Gudnius abaotem Jisas Kraes wea Jon hemi raetem 8:6 - Pijin Bible

⁶ Olketa askem Jisas olsem bikos olketa laek fo trikim hem nomoa ya, mekem olketa save ripotem hem. Bat Jisas hemi bendaon nomoa, an hemi raet long graon wetem fingga blong hem.

Pijin Deuterocanon

⁶ Olketa askem Jisas olsem bikos olketa laek fo trikim hem nomoa ya, mekem olketa save ripotem hem. Bat Jisas hemi bendaon nomoa, an hemi raet long graon wetem fingga blong hem.

Gudnius abaotem Jisas Kraes wea Jon hemi raetem 8:6 Iomraidhean Croise

Jenesis 49:9

Yu olsem wanfala laeon, wea hemi go fo kilim narafala animol fo kaikaim. Taem hemi kambaek long hol blong hem, hemi leidaon, an hemi stretem bodi blong hem, an evri pipol i fraet long hem, an no eniwan save go an wekapem hem.

Sams 39:1

Mi bin tok olsem, “Mi mas lukaot gudfala fo no talem eni toktok wea hemi no stret. An mi mas no letem maos blong mi fo mekem mi sin. Taem olketa nogud pipol i stap kolsap long mi, bae mi no tokabaotem trabol blong mi.”

Provebs 26:17

Taem yu joenem raoa blong nara man hemi olsem yu kasholem dog long ia blong hem.

Eklesiastes 3:7

Taem hemi stap fo man brekem kaleko, an taem hemi stap fo somap kaleko. Taem hemi stap fo man stap kuaet, an taem hemi stap fo tok.

Jeremaea 17:13

O Yawe. Yu nao God wea mifala long Israel save dipen long hem. Olketa hu i lusim yu, bae i sem tumas. Eniwan hu hemi les long yu, bae hemi olsem toktok wea olketa raetemdaon long sanbis. Bae hemi lus finis bikos hemi lusim yu Yawe, hu yu olsem nambawan springwata wea hemi givim laef.

Daniel 5:5

Seknomoa wanfala han blong man hemi kamaot nao, an hemi gohed fo raet nao long wol blong haos ya blong king, long ples wea laet hemi saen gudfala long hem. King hemi lukim han ya taem hemi gohed fo raet long wol.

Emos 5:10

Wei blong yufala long kot hemi nogud tumas. Sapos wanfala stretfala man hemi kamap an hemi talem evri tru toktok, o hemi agensim ravis wei ya long kot wea olketa trae fo ravem samwan, yufala heitem diskaen man ya.

Emos 5:13

Ya, long taem olsem diswan wea olketa ravis pipol i spoelem narafala pipol olsem yufala ya duim, man hu hemi laek fo talem tru samting long kot, hemi sud stap kuaet nomoa.

Nambas 14:22

No eniwan long olketa save go insaet long lan blong Kenan. Olketa lukim finis saen blong paoa blong mi an olketa lukim tu olketa mirakol wea mi mekem long Ijip an long drae eria. Nomata olsem olketa testem mi plande taem tumas, an distaem olketa nating obeim mi.

Matiu 10:16

An Jisas hemi sei moa, “Yufala lisin kam fastaem, mi sendem yufala fo goaot olsem olketa sipsip wea olketa goaot long midol long olketa wael dog. So yufala mas olsem olketa snek wea olketa kleva tumas an yufala mas olsem olketa kurukuru wea olketa no save raf.

Matiu 15:23

Bat Jisas hemi no talem enisamting long woman ya. So olketa disaepol blong hem olketa kam long hem, an olketa sei, “!Yu helpem woman ya nao, mekem hemi go! Hemi meknoes tumas bihaen long yumi ya.”

Matiu 16:1

Long wanfala taem, samfala Farasi an samfala Sadiusi olketa kam fo trikim Jisas. So olketa askem hem fo mekem wanfala saen fo somaot sapos hemi tru wea God nao hemi sendem hem fo kam.

Matiu 19:3

Nao samfala Farasi olketa kam fo trikim Jisas, an olketa askem hem olsem, “?Waswe, Lo hemi letem man fo lusim waef blong hem bikos man seleva hemi laekem nomoa?”

Matiu 22:18

Bat Jisas hemi save finis wea olketa garem ravis tingting nomoa ya, so hemi sei, “?Waswe nao yufala wande fo trikim mi? Yufala save laea tumas ya.

Matiu 22:35

Nao wanfala long olketa hu hemi tisa blong Lo, hemi askem wanfala kuestin long Jisas fo trikim hem nomoa.

Matiu 26:63

Bat Jisas hemi stap kuaet nomoa. An Haeprist ya hemi sei moa long hem, “Long nem blong God hu hemi laef, yu mas talemaot sapos yu nao disfala Mesaea wea hemi San Blong God.”

Gudnius abaotem Jisas Kraes wea Mak hemi raetem 10:2

Nao samfala Farasi olketa kam fo trikim Jisas nomoa, so olketa askem hem olsem, “?Waswe, Lo blong yumi hemi save letem man fo lusim waef blong hem?”

Gudnius abaotem Jisas Kraes wea Mak hemi raetem 12:15

Bat Jisas hemi luksave finis wea olketa wande fo trikim hem nomoa, so hemi sei olsem, “?Waswe nao yufala wande fo trikim mi? Yufala tekem kam wanfala seleni mekem mi lukim.”

Gudnius abaotem Jisas Kraes wea Mak hemi raetem 3:2

Nao olketa laekem tumas fo ripotem Jisas so olketa barava lukluk falom hem nao fo faendemaot sapos hemi mekem man ya fo gudbaek moa long Sabat de.

Gudnius abaotem Jisas Kraes wea Mak hemi raetem 8:11

Samfala Farasi olketa kam long Jisas an olketa stat fo stori wetem hem from olketa wande fo trikim hem. So olketa askem hem fo mekem wanfala saen fo somaot sapos hemi tru wea God nao hemi sendem hem fo kam

Gudnius abaotem Jisas Kraes wea Luk hemi raetem 10:25

Long wanfala taem, wanfala tisa blong Lo hemi kam an hemi trae fo trikim Jisas. Nao hemi tok olsem, “?Tisa, wanem nao bae mi duim, mekem mi save kasem disfala tru laef wea hemi no save finis?”

Gudnius abaotem Jisas Kraes wea Luk hemi raetem 11:16

Samfala pipol moa olketa laek fo trikim Jisas, so olketa askem hem fo mekem wanfala mirakol fo somaot sapos hemi barava kam long God.

Gudnius abaotem Jisas Kraes wea Jon hemi raetem 8:2

Taem hemi kasem barava moning long neks de, Jisas hemi kambaek moa long eria blong Tambuhaos ya. An evriwan i hipap raonem Jisas, so hemi sidaon an hemi stat fo tisim olketa.

1 Korin 10:9

Yumi mas no traem Masta olsem samfala long olketa i duim, wea olketa snek nao kilim olketa dae.