Gudnius abaotem Jisas Kraes wea Jon hemi raetem 8:20 - Pijin Bible

²⁰ Jisas hemi talem olketa samting ya long taem hemi tisim olketa pipol insaet long Tambuhaos, kolsap long ples blong olketa boks fo putum seleni long hem. Long taem ya, no eniwan kasholem hem bikos hemi no kasem taem blong hem yet.

Pijin Deuterocanon

²⁰ Jisas hemi talem olketa samting ya long taem hemi tisim olketa pipol insaet long Tambuhaos, kolsap long ples blong olketa boks fo putum seleni long hem. Long taem ya, no eniwan kasholem hem bikos hemi no kasem taem blong hem yet.

Gudnius abaotem Jisas Kraes wea Jon hemi raetem 8:20 Iomraidhean Croise

1 Kronikols 9:26

Bat fofala Livaet hu i lida blong olketa sekiuriti ya, olketa bin lukaftarem olketa rum insaet long Tambuhaos blong God, an lukaftarem olketa samting wea olketa prist i putum insaet long olketa rum ya.

Matiu 26:55

Nao long taem ya, Jisas hemi toktok olsem moa long olketa pipol, “?Waswe, yufala tingse mi man fo mekem trabol ya, mekem yufala kam fo kasholem mi wetem olketa naef an stik fo faet? Long evri de nao mi bin sidaon fo tisim olketa pipol insaet long Tambuhaos ya, bat yufala nating kasholem mi nomoa.

Matiu 27:6

Taem olketa hedprist tekem disfala seleni ya nomoa, olketa sei olsem nao, “Disfala seleni ya hemi seleni blong blad blong man ya, so hemi tambu long Lo blong yumi fo putum diswan wetem seleni blong Tambuhaos ya.”

Gudnius abaotem Jisas Kraes wea Mak hemi raetem 12:41

Taem Jisas hemi sidaon kolsap long boks fo putum koleksin long hem wea hemi stap insaet long Tambuhaos ya, hemi lukim plande pipol nao olketa putum seleni blong olketa insaet. An plande ris man nao olketa putum plande seleni tumas.

Gudnius abaotem Jisas Kraes wea Mak hemi raetem 12:43

Nao Jisas hemi kolem olketa disaepol blong hem fo kam an hemi sei long olketa, “Mi talem yufala tru samting nao, wanem pua woman ya hemi putum, hem nao hemi barava bikfala winim moa olketa seleni wea olketa nara man ya olketa putum.

Gudnius abaotem Jisas Kraes wea Luk hemi raetem 20:19

Nao long taem ya nomoa, olketa hedprist an olketa tisa blong Lo olketa luksave dat toktok blong Jisas hemi barava agensim olketa tru nao. So olketa wande fo kasholem hem long semtaem, bat olketa fraet tu long olketa pipol.

Gudnius abaotem Jisas Kraes wea Luk hemi raetem 21:1

Nao taem Jisas hemi lukluk goraon, hemi lukim olketa ris pipol wea olketa kam an putum seleni blong olketa insaet long boks fo putum koleksin long hem, wea hemi stap insaet long Tambuhaos.

Gudnius abaotem Jisas Kraes wea Jon hemi raetem 10:39

Nao olketa trae fo kasholem hem moa, bat hemi haed nomoa an hemi lus nao.

Gudnius abaotem Jisas Kraes wea Jon hemi raetem 2:4

Nao Jisas hemi tok olsem long hem, “Woman, yu mas no talem mi wanem fo duim, hemi no kasem taem blong mi yet ya.”

Gudnius abaotem Jisas Kraes wea Jon hemi raetem 7:14

Taem hemi kasem long midol long olketa bikde ya, Jisas hemi go insaet long eria blong disfala Tambuhaos ya an hemi stat fo tisim olketa pipol nao.

Gudnius abaotem Jisas Kraes wea Jon hemi raetem 7:30

From Jisas hemi tok olsem, olketa laek fo kasholem hem nao. Bat hemi no kasem taem blong hem yet, so no eniwan duim enisamting long hem nomoa.

Gudnius abaotem Jisas Kraes wea Jon hemi raetem 7:44

Samfala laekem tumas fo kasholem hem nao, bat no eniwan duim enisamting long hem nomoa.

Gudnius abaotem Jisas Kraes wea Jon hemi raetem 7:8

Yufala go nao long olketa bikde ya. Bat bae mi no go ya, bikos hemi no kasem taem blong mi yet.”

Gudnius abaotem Jisas Kraes wea Jon hemi raetem 8:2

Taem hemi kasem barava moning long neks de, Jisas hemi kambaek moa long eria blong Tambuhaos ya. An evriwan i hipap raonem Jisas, so hemi sidaon an hemi stat fo tisim olketa.

Gudnius abaotem Jisas Kraes wea Jon hemi raetem 8:59

Long taem ya, olketa lukaotem kam olketa ston fo sutim hem dae nao ya. Bat Jisas hemi go haed nomoa, an hemi lusim Tambuhaos ya nao.