pijin Bible

¹⁸ Long taem ya, olketa bikman blong olketa Jiu ya olketa nating bilivim toktok blong man ya wea hemi sei hemi nating lukluk bifoa, bat long distaem, ae blong hem hemi save lukluk moa. So olketa talem mami an dadi blong man ya fo kam,

Pijin Deuterocanon

¹⁸ Long taem ya, olketa bikman blong olketa Jiu ya olketa nating bilivim toktok blong man ya wea hemi sei hemi nating lukluk bifoa, bat long distaem, ae blong hem hemi save lukluk moa. So olketa talem mami an dadi blong man ya fo kam,

Gudnius abaotem Jisas Kraes wea Jon hemi raetem 9:18 Iomraidhean Croise

Jenesis 19:14

So Lot hemi go lukim tufala man wea bae tufala maritim tufala gele blong hem. Nao hemi tok olsem long tufala, “!Yu hariap! !Bae yumi goaot kuiktaem from ples ya! !Distaem nomoa, Yawe bae hemi spoelem taon ya finis!” Bat tufala tingse hemi gohed fo tokplei nomoa long tufala, so tufala no kam nomoa.

Aesaea 26:11

!O Yawe! Yu liftimap finis han blong yu fo panisim olketa, bat olketa nating luksave nomoa. Plis yu som olketa disfala wei wea yu garem strongfala tingting fo pipol blong yu, mekem olketa wea i falom olketa nogud wei olsem i save sem. An yu mas bonem olketa long faea wea yu redim finis fo olketa enemi blong yu.

Aesaea 53:1

Olketa pipol i tok olsem, “?Hu nao save bilivim disfala mesij blong mifala? ?Hu nao save luksave long disfala wei wea Yawe hemi somaot paoa blong hem?

Gudnius abaotem Jisas Kraes wea Luk hemi raetem 16:31

Bat Ebraham hemi sei, ‘Sapos olketa no save bilivim wanem Mosis an olketa profet olketa talem, nomata wanfala man hemi laefbaek moa from dae, bae hemi had tumas fo olketa bilivim toktok blong hem tu ya.’”

Gudnius abaotem Jisas Kraes wea Jon hemi raetem 1:19

Wanfala taem, olketa bikman blong olketa Jiu long Jerusalem, olketa sendem go samfala prist wetem samfala Livaet fo askem Jon olsem, “?Waswe, yu hu ya?”

Gudnius abaotem Jisas Kraes wea Jon hemi raetem 5:44

Yufala laekem tumas fo olketa pipol i tinghae long yufala, bat God hu hem nomoa hemi God, yufala nating wari fo duim enisamting fo mekem hem tinghae long yufala. So hemi had tumas fo yufala bilivim mi tu ya.

Gudnius abaotem Jisas Kraes wea Jon hemi raetem 9:19

an olketa askem tufala olsem, “?Waswe, hemi tru wea disfala man hemi san blong yutufala, an taem hemi bon kam hemi blaen finis? ?So hao nao hemi save lukluk moa distaem?”

Gudnius abaotem Jisas Kraes wea Jon hemi raetem 9:22

Nao mami an dadi blong man ya, tufala tok olsem bikos tufala fraetem olketa bikman ya. Olketa bikman ya, olketa wanmaen finis wea sapos eniwan hemi talem hemi biliv wea Jisas nao hemi disfala Mesaea ya, bae olketa finisim hem from olketa preahaos.

Hibrus 4:11

Dastawe yumi mas traehad nao fo kasem disfala ples fo res wetem God. Nogud samfala long yumi i bikhed olsem olketa long bifoa nomoa, wea olketa no save kasem ples ya.